Ruahchih Pah Awk Bia Tete

zohchunh awk tlak i nun hi biachim vialte lak ah hmual a ngei mi bia a si.

Zumh awk a tlak lomi nih cun mizeipaoh hi amah bantuk in zumh awk tlak lo ah a ruah dih tawn hna.

A hlawhtling takmi si i tim hlah, mi sunglawi/mi santlai si i tim deuh, ti a si

Mitthat ko, i au khawh ko na i hmuh khawh tung lo nak chacun, mitcaw khuahmuh khawh lo i a kan khamh tu Bawipa hmuh a tha deuh.

kan nunnak lamtluan i harsatnak kan tawnmi hna hi, a tak in na ton ve lo ah cun na theithiam kho lai lo, Thih nak zong hi a si ve, na dawtmi maw? na tleichan mi maw? na bochan mi maw?.an thih tik ah a tuar a har zia na theithiam lai ti a si, Mipiangthar hna nih Pathian bia an chim lengmang mi zong hi, na nun nih a takin a tawn tik lawng ah a sullam, a thawt nak na thei ve lai ti a si.

Lungre Thei In Um Hlah U

Matthai 6:31 “Cucaah khawzei in dah ka ei awk ka rawl cu ka hmuh lai, ka din awk cu ka hmuh lai, ka hniphun cu ka hmuh lai tiin lungrethei in um hlah u.”

Minung kan nunchungah kan taksa caah a herh bikmi cu rawl/ ei le din, hnipuan hruk eih , umnak/khuasaknak, inn le lo hmunhma hi asi, minung asi i a nungmi poah nihcun kan herh dih, cucaah kawlram mirang kutchungin luatnak a rah latu booyoke Aungsan nih a rah chim ve mi cu, kawlhloh in (saa-wot-neyii)a rah ti i, mah cu zumlo tu hna zongnih minung kan nunnak caah a herh bik ti i an ruahmi a si, minung kan si ahcun umnak hmun inn le lo kan herh i,hni le puan kan herh i,ei le din ti le rawl kan herh,mah cu minung kan sinak ah kan (piat-ta-naa)cu asi.

Mah piat-ta-naa minung nih kan tonmi cu Izipt ram in moses nih Israel mi hna a chuakpi lio hna ah khan,ramcar ah an ton vemi  asi, Israel mi hna cu sal sinak Izipt ram in an mipum cu a luat cang ko, Izipt ram cu an chuak tak cang ko nain, an thinlung cu a luat kho lo, zeiruangah tiah cun mah minung nih kan tonmi piat-ta-naa ruangah cun a si, kanaan ram lei panh in ramcar i an um lio ah ti din awkah an lungre thei, rawl ei awk ah an lungre thei, i runvennak/security kongah an lungre thei, mah caah cun Izipt ram cu an chuak tak cang ko nain,an thinlung in an ngai than, an hlam than Bawipa nih a duh lo ramcar ah Bawipa a thin an phawh.

I Cinken Awk Tete

Tahfung pa 1/2 luklak hmangin mi na tah hna asi ah cun an tling ballai lo an in tah ve tik ah na tling ve memmam lai lo, cucaah mah le mah sining I fian hi a ttha.

A dawhtuk mi hrai chung zongah thihnak sivai a um kho, a dawhtuk mi rose pangpar zongnih a kan hliam khawh hling a ngei.

i duhdawtnak bia thlum/bia al zong nih a kan hliam tawn ko, cucaah hohmanh nih kan hmailei caan le a ra lai mi kan thei cio hna lo a thei tu Pathian sin tu ah khup bil in thla cam lengmang hi a ttha bik.

Nangmah te lawng na um lio i na nih a si ah cun, na nih chuak taktak ko ti nak a si.

Emmau Lei Kalnak Lam

Bawi Jesuh cu a tho than ko ti, lungtawm le pheh awk um bak lo in a langmi pakhat cu Emmau lei kalnak lampi i thil a cangmi hi tette pakhat cu a si ve, hi hna hawikawm pa hnih ,phun dangin chim ahcun kawifa hna pa 2 hna sinah Bawi Jesuh aa langhnak hi a si, Mah lio caan ahhin Emmau le Jerusalem hi meng 7 tluk aa hlat ti a si, Bible zongah khan 7 a ti i,Luka 24:15,

 

Mah hna kawifa Kleopas te kawifa zong hi Bawi Jesuh thawhthannak thawngcu thei in Emmau khuain Jerusalem ah Bawi Jesuh tonah rak ra hna sehlaw a lo, nain an duh bangin thil a si lo tikah, beidong ngai le thachia ngai in Emmau lei ahcun kir zai an rel than , cuti i an kawifa in thachia ngai in an kir i lampi ah Jerusalem thil a cangmi kong cu an i ruah pah cuahmah lio ahcun ruah lopi in an pongah mipakhat nih a vun chawnh hna Bawi Jesuh cu an sin ah a rak i langh colh ve.

