Zei Phun dah Nupi Caah Na Duh Ve

(Catialtu ruahnak,hmuhnak lawng a si )

Hlawnceu Nu: Nupi caah an tha pasal a herh lo ah an then menmen ti lo, pasal le nih tuaitam peng an duh, a kawmh an nuam.

Zaathang Nu: An lung a puam/an thinlung a khohcho, nain a helh an fawi mi duh an i foih, an lung khohcho dah lo cu nupi caah soisel awk an um lemlo.

Cinzah Nu: i zinter ngai i a thli tein lerh an hmang, mi duhlo an si, an duh lonak ahcun talkalh in kalh zongah an i phok lo.

Na Bawipa Ton Awk Ah I Tim Tuah

Amos 4:12 “Cucaah Israel hihi na cung i ka tuah ding cu a si,cun hihi na cung i ka tuah ding cu a si caah maw Israel na Pathian ton awkah i tim tuah.”

 

Mah Bible caang a cunglei kan rel a si ahcun Bawipa mi hna Israel mi hna an sual ruangah, Bawipa nih dan a tatnak hna a si.Bawipa sinin an sual ruangah Israel cu an cungah dan tatnak a phunphun in Bawipa nih dan a tat hna i cu a ruangcu an sual i ngeihchih hna sehlaw ka sinah rah kir than hna seh ti kha a duhmi a si,an ram ah paam a tlungter.an lo ah thlai a khoh ter lo, hremnak a phunphun in amah lei i mer dingah a auh hna nain,Israel cu Bawipa lei ah a mer duh hleilo ruangah, maw Israel na Bawipa nih an ton canglai cucaah na Bawipa ton awk ah i tim tuah tiah Amos sinin Bawipa nih a chimh hna.

cu Amos sinin Bawipa nih a ton dingmi hna a chimh mi hna cu.biakam thar ah,Bawipa lamkaltu John nih vancungpennak cu a nai cang caah nan sualnak kha mer tak cang hna u.tiah a ti ve, (Matthai 3:1-2) John cu kan theih bantukin Bawi Jesuh lamkaltu a si. (Matthai 3:11-12) 

Vawlei Cu Mah Hi Asi

1.Mi sifak, rethei hna nih sizung panh duh zongah panhnak ngei loin an um lioah,mirum le mi nei hna zongnih si thatha le Dr thiamsangmi hna I chiah buin vawlei an byebye nak asi.

 

2.Mino tampi nih ngandamnak cu chimlo, sizung le sibawi panh haulo tein an um lioah, ngandam a nuamning cu theithiam loin, ritnak si, zu le sa rithainak in an taksa le nunnak cu an hmannak vawlei asi.

3.Cheukhat nih vawlei nun khawhsak harnakkong ruahah beidong in mah le mah nunnak aa la mi an umnak vawlei a si.

4.Mi cheukhat nih nuamhnak kawlin ngaihchiatnak tu anton, micheu nih mah nuamhnak tu kawl ve loin,midang nuamhkhawhnak tu an tuah i adong kho tilo mi lunglawmhnaktu an hmuhnak vawlei a si.

Chawhleh Chaw Kawlnak Ah Buddha Nih A Rak Chimmi

1.Hlawhtlinak/teinak hmuh nan duh ahcun i zuam uh, cupin ah a zuammi poah an hlawhtling maw? hlawhtling hlah.

2. Riantuan thiammi sinak a herh.

a. i zuam hnu ah zeidah a herh rian thiam a herh.

b. chawlet/sumdawngmi nan si ah,dawr thil cawk le zuar ning thiam a herh.

c. company, thilchuah leiah tuanmi na si ahcun company rian thiammi si a herh.

d. leilet, lo atuahmi na si ahcun lo tuahdan, thlaicin dan a thiammi si a herh.

e. dumhau tuahmi na si ahcun dumhau tuahning thiam a herh.

Cauk Thawnnak Cu Aleng Phaw Ah A Si Lo

Cauk a that le that lo cu a phaw cuangmi ah va zoh hlah.Minung an that nak le that lo nak zong a lenglang lawng in va zoh ve hna hlah ti asi ve.

Tlangval hna nu nih a thinlungtak an in pek cang a si ah cun.na care lo tik hnaah na cungah thinhun dinglawng an kawl tawn lai ti si.

I lawmh taktak na duh a si ah cun, a hmasa ah Bawipa lawmh ter hmasa, cun hawidang zong lawmhter hmasa hna ti si, hawidang kan cungah an I lawmh tikah cu hawi an I lawmhnak nihcun kanmah zong a kan lawmhter ve ti si.

