An Phai Theo Mi Ritnak Zu Cu

Mah tuanbia te hi a tha ngai ka ti I,tuchan mino tampi zong nih thei ve hna usihlaw, thathnemnak a um pam ah tiah saduhthahnak he rak telh ve.

Munghal Emperor lio ahkhan mi lianngan bawi pakhat a um cucu amin ah, Akbar ti a si, Akbar nihcun a kuttangmi bawi ruahnak cheutu mifim ngaingai pakhat aa ngeih ve I, amin ah Raja Birbal ti asi, nikhat cu Akbar nihcun a kuttangmi mifim ai bochanmi pa Raja Birbal cu bia ahal ti si, Zu a that lonak hi pathum in chim tuah tiah a ti ti si, Raja Birbal nih cun aa thawh I mah ti hin zu a that lonak cu a chimh.

1.ZU DINGMI CU AN SAM A PAR HMANH BALLO.

2.ZU DINGMI CU UICO NIH A SEH BAL HNA LO.

3.MIFIR NIH ZU DINGMI HNA THIL CU AN FIR BALLO.

Tlangvaal Nih Kan Theih A Herh Bak Mi

Na uar mi nungak kha na lentuk a si ah cun, an nenglai ti a si nain, lenglo in sau deuh na um a si ah cun na uahtuk an ti lai ti a si.

Na duhnak bia na chimhtuk a si ah cun, zeiah an rel lai lo ti a si na chimh lo tuk a si ah cun a lungawi fawn lai lo ti a si.

Na conglomh i na fak deuh a si ah cun, na ka (bawl/capo) an ti lai I, na fak lo tuk a si le zei ah na ka ruat lo a ti lai ti a si.

Minung Kan Ral Ngan Bik Phun ( 2 )

Minung kan ral ngan bik cu kanmah hi kan si ti cu ahopaoh nih theih dih cio asi, Pathian bia zongah mah le mah I teinak a herhnak kong zong a kan cawnpiak, thlarau theitlai ah aa telmi pakhat zongah achiah.

1.Minung kan ral nganbik cu kanmah kan si.

2.Minung kan ral nganbik cu kan hawikawm tha bik hna an si.

Vawlei cung ral vialte lakah tei a har bik mi ral cu mah le mah I tei hi a si, minung kan I nuam ee, kan I lawm ee kan ti tawnmi zong hi kanmah tuahsernak ah a um tawn, kanmah kan tuahsernak a dik ahcun, kan I lawm I kan tuahsernak a dik lo ahcun, kan ngaih a chia tawn, nuamhnak le nuamhlo nak zong hi a tam u cu, kanmah kut ah a ummi a si, kan nunning adik ah cun lunglawmhnak nih a zulh I, kan nunning a dik lo ahcun ngaihchiatnak nih a zulh ve, nunning dik in kan nun khawhnak ding caah cun Pathian bia nih a kan tining tein zulh le tuah a hau, Pathian bia nih ati mi cu minung sualnak, thurnak cu a chunglei ah a si, lenglei ah a si lo ati, cu kan chunglei nun ruahnak thalo, a thurhnawmmi ruahnak hna cu tei a herhnak cu asi, kan I lawmh khawhnak ding caah chunglei in sualtuah duhnak a kan ngeihtertu hna cu kan tei a hau I cu teinak ding caah thiang thlarau bawmtu a kan peknak zong cu a si. Cu kan chunglei nun kan tei hnu ceo ah thlarau lawmhnak taktak cu co a si tawn, cu chunglei nun tei cu mah le mah tei a timi cu a si.

Innchungkhar Nu Le Va Kar Ah Nuamhnak A Um Khawhnak Dingah

1.Nan thinhun I khat hlah seh, pakhat a thinhun ahcun pakhat cu dai tein um ding.

2. Ruah lopi in nan inn hna dah a kangh ti lo ahcun, au khuan lengmang lem lo ding.

3.Nu le va bia al caan ah, teinak a hmumi paoh nih, diriam in I lak lei si loin a sungmi paoh hnemh lengmang ding, a bik in Nu ko hi bia al tthawngmi an si.

4.Thangchiat ding le nan I soisel ding asi ahcun, dawtnak taktak te he tuah ding asi.

Kan Nun Ah Theih A Hau Mi Tete

Thahrum le kutke zo  nak hmun ah, fimnak a um ballo.

