Ka Tette Nan Si Lai

 Lamkaltu 1:8 “A sinain Thiang thlarau nan cung i a tlun tik ahcun thawnnak in nan khat lai i Jerusalem khua le Judea ram vialte le samaria ram ah le vawlei cung khuazakip ah ka tette nan si lai,”tiah a ti hna.

Miphun theidannak cu lainawnnak asi, thisen luanak asi, i ralnak asi, zeicatiah Judea ram le samaria ram hna hi phun khat ansi nain, an i ral an i do, Moses zong kha tiva chung in faro fanu nih a lak i a fapa si dingah a inn ah a tinpi.moses zohkhenhtu dingah ahringtu anu moses nucu faro fanu nih a uah ter hna, Moses cu hringtu anu cawnpiaknak in a hngakchiat tein a thanglian mi asi, a nu nih kan nih cu Israel mi kan si Iziyp mi kan si lo tiah a cawnpiakmi cu a thanpi i ni khat cu amah a miphun Israel mipa le Iziyp mipa an i si i moses nihcun miphun thleidannak thinlung in Iziyp mipa cu a thah,a nawn cucaah miphun thlaidan cu lainawnnak asi.

Atu i England nih an hmanmi uniteh king dom timi khi anmah England nih an thokmi si loin, David siangpahrang asi lio ah, Israel miphunphun hleihnih cu David nih ramkhat ah hmunkhat te ah a uk khawh hna, a fawntom khawh hna mah ti cun miphun pa 12 asi mi cu a fawntom khawh i ramkhat ah siangpahrang pakhat uk mi tang i an um khawh mi in David chan in uniteh kingdom timi cu a rami asi, David fapa solomon nih Pathian bia a ngeih lo caah solomon chan ah Israel ram hmunkhat te ah a fawntom mi cu hmun 2 ah a cheu than.chak lei ah miphun pa hra(10) an um i chaklei kam i a ummi hna phun hra cu samaria ti asi I thlanglei ah Judea ram asi.miphun pa hnih an um cu ti cun  miphun khat an si ko nain ral an si, Bawi Jesuh chan tiangin chaklei i a ummi samaria mi hna cu Judea mi hna nih ral zoh in an zoh rih hna i a thurhnawm mi ah an ruah hna.

Bawi Jesuh thihnak in a thawh than tikah, a zultu hna nih an halmi cu Israel ram a thenmi samaria ram le Judea ram cu maw? Bawipa na fawnhthan lai i pennak na dirhthan lai ti ah an ti.David siangpahrang pa nih a fawnh bantuk ah khan an ruah cutikah Bawi Jesuh nih a leh hna i, hi Judea ram le samria ram funtom ding menmen ah asi lo ka Pa nih an kamhmi hna Thiangthlarau kha hngak ko uh Thiang thlarau nan cung i a tlung tikah cun mah Judea ram le samaria ram lawng si lo in hi vawlei cung khuaza ram kip ah ka tette nan si lai ti ah a ti hna.

Mah ka zawn ah tha zang vun i lak hna sih ti ka duhmi cu Thiangthlarau thawnnak cu a kan rem lo tu hna sin le,a kan do tu hna sin i Bawipa tette si khawh hi asi, zumtu mi tampi cu kan piangthar Thlarau kan co ee kan ti hnu ah kan hawikawm, kan pongkam neihniam hna sin ah a kan rem lo tu a kan do tu hna sinah Bawipa tette kan si kho tawn lo, cun Thiangthlarau thawnnak cu miphun thleidannak thinlung a thah, atei zumtu mi tampi cu Thiangthlarau kan co kan ti nain miphun ah, khrihfabu ah, riantuan

nak phu pakhatpkhat ah lu tlai kan si tikah mi thleidan kan hmang Bawipa tette kan si kho lo zumtu hawidawt Thiangthlarau thawnnak cu a kan huatu hna le a kan do tu hna, a kan raltu hna sin i Bawipa tette si khawh nak thawnnak asi, tuchun zumtu ati i Thiangthlarau ka co cang a timi hna hi te zeitindah Bawipa tette kan si nak kan langhter ve tawn?.

+++