NU CU

 Nucu atum aruhmi ansi lengah lungfak fawimi.ngaihchiat fawimi an si, lungsau, thinfual, aw ka nem tein zohkhenh a hau mi an si.

Nucu lenglei a mithmai aa panther I, chunglei in a ngaih a chia kho mi an si, an mit au in tha tein zoh an hau.

Nucu a lungthli tein a rah in duh asi ahcun, na ruahnak lengpi khan na sining a rah in ngalh lai, an duhmi hna laklawh ah an lungthin burh dih a hmangmi an si an dawtu nu kha lentecelhnak ah hmang hlah.

Cinken Awk Tete

1.Langhsar duhnak nih,mi huatmi sinak a chuahpi.

2.Adik bik,asi bik,ahman bik si duhnak nih,buainak a chuahpi tawn.

3.Khuamacaan ahcun mah diknak zong ah ka palh ti ngam/khawhnak nih buainak a daihter tawn.

4.Mah sangtuk ah i hmuhnak nih,midang zei i va rello nak a chuahpi.

5.Ka ngalhtuk/ka theihtuk aa timi nih,a rak thei ngaingai lo tinak a si.

6.Mahzawn lawng ruahnak nih,midang lungfahnak a pek.

7.Pathian nakin a biapi ah kan chiahmi thil hna nih sualnak lamah a kan pialpi tawn.

+++

Pastor Pa Nih Hotel-Ah Arnu A Ih Pi Taktak Ko Maw?

Mah kha zan kha cu fiangtuk in ka thei ko! Ka thih hlan lo ka philh ti lai lo ka ti mi si Concert a um ruangah Hall kamah mi an buai lulh ko hna i. Cu lio ahcun cun, Pastor ka ngalh êm êm mi nih, Pastor hnipuan hruk lo in, mi sawhsawh hnipuan he Hall kamah Zân suimilam 9 hrongah arnu a rah hngak cu ka hmuh ko. arnu, kum 25 hrong a si mi hi a rah ra i, bia an I ruah i. Taxi an auh i , an kal an liam thluahmah cu ka hei hmuh ko hna Cu pastor cu, ka thinlung in ka rah ibochan ngaingai mi a si I,a thiltuah mi ka hmuh mi nih cun ka lung a ka fah ter ngai ngai .

 

Cu ti I lungfak ngai I ka um cuahmah lio ahcun, ka thinlung in a thilte in zulh duhnak a rah chuak i Ticun , ka Bike ka start zokzok ve i, Pastor le arnu an cuannak Taxi cu ka dawi colh ve hna, Vanthat ah lam kuihnak zawn ah Traffic ah an rah dir i, ka va phak khawh hna,  Anhnu te cun ka zulh cuahmah ko hna i, cu tlawmpal ah cun , an tum i, Hotel pakhat ah an luh cu ka hei hmuh ko hna, aare ka ti i Waiting room in ka rah hngah hna Suimilam cheu hnu hrongah arnu cu a rah chuak i, a mui hmai in a tap ti ka theih khawh colh a mitthli he a rah chuak.

Rev Pakhat Nih Nai Mother”S Day ah Kan Nu Le Cheukhat A Sik Hna (amin cu ka chim lailo)

Hringtu Nu le vialte cu an si dih lo.nain kan nu le zohchunh tlak tampi lakah zohchunh tlak lo pa ½ hi an rak um ve tawn le,a tam u cu zoh chunh awk/upat awk tlak an si lio ah, cheukhat cu chungkhar buai tertu an si pinah mino cheukhat nun a hrawktu an si.

1.Fa le lak ah dawt khunmi an ngei,fale ciocio an thleidan hna cutikah unau cungah buainak a chuak.

2.Tangka hman nan thiam lo, a thilthup in thil cawk nan hmang, mah nih cun fale le nu va kar ah buainak,  ziaza tha lo a chuahpi.

Laipa Tehna Cu (Na Ti Maw)

Aw lainu tha tein ruat, van nuncan khawh deuh le cangka “laipa te hna cu”tiah na ti,ramdang ramthangcho van phak le caangka, miphun dang pa dawhdawh van hmu le caangka “laipa te hna cu) na ti ko maw? Tha tein ruat?

 

1.Zawtnak ruangah ihkhun cungah na it  lio le na kuah lio ah khan aw, zei na rel lomi laipa te hna cu na ti mi hna nih khan biakinn in damnak na hmuh khawhnak hnga  caah heh tiah Pathian sinah thla za an rak in cam piak dakkaw.

