An Phai Theo Mi Ritnak Zu Cu

Mah tuanbia te hi a tha ngai ka ti I,tuchan mino tampi zong nih thei ve hna usihlaw, thathnemnak a um pam ah tiah saduhthahnak he rak telh ve.

Munghal Emperor lio ahkhan mi lianngan bawi pakhat a um cucu amin ah, Akbar ti a si, Akbar nihcun a kuttangmi bawi ruahnak cheutu mifim ngaingai pakhat aa ngeih ve I, amin ah Raja Birbal ti asi, nikhat cu Akbar nihcun a kuttangmi mifim ai bochanmi pa Raja Birbal cu bia ahal ti si, Zu a that lonak hi pathum in chim tuah tiah a ti ti si, Raja Birbal nih cun aa thawh I mah ti hin zu a that lonak cu a chimh.

1.ZU DINGMI CU AN SAM A PAR HMANH BALLO.

2.ZU DINGMI CU UICO NIH A SEH BAL HNA LO.

3.MIFIR NIH ZU DINGMI HNA THIL CU AN FIR BALLO.

Akbar cu a lung a ar tertuk I asi ahcun zu dingmi si cu a vat ha lai dah, zu dingmi hna covo cu a va tha lai ve, fiang deuh in na ka chim kho rih hnga maw? Tiah a ti ti si.

Raja Birbal nih cun mahtihin a chimh, a hrilhfiah .

Zu dingmi cu kum hngakchia te zong si hmanh hnasehlaw, an sam a par hmanh hrimhrim lo, an chan a tawi an sam par hmanh hlan ah thlanmual an liam, ati.

Zu dingmi cu hngakchia, mino te an si zong ah, thazaang an ngei lo an der I, thiangthunh he an vak an kal, an ban tha le an ke tha a tthawn lo caah thiangthunh an I thunh I cu thiangthunh/fung cu uico nih a tih tukmi a si caah ui nih an seh ngam bal hna lo, tiah a ti.

Cun zu dingmi hna cu an sifak I, ngeihmi thil sunglawi, rosung zong an ngei lo caah, mifir le damiah zong nih an luh hnawh bal hna lo I, an fir bal hna lo. Mifir kut in an him ka ti nak cu a si tiah a ti I, a lehnak bia hna hi a tha ka ti I ka lung a ka suk ngai ve caah ka van tenhta mi a si ve.

Cun kan ram le miphun zong hi vun zoh sihlaw,  Mino deuh a thi mi hna le chan tling loin mual a liammi hna zoh tik ah a tam u cu zu ruangah a si deuh ko. Cucaah cun a din le ei zia kan thiam lo a si ahcun din lo bak ding a si ko, zu a ding lengmang le a fim tuk ti le, zu a ri lengmang le a thancho tuk ti mi an um bal hrimhrim ve lo.

+++