Bawi Jesuh Le Nikodemu

Nikodemu hi hodah asi?: Bawi Jesuh nih Nikodemu interview a tuahnak hi pumpak I tonnak sawhsawh,bia I ruah sawhsawh a si lo, hi an I chawnhnak ahin minung nih Pathian a hmuh/theih/fiang ning a lang I,Pathian nih minung a hmuhning le a herhmi a langhter ve,Bible ah Nikodemu konglam hi a tialmi a tlawmte,nain a tialmi hnihchun te hi kan herh ngaingai mi a si fawn,Nikodemu min hi Bible ah voi 5 a lang I,a thiltuah mi le konglam ah voi 3 lawng a alanghter, ( John 3:1-4,9,7:50,19:39)Nikodemu min hi Greek holh in cun hi tihin asi tiah thiam sangmi hna nih an chim , a sullam cu ,mipi a ngamhtu.(conqueror of the people or victorious among his people)tinak asi tiah an ti,Bible ah a konglam a ummi le a History chungin farasi ,Sanhedrin member le thil ti kho.mirum ngaimi asi ti a lang fawn, (John 3:1-10,19:39) Farasi vialte hi chungthu lengnal an si dih loh ti hi a langhter pahmi asi fawn.

Zan Thengte Ah Jesuh Ton Dingah A Kal: Zan thengte ah Nikodemu nih Jesuh ton dingah a kalmi hi thil khuaruah har pakhat cu asi ve,bia halnak a tamter ngai,aruang bik cu Judah mi hna nih an ruahtawnmi cu setan hi zan paohah fak khunin rian a tuan tiin an ruah zan hi setan nih rian a tuannak a si tiah a ruatmi an si, cucaah Judah mi hruaitu hna, Cawnpiaktu hna pawl hi zanah an chuah vah hi a thiang lomi ah an ruahmi asi,cu bantukin thil asi komi ah Nikodemu hi zan thengtheng ah Jesuh ton ding i a kal mi nihin,biaruah ding,halding a biapi tukmi a ngei ticu a langhter.( 1 ).Bible Scholar cheukhat nihcun zantheng teah a kalnak a ruang hi,Judahmi hna le,a hawi le Farasi mi hmuh lai,theih lai a phan caah a si tiah an ti,( 2 ).Cheukhat ve nihcun hal aduhmi le ngalh/theih a duhmi bia hna hi caan sau a rau ding asi caah,chun ahcun caan a ngei lo cu pinah Jesuh khrih zong chun ahcun pumpak I kawmhnak caan a ngei lo ti a ngalh caah, zan mian daih lio caante hi ai selnak asi tiah an ti ve,a zeidah a dik deuh ti cu kan thei ve lo ,nain an chimning  hna cu pawm khawh veve a si ko.

Biahalnak le lehnak phundangpi cu: Nikodemu nih theih le ngalh a duh bakmi hi a biahalnak ah a langfiang ngai,”Saya nangmah cu Pathian thlahmi cawnpiaktu saya na si ti kha kan ngalh,Pathian nih a umpi hna lo ahcun hmelchunhnak na tuahmi hi ahohmanh nih an tuah kho lailo”(John 3:2)Jesuh khrih nih khuaruahharnak a tuahmi hin Pathian thlahmi,prophet ngan le thil ti kho mi asi ti cu a theih a pawm,( a miphun hawi Judah mi hna nih an hmuhning le an pawmning zong a si ti a langhter)prophet ngan I a ruahmi le a hmuhmi pa cu va kawmh le fiang chinchin in ngalh theih a duh ti cu a lang,nain Jesuh nih Nikodemu theih a duhmi le ngalh a duhmi le a thinlung ,a tinhmi bangin let tilo in,a Subject a thlen piak kan ti lai cu,Nikodemu a nunchan le a herh bakmi in Bawi Jesuh nih a leh,Bawi Jesuh nihcun “Biatak tein kan chimh ahohmanh ti le thlarua in hrin asi lo ahcun Pathian pennak chungah cun a lut kho lailo”tiah Nikodemu a nunchan a simi le a herh bikmi hrinthan nak asi ti kha a theihter,Nikodemu cu aa ruahning a deuh ngaingai lai dah,a timh lo ningin thil a kal tikah a khuaruah a harter, zeicatiah cun a hnu deuh I a bia halmi pawl nihhin a lung a buaiter ngai ti cu a langhter.