2.Cu na zawtnak ruangah ruah lopi in mitchinh kamseh hei tong sual law, hodah an fimtawl lai. zeiah na rel lomi laipa te hna cu na timi hna nih khan, an in fimtawl lai an rian le khai kaltak in aw, tantakmi na chungkhar na nu le na pa, na unau hmun dangdang ummi an si zongah,an um nak hmun cio ah khan aw an rak thutpi hna lai an rak hnemh hna lai.

3.zeiah na rel lomi ,na nihsawhmi laipa tete hna nihcun zanvar a herh ah an ih hmu fe in zan an in varpi lai I zan an var lawng si rih lo na thlan kong le, na ruak kuang kongah het law ti in ih hmu vuai loin an buai rih lai, zeiah na rel lomi laipa tete hna nih an in fimtawl lai.

Ka Tette Nan Si Lai

 Lamkaltu 1:8 “A sinain Thiang thlarau nan cung i a tlun tik ahcun thawnnak in nan khat lai i Jerusalem khua le Judea ram vialte le samaria ram ah le vawlei cung khuazakip ah ka tette nan si lai,”tiah a ti hna.

Miphun theidannak cu lainawnnak asi, thisen luanak asi, i ralnak asi, zeicatiah Judea ram le samaria ram hna hi phun khat ansi nain, an i ral an i do, Moses zong kha tiva chung in faro fanu nih a lak i a fapa si dingah a inn ah a tinpi.moses zohkhenhtu dingah ahringtu anu moses nucu faro fanu nih a uah ter hna, Moses cu hringtu anu cawnpiaknak in a hngakchiat tein a thanglian mi asi, a nu nih kan nih cu Israel mi kan si Iziyp mi kan si lo tiah a cawnpiakmi cu a thanpi i ni khat cu amah a miphun Israel mipa le Iziyp mipa an i si i moses nihcun miphun thleidannak thinlung in Iziyp mipa cu a thah,a nawn cucaah miphun thlaidan cu lainawnnak asi.

Rah Rel Ve Tuah Uh Kha

 1.Dictionary-ah Biafang nuaih,sang,sing hmanh in um hmanh sehlaw, daite i um khawh hi fimnak le teinak phun khat a rah si ve.

2.Sianginn thatha le Biakinn tampi um hmanh sehlaw,kan ke kar kan hlanmi i ralrin tluk i a herhmi a dang a um ti lo.

3.Zohding film le Tv show um lengluang ko hna hmanh sehlaw, mit i chinh i kan thinlung chunglei nun mahte in i hmuh khawh tlukin a sungmi a um lo.

Bawi Jesuh Le Nikodemu

Nikodemu hi hodah asi?: Bawi Jesuh nih Nikodemu interview a tuahnak hi pumpak I tonnak sawhsawh,bia I ruah sawhsawh a si lo, hi an I chawnhnak ahin minung nih Pathian a hmuh/theih/fiang ning a lang I,Pathian nih minung a hmuhning le a herhmi a langhter ve,Bible ah Nikodemu konglam hi a tialmi a tlawmte,nain a tialmi hnihchun te hi kan herh ngaingai mi a si fawn,Nikodemu min hi Bible ah voi 5 a lang I,a thiltuah mi le konglam ah voi 3 lawng a alanghter, ( John 3:1-4,9,7:50,19:39)Nikodemu min hi Greek holh in cun hi tihin asi tiah thiam sangmi hna nih an chim , a sullam cu ,mipi a ngamhtu.(conqueror of the people or victorious among his people)tinak asi tiah an ti,Bible ah a konglam a ummi le a History chungin farasi ,Sanhedrin member le thil ti kho.mirum ngaimi asi ti a lang fawn, (John 3:1-10,19:39) Farasi vialte hi chungthu lengnal an si dih loh ti hi a langhter pahmi asi fawn.

Chungkhar Na Dirh Ding Asi Ahcun (Mah hna hi theih ding)

1.Lentecelh bantuk le nuamhsaih sawhsawh men a si lo.

2.Na tavuan/mawhphurhmi nai theih hrimhrim a hau.

3.Chungkhar I dirh fuh lo tluk i a theh than a harmi a um ti lo ti si.

4.Muidawhnak le rumnak hna nihhin lawmhnak tlamtling a kan pe kho taktak lo,I theihthiamnak hi a biapi.

5.Chungkhar thlacamnak ngeih tluk I ‘Camping’ tha a um lo.

6.Pathian sinin hmuh mi tefa hna hi,Pathian sinah kan kirpi hna I kan up hna ding an si.