Lungre Thei In Um Hlah U

Matthai 6:31 “Cucaah khawzei in dah ka ei awk ka rawl cu ka hmuh lai, ka din awk cu ka hmuh lai, ka hniphun cu ka hmuh lai tiin lungrethei in um hlah u.”

Minung kan nunchungah kan taksa caah a herh bikmi cu rawl/ ei le din, hnipuan hruk eih , umnak/khuasaknak, inn le lo hmunhma hi asi, minung asi i a nungmi poah nihcun kan herh dih, cucaah kawlram mirang kutchungin luatnak a rah latu booyoke Aungsan nih a rah chim ve mi cu, kawlhloh in (saa-wot-neyii)a rah ti i, mah cu zumlo tu hna zongnih minung kan nunnak caah a herh bik ti i an ruahmi a si, minung kan si ahcun umnak hmun inn le lo kan herh i,hni le puan kan herh i,ei le din ti le rawl kan herh,mah cu minung kan sinak ah kan (piat-ta-naa)cu asi.

Mah piat-ta-naa minung nih kan tonmi cu Izipt ram in moses nih Israel mi hna a chuakpi lio hna ah khan,ramcar ah an ton vemi  asi, Israel mi hna cu sal sinak Izipt ram in an mipum cu a luat cang ko, Izipt ram cu an chuak tak cang ko nain, an thinlung cu a luat kho lo, zeiruangah tiah cun mah minung nih kan tonmi piat-ta-naa ruangah cun a si, kanaan ram lei panh in ramcar i an um lio ah ti din awkah an lungre thei, rawl ei awk ah an lungre thei, i runvennak/security kongah an lungre thei, mah caah cun Izipt ram cu an chuak tak cang ko nain,an thinlung in an ngai than, an hlam than Bawipa nih a duh lo ramcar ah Bawipa a thin an phawh.

 Bawipa nih Israel mi hna cu an nunnak caah a herhmi an piat-ta-naa hna caah keimah ka bochan hna she keimah ka hal hna sehlaw, zeihmanh ah um lonak.zeihmanh a chuak khawh lonak ramcar hin, keimah nih ka umter lai i ka chuak ter lai i, an nunnak caah a herhmi   ka tuahmi nihcun keimah bochannak le keimah tihzah upatnak a ngeihter hna lai ti hi a duhmi a si nain annih Israel mi hna nih cuti si ti loin, an nunhlun an chuaktak cangmi Izipt ram sal an tannak hmun kha an ngai an hlam caah asi, Zumtu kan nih hna zong Bawipa nih vailam in a kan khamhnak cu zumhnak in kan cohlan cang hnu i, khamh kan si cang hnu ah, Zumtu mi tampi zong Israel hna bantukin nifa kan nunnak ah kan nunnak ca i a herhmi.kan piat-ta-naa hna ahhin Bawipa nih keimah ka bochan hna sehlaw, keimah nih phi-siin, piak hna ning law keimah nih an nunnak caah an herhmi cu tawlreel piak hna ning ti hi a duhmi a si.

cuti si loin zumtu mi tampi cu kan nunhlun Izipt ram kan ngai ve than tawn, mah tal kan ti lo ahcun kan pow a tam lai, ei lo in pei kan um lai cu kan taksa nunnak caah cun kan tuah cu a herh ve mi asi, kan ti tawn, Bawipa nih nan lungre thei hlah u, keimah nih nifatin nan nunnak ca i a herhmi nan taksa ca i nan herhmi cu kan phi-siin/tawlreel piak hna lai ti hi Bawipa nih a kan kamhmi bia a si, cucaah Bawipa zumtu hna hi nifate kan nunnak  i a herhmi ah, kan zeizongah ka bochan hna seh, ka zum hna seh ti hi a duhmi asi, Bawipa nih zumtu a mifa hna lungre thei i um hi a kan senh lo amah Bochan tu a kan fial mi si.

Bawipa sunparnak caah si ko seh

+++