Emmau Lei Kalnak Lam

Bawi Jesuh cu a tho than ko ti, lungtawm le pheh awk um bak lo in a langmi pakhat cu Emmau lei kalnak lampi i thil a cangmi hi tette pakhat cu a si ve, hi hna hawikawm pa hnih ,phun dangin chim ahcun kawifa hna pa 2 hna sinah Bawi Jesuh aa langhnak hi a si, Mah lio caan ahhin Emmau le Jerusalem hi meng 7 tluk aa hlat ti a si, Bible zongah khan 7 a ti i,Luka 24:15,

 

Mah hna kawifa Kleopas te kawifa zong hi Bawi Jesuh thawhthannak thawngcu thei in Emmau khuain Jerusalem ah Bawi Jesuh tonah rak ra hna sehlaw a lo, nain an duh bangin thil a si lo tikah, beidong ngai le thachia ngai in Emmau lei ahcun kir zai an rel than , cuti i an kawifa in thachia ngai in an kir i lampi ah Jerusalem thil a cangmi kong cu an i ruah pah cuahmah lio ahcun ruah lopi in an pongah mipakhat nih a vun chawnh hna Bawi Jesuh cu an sin ah a rak i langh colh ve.

 ka hin chim ka duhmi cu hawidawt,khrihfa mi hna kan zumhnak muru cu thawhthannak hi asi , abiapi tukmi a si hi abiapi tukmi thawhthan Ni hna nih teh hawidawt na nunnak ah thil pakhat tal sullam an ngeihter ve maw, thil pakhat tal an ruahter ve maw? ti hi a si cun kleopas le a hawipa zong hi beidong ngai in khua lei ah kir ding an i thawh i an kir hnu ah Bawi Jesuh nih a ton hna, hawidawt nangle kei zong Bawipa ton ding ah kan i thawh ko lai , kan i tim ko lai kanmah duhning le ruahning le ti ning in thil a kal lo tik ah beidongin kan um theu ko lai, kan tha a chia theu ko lai, Bawipa nih kleopas le a hawipa cu lampi ah a ton hna bang, kan nih zong amah Bawipa hmuh duh ah a panhmi hna cu a kal tak bal hna lo i a hlaw bal hna lo, beidon hnu ah Bawipa thil ti khawhnak le thawnnak aa langh tawn.

 

sualnak nih a chuahpi mi thihnak,minung nih kan tih bik mi thihnak cu teiin a tho thanmi kan Bawipa cu amin thangthat in um ko seh.

+++