Khrih Caah Pasaltha

Laimi hi kan pupa chan in pasaltha si hi a rah uar ngaimi kan si, nain vawlei leiin pasaltha si nak lawng a tam u cu kan rah si deuh rua, van lei pasaltha hi cu kan tlawm ngaingai rih.

 

van lei pasaltha si dingah cun a rah fawi ve lo, vanlei pasaltha lampi cu a nuammi lampi a si lo caah asi, vanlei pasaltha lam zulh dingah cun mah le mah i ral i kaltak ahau, nunhlun vawlei nuamhnak kan tlaichan cuahmah mi kan duh cuahmahmi hna zong siang na lo bu tein then, byebye tuah a hau, nifa tein mah vailam i put asi.

Unau I Huatnak Nih Zeidah A Chuahpi

Jesuh khrih le Muhammad Islam le Muhammad konglam.

 

Abraham nih Hagar sinin fapa a hrin i.(Gen:16)amin ah Ismael an sak, ticun Abraham nih a nupi sarah sinin fapa a hrin than i, amin ah Isak tiah an sak ve caan a kal lengmang i Ismael le Isak unau 2 nihcun lam dang veve an zawh, Islam an Bible ah a um ningah cun Abraham cu Pathian nih Hagar va auh than dingah a fial caah a si tiah an zumh, a hnuah Abraham cu Mecca khua ah, Pathian nih a fial bangin kaaba(Mecca khua i lungdum nganpi,Muslim hna hmun thianghlim bik) va sak dingah akir than i, Abraham nih Hagar le Ismael an sin i um ve lo ding i a thawl lio hna ah khan, Hagar nih bia a halmi cu a leh i, Abraham nihcun Pathian nih an umpi hna lai ti i a rah chimhmi hna cu, Hagar nihcun"Pathian nih a kan umpi ko lai ti a zumhnak cu a chimh"tiin hmuh asi.

Ka Dawt Te Kha ( duhmi,dawtmi a co kho ti lomi hna caah )

Ka dawte kha rak ka dawt piak ko mu, a tah I a mitthli a tlak tikah a mitthli rak hnawh piak law, awka nem tein rak hnem te mu.

 

A thin a hun I a aipuan I aphunphun in an ti tik zongah, rak tuar hramhram ko mu, sau a thinhung ballo.

Lungfak in rak tuah  hrimhrim hlah mu, a ruang cu a ka nuamhter bik lai tiin keimah cu kaltak in nangmah an panhmi na si khah.

Ngaihchiatnak a ton caan ah, rak hramh law rak hnem law a caah a tha bik ding kha rak tawlrel piak tawn mu ka ta si ti hmanh hlah sehlaw, a caah a nuamhnak a duh piaktu ka si peng ko rih.

A li a len I a umhar caan, a mithli a tlak caan paoh ah a pong teah rak umpi peng in rak daw ko, zaangfahnak a ngeimi na si ko ahcun ,keimah ruang tal ah zaangfahnak dawtnak te khan rak tuamhlawm ko mu.

First Love Can Never Die

Na pongah um peng dingin na duh ko nain aziah na kal ter?  Ziah na ngaihchih te ding na theih ko buah na hlaat e? tiin amah le amah bia aa hal hnu ah, amah le amah cu ai mawhchiat , ruahchannak na ngeih ter I, nuamhnak tlamtling lo na pek, dawtnak tak loin na dawt , zumhtlak tein tiah bia na kam I,a thli in na hleng lengmang, nangmah hlat lo kho loin a tuahtu kha nangmah thinlung thurhnawm le ruahnak thalo ruangah khan a si, na ngaihchi te lai, na tap te lai,na bei a dong cang lai,cutik caan ahcun hlawtmi si a har ning le kaltak mi si le kaltaktu si an dirhmun ai danning le a har ning nai fiang ve te lai.

 

Awlzaang tein ti khawhmi hi faktuk in tuar khawh a si tawn.

Na ngai in na hlam pengding a si ah a ziah na dawtmi cu na kal ter I, na duh peng ko dingah cun a ziah na dawtmi cu na kham in na thloh ko lo, I ngaihchihnak in na khat cang a si lo maw?  na lung na thumh duhlo ruangah na dawtmi cu na sung cang khah, na thinlung nih thlah a sian ballo mi cu, na sum khawh lonak ruangah na hmurka in na thlah, na si lo dingning in na langh caah a tuartu cu nangmah thotho na si.

Ka MawhChiat Hlah, Kai Danglam Cang

1.na duhlo I na hlawt hnu hmanh ah nangmah duh ruangah na hnu tein an zul I an dawi lengmangtu kha a tu ahcun kai danglam cang.

 

2.aw ka bo le awka ro in fak taktak in na ti hnu hmanhah mithmai panh te le aw ka nem tein an chawn tawntu kha tuah cun kai danglam cang.

3.kan duhdawtnak hna cu zawmhteih in nihchuak men ah na ruah hnu hmanh ah an thlah siang lo tu kha a tu ah cun kai danglam cang.

4.ka thinlung zong zoh piak loin, na duhmi paoh na fial I al lo tein na nawl a ngaimi le kaltak loding in an nawl lengmang tu kha tuah cun kai danglam cang.

5.na caah asi khawh chungin a rak I pe tawnmi le, hawikawm sinah nihsawh capo men ah na seih tawn I zei na rel lo mi kha tuah cun kai danglam cang.