Awka hrang le bia nek, a umnak ah dawtnak nih hmunhma a ngei tawn ve lo.

Mi derthawm nih, mi an ngaithiam kho bal hna lo.

Cungah cawimi si na duh ahcun, mi tangah I dor hmasa.

Nangmah naa hmuh ning kha na sinak taktak a si rih lo.

Tlangvaal Nih Kan Theih A Herhmi Nu Ziaza

Nu dai dimdiam tein a thut ko a si ahcun, a khur khuaruahmi a tam ngaingai ti nak a si.

 

Nu nih a mitsir in an zoh i ai herthan colh asi ahcun zeicandah ka pongah aum lai, sau aum lai maw? ti a ruah ti nak asi.

Nu nih tlawmpal hnuah, 'aw ka tha ko ' a ti asi ahcun,a rak tha lo a rak tuar ngaingai ti nak khi asi.

Na Mui Nih Hawi A Tluk Lo Ruangah Thachia In Um Hlah

Mi titsa tha le muidawh, pumrua tha pungsan dawhmi na hmuh hna tikah, na mit thi in na ngar thluahmah tawn ko hna lo maw? Anmah bantuk si le I dawh ve I hawi nih zohmi le chimmi si cu na duh hringhran ve tawn ko lai, nain aw anmah bantukin nai dawh lo ruang le duh na nun lo ruangah na ngaihchia hrimhrim hlah seh, thachiatnak ah hman hrimhrim hlah, mah hna hi cu lenglang lawng asi, mitin hmuh khawhmi lawng a si, abiapi mi cu chunglei dawhnak a si.

 

# Na taksa dawhnak nihcun hawi bantukin midang mit la kho hmanh hlah sehlaw, na chunglei dawhnak tu nih cun ahopaoh a hip khawh ko hna, Pathian zong nih chunglei a zoh ti kha philh hlah.

Kan Nun Sersiamnak Caah Theih A Hau Tawnmi Pawl

kan duhmi hna nih kan liam tak cang hna hmanhsehlaw, kan thinlung chungah cun an liamkho ngaingai tawn lo.

 

Tlangval nih nungak lerh ngaimi aduh i, nungak achupchap pahmi nih tlangval lerh takmi cu a ngaithiam ve.

I theihthiamnak nih i dawtnak hram a fehter I, tangdornak nih a cawm i a thanter.

Thinlung/fimnak angei lomi caah cun Ni hi arah chuak ve men le zeihmanh loah a tla than ko.

Zeintindah Mi Puitling Kan Si Khawh Lai?

1.Vawlei hi nuamhnak ram si loin, harsatnak, rehtheihnak, buainak ram a si kha thei peng, a nuamhnak lawng in hman I tim hlah, dawt cukmak mi hna hmanh nih fahnak I pek nak ram a si, cucaah Job nih zei a ti buainak le harsatnak hna hi van zong in a rak thla lo I, vawlei in arak khomi zong asi lo, minung tu hi buainak le harsatnak tong dingin vawlei ah a rak I semmi kan si a ti, mi puitling si dingah cun cu harsatnak cu zam tak loin kan hmaichon ngam I kan pah ngam a haumi asi, cu harsatnak hnu ah nuamhnak hna cu a um, cucaah na hmaiah buainak, harsatnak a chuah tikah zam tak men lole, hrial tak men lo in minung nih kan pah ngam hi kan nunnak puiltingnak ding ah a herh taktak mi a si.

Kan Nunnak Ah Theih A Herhmi Bia Hna Hi Rak Rel Ve

# Mi nih duh/dawtnak a cawk in an cawk tik ah a hnuah i ngeihchihnak a chuah lawng si loin duhdawtnak man ngei lo ah a chuah.

 

# pa nih anupi cu amah a fimzia hmukho ding tianglawng in fim dingah le, a fimnak conglomh kho dingtianglawng i afimmi si ding tianglawng  a duh tawn.

# Nu le va i thitumhnak hi, pa nih an zalawnnak an thumhnak an chiahnak asi i, nu nih an i nuamhnak an thumhnak an chiahtaknak a si ve.

# minung simi paoh nihhin palhsualnak cu kan ngei dih ko, nain cu ruangah cun nunchung harnak kan tuarlai ti nak a si lo.