Minung nih cun a hmasa bik ah fimnak le caw va hi kawl hmasa dingah chiah a si, nain a herh deuh taktak mi cu, dinnak,dawtnak zumhtlak sinak te hna hi kan kawl hmasa dingmi cu a rak si, zeitluk fim/rum zongah dinnak,dawtnak,zumhtlak sinak a tello ahcun arimchia ngai mi a si thotho ko.

Ngaknu Dawh Le Ngaknu Tha

Ngaknu dawh nih ahmai le a titvun a biapi ah a chiah,hnipuan he.

Ngaknu tha nih a nuncan a ziaza a biapi ah a chiah ve.

Ngaknu dawh nih mit tha a dam ter.

Ngaknu tha nih chunglei thinlung a damter,a lawmhter ve.

Ngaknu dawh cu anno lio caan ah mi mit an hlang i chim le rel an si.

Ngaknu tha cu an tar hnu zongah an nunzia dawh mi nun a cawm.

Ngaknu dawh cu suitum tlangpi bantuk an si lio ah.

Ngaknu tha cu aman a fakmi lungvar mansung bantuk an si ve.

HLAN AH CUN

Hlan ahcun dawt tiin na rak ka auh tawn.

 

Hlan ahcun ka thinlung te tiin auh ka rak si tawn.

Hlan ahcun naute bantuk tein dawt ka rak si tawn.

Hlan ahcun naute bantukin zohkhenh le tuamhlom ka rak si tawn.

mah lio ahcun na thinlung ngeitu hlah maw ka rak si ka ti i,nain

na thinlung ngeitu ka rak si lo.

Tu ahcun dawt a rak ka titu kha ka mitthli tlaktertu a si cang.

Naute bantukin a rak ka zohtu le dawtu cu atu ah,umhar lilengin

a ka chiatu a si cang.na rak ka dawtnak le duhnak vialte cu atu

ahcun ka caah cancer zawtnak bantukah aa chuah cang.

zumhtlak sinak tello dawtnak,duhnak

A Deu Le A Tak

Baibal cangthim.(Matthai 3:12)A kut in facang zahnak sisiap cu a put i rawl cu a zah dih hna lai, a fang cu buk ah a rawn lai i a hi cu a mit lomi mei in a khangh hna lai.

 

Hrinthan/pianthar nak.’ a deu le a tak’ hin tha zang rah i lak cio hna sih.

Mah te i a hrinthan ah a chia mi hna nun cu, pumh tam deuhpoah ah vanramkai ding ah a ruah, khrihfabu rian ah a tel tam deuh poah le, hrinthan mi ah a chia, khua maw caan i pumhkhawh lo, tuah khawh lo sual ah hell ram tla ding ah a ruah a sualtuk mi ah a chia, mah bantuk i a ummi hna cu mah tuahser nak rinh in vanram kai a timmi hna an si ti khawh an si.

Ngaihthiammi Si Nakin, Ngaithiamtu Si A Tha Deuh

Lenglei dawhnak hi, chunglei thatnak aa tello ah cun midang hliam tu le mi a zawt ter tu men a si, ti a si

harnak,retheihnak hna hi mifim caah cun cawnpiaknak tha a si I, micheu khat caah cun chiatnak rawhnak chuahter tu a rah si ve.

Suimilam cu a man a fah ah siseh, a man a tlawm ah siseh, a suimilam caan an sawh mi cu a khat dih ko ti a si.

A thabik mi cu, a tha lo bik ti i I hmuhnak hmun in a ra mi a si ti a si.

Mi Fapa Rat Lainak Ralrin Pek Nak

Sualnak A Karh Lai: Matthai 24:37-39, Mi Fapa a rat cu Noah chan i thil umtuning bantuk kha a si lai. 38Tilian a tlun hlan, Noah lawng chung i a luh ni tiang kha, an ei an ding an i thi an i um i 39tilian a hung tlun taktak i a fenh dih hna hlantiang kha cu, zeihmanh an hngal lo. Mi fapa a rat tikah cun cu bantuk cun a si lai.

 

Kan vawlei sualnak a karh ning hi tihnung hi asi cang,tampi chim le rel zong hau loin,social media in tampi nan theih cio ko,kum tling loin nau pawi a tam ning,nau thlak le thah a tamning,nu le nu pa le pa sualnak a zalon ning,tlaihrem a tam cangning media in theih peng a si.