Kan Tuh Bang Kan Zuunnak Vawlei Ah I Ralrin Kan Herh

1.Hawi le sinah ai phorhlaw mi nihcun, ai phorhlaw tukmi hawikawm an ton ve te lai.

 

2.Alerh tukmi nih cun, amah nak lerh a ton ve te lai.

3.Lih in mi hlen le mi deh a hmangmi cu, amah nak thiam  hlengtu dehtu a ton ve te lai.

4.hawikawm le dl cungah a dingfel lomi nih, miding fello dl hawikawm an ton ve te hna lai.

Voikhat Hmanh Tuah Ballo Mi Thil Nih Mi A Lem Kho Loh

Minung thinlung hi a mak tak pakhat lawng si ko nain."Dawtnak"le"huatnak" an um ti kho.

 

Ka thiltuah cia mi ruangah ka ngeihchih lai lo, ka rak tuahlo mi ca tu ah kan ngeichih deuh lai.

Mi thil kan pek mihna hi.zeitluk tamdah a si cang ti kha si lo in, kan thilpek mihna ah hin dawtnak zeizahdah aa tel ti kha  a rak si deuh.

Pa nih thil kan i cawk tikah, kan duh mi le a dawhkan timi khi kan cawk ton.

Kan I Ralrin Dingmi

1.An duhnak ruang le an dawtnak cu remcang ah la in, hlen le deh va tim hlah.

2.an herh I na pongte ah an hngak tioteo ko mi cu, kaa manh lo ka busy tuk va ti piak hlah.

3.nangmah an zum I an bochan tucu, a lung donghter in bei dongin va chia hlah.

4.a zeitin a si hmanh ah nangmah an duh cuahmah ko micu, a lungfah ter hlah.

5.na caah aa ready peng I a um peng kho ko mi cu, va philh hrimhrim hlah.

Tuchan Fanu Le Fapa Sinah Nu Le Pa Cakuat

“Ka fa”

Ka tar tikah cun aw na ka ngaihthiam I a ruah zia na ka thiam I lungsau tein na ka zohkhenh dingah kan nawl ko, ka mit a that ti lo caan I kheng/pakaan hna ka khuai sual a si zongah, ka kut hna a hung thir I cabuai cung I meh kheng hna apingah ka thlet sual tik caanah,  aw ka bo in na ka ti lo dingin kan nawl ko.

Tar cu an thinlung a hninghno I hngakchiate bantuk an si, aw ka ro in na ka ti ah cun mah le mah I phu hrunnak in kan khat lai I kan ngaih a chia lai, ka hna nih thil a theih khawh ti lo tikah  hnachet tiah na ka ti lo ding in kan nawl ko, chimh na ka duhmi ka theih khawh colh lo tik caanah zaangfahnak tein chim than law nolh than lengmang te ko ka fa, si lo hmanh ah a tial tal in ka tial piak te ko mu.

Lar Duhnak Nih Na Nung In Hrawk Hlah Seh

Fb ah like hmuh lo phan ah, tawtawk le elzim lang deng tiangin hmanthlak postmi kan karh tuk cang, kan karh chin lengmang kho men.

 

Comment hmuh lailo phan ruangah le commenttu um lailo phan ah, Model sexy bang style phun kip thoh, makeup phunphun hman, ph camera phunphun hmangmi zong kan karh chin lengmang, hmanthlak ah cun korean ah nan I cang cang nain nan min le lai min asi hui a zeipaoh a si ah na cungah cun chimnak nawl kan ngei lo nain, mah hi theih ah a tha mah sining tein langh tluk in tha a dam mi a um lo, mah sining te langh hi khing a zaang bik.

A hrimhrim ah taksa mui I dawh ngai ko style ngai ko ngo ngai ko nain, chunglei nun a that lo ah cun aw, mi lungfah ter tu kan si ko lai, thei te hna zong a hawng cu kan meh I kan hlonh I a chung I a ummi lawng dawh kan ei ko cuh, na sining tein lang ngam ko tha a dam cem.

Prophet Jonah Tuanbia Hi Rak Rel Ve Hna U Sih

Ninevi khua hi Ninrod i a rah sermi khua a si(Gen.10:6-12)Mesopotamia ramah khualipi lakah a lianngan mi khua pakhat a rak si ve, a min sullam hi siria holh in Nina or Ninua tiin lakmi a si. Heb, Nin!e-vi ti a si. a sullam cu(fish/nga)ti nak a si, nga khuapi ti nak deuh a si ti nak si cu, a hlathlai mi hna nih an chimning ah. BC 4500 hrawngah dirhmi si dawh in an ruah.

 

Siria khualipi Ninevi i an siangpahrang Sennacherib(705B.C-612B.C)chan lio hrawng ah cun khualipi minthanglei ah van a rah tawng ve mi a rak si, siangpahrang Sennacherib uk nak a dih in Ninevi khualipi zong cu tumchuk lei a panh ve ti a si, Ninevi khua hi tarkis tiva nichuak leikam ah a ummi a si, kha lio caan ah Ninevi khua i a ummi minung hna hi 174,000 hrawng nak tam in ruah a si, Baibal chim ningin ahcun hngakchia lawng hmanh 120,000 an si I .600,000 hrawng minung um dingin ruah a si.(Jonah 4:11).