Ti le thlarau in hrinthan lo ahcun.: Bawi Jesuh nih hrinthannak a chim mi hi Greek a thiammi hna le, thiamsang mi hna nihcun hiti hin an ti.chuahthan or chunglei,thinlung leiin I thlennak,kha a sawh duhmi asi tiah an ti,Ahohmanh nih Jesuhkhrih kha an zumh I khamhtu ah an pawm,an cohlan asi ahcun,amah cu Pathian fa tiah pawm asi I,serthar mi a si I mithar asi cang tiin (2korin 5:17,1pet 2:2)muinak in ceunak ah umter asi mi ti zongin chim khawh asi, Greek a thiammi hna nih an ti ning ahcun ‘Chunglei in thlenmi hna le theihpinak’ tiin achim duhmi cu asi tiah an ti,Nikodemu sinah Jesuh nih hrinthannak a chimmi hi Nikodemu caah thil harsa taktak asi, asi kho lomi asi caah mak a ti I, a khuaruah a harter ve, Nikodemu le(Judahmi hna)caah cun Abraham tefa kan si ti le Farasi mi si le, an phung le lam a zulmi si cu vanram kai dingmi ah aa ruahdih mi bak ah aa chia mi an si caah,nain Bawi Jesuh nih sinak (Abraham tefa sinak,Judahmi sinak,Farasi sinak,thil tha tuahnak thawngin vanram an phak lailo nakding kha fiang tein a chim.Nikodemu nih Bawi Jesuh a chimmi hi a fiang ngai ko,chunglei in Pathian ngalhmi si duh taktak ahcun.Gentle miphun,Judah miphun chung I an luh tikah Judahmi hna nih tuah ding zulh ding,ulh ding an ti mivial te kha Nikodemu nihin tuah ve hauh dawh in aa ruahchih cang I, Judah miphun sinak a duhmi cu Judah miphun I an luh tikah.an kholh ta hna I,miphun hnipuan thar an hrukter hmasa hna, Judah phung le phai.phung le lam an zulhter hna an ulh ter hna I cuti cun an luhter ning hna asi,cucaah a lung a ar ter I mak a ti ngaingai curuangah “patling asi cangmi nupaw chungah lut than in hrinthan cu zeitin asi khawh lai.a si kho bal lailo”ti tiangin a tinak kha asi, Gentle mi nih Judah miphun si an duh ahcun Judahmi biaknak.phung le phai zulding le ulh ding vialte za ah za in an zulh dih ding kha asi.cu bantuk te cun,Pathian pennak luhnak dingah cun Ti le thlarau in hrinthan a herh I, zeiruang ahdah Nikodemu nihin har a timi hi asi hnga?.

Na hrinthan cang maw?: Pathian nih a kan pek mi a Fapa ngeihchun,Jesuh khrih,Messiah kan sualnak ruangah vailam I a thi mi kha a zum I,a sualnak a ngeihchih I,a duhning in nun kha Ti le thlarau in hrinthannak cu asi, (John 3:1-18,8:37-44). Pathian nih aa timhmi a khuakhannak hi Nikodemu zong nih a theithiam kho lo I pawm dingah aa harh tuk, a tawinakin Bawi Jesuh cu Pathian thlahmi prophet ngan pakhat hmuh cun a hmuh ko, nain Messiah Judah mi hna nih an rah I ruahchanmi siangpahrang vawlei khamhtu ding asi a ngalhmi cu a pawm cohlan kho lo. an rah ruahning hlun kha a deut tuk caah asi men lai ,an rah zumhning le an rah ruahning hlun fawi tein vun thlen ding cu aa harh ngaingai ve.Nu pawchungah lut than in voi 2 vun hrinthan a har bantuk khin a harsa mi ah a ruah.

Ti-in hrinthan timi nihin Baptist, tipilnak a sawh I,tiin tipilnak nihin Bawi Jesuh thihnak le thawhthannak kan pawm,tinak le kaa tawm ve tinak Bawi Jesuh bia/nawl ngai dingin ka pe tinak a langhter ( Rom 6)ralkap nih an bawi le hmai ah bia an I kam i.a herh ahcun “hringtu ka nu le ka pa zong ka kah ko hna lai”an ti bantuk khi asi,ti in tipil in nak hi vanram kainak a si lo i.sual I ngaihchihnak langhter nak asi,Bawi Jesuh khrih zumtu ka si ti langhternak le fehternak le Jesuh thihnak le thawhthannak ka tawm ve tinak. Langhternak asi.( Mk 1:4-5,LK 3:1-21,Jh 1:26,4:1-2)Judah miphun hna phunglam ahcun tipil in nak cu.sualnak le a thurhnawmmi lakin thenhfai.kholhtawlnak Judahmi sinak  hmasabik asi,Bawi Jesuh a zummi hna ca zongah.tipil in nak hi sual ngaihchihnak langhternak le thiangthlimnak nun hlei zawhding hmasa bik asi ve, cucaah tiin tipil kan in bakin,Pathian fa kan sinak,Bawi Jesuh zultu kan sinak,Bawi Jesuh cu a ka uktu a ka hruaitu ka Bawipa asi ti langhternak asi pinah mi mithmuh ah Pathian fa.Bawi Jesuh zultu ka si ve cang ti fehternak asi, Bawi Jesuh intuarnak le sunparnak ka hrawmpi ve cang lai ti langhternak caah midang mit hmuh hrimhrim ah khrihfabu phunglam zul in ti in tipil kan in tawnnak hi asi.

Thlarau in hrin timi nihin,: thil hlun,(thinlung,ruahnak sual,kan tuah sualmi) vialte hlawt I thinlung takin I ngaihchih,zumnak a tlamtlin tertu le a tuahtu Bawi Jesuh cungah zumhnak pek dih,hngat dih.( 2korin 5:15-21,Gal 6:15)cung leiin Pathian nih theihpimi sinak,thlarau in sertharmi sinak a sawh I Bawi Jesuh a zummi hna cu Pathian fa kan si ,thil tha tuahding ah serthan mi kan si, Thlarau in hruai mi kan si (Rom 8:14)Pathian fa kan sinak chinchiahnak ah.Pathian nih a thlarau cu a kan pek.(Efesa 1:14),cucaah hi interview nak Nikodemu sinah Bawi Jesuh nih a dongnak a tlang a kawm nakcu zungzal nunnak hmuh nakding caah, minung thiamnak,fimnak, remtheihnak,I timh ve nak,sinak,dirhmun,phung le phai,zulhnak te hna hi a za lo ,sual I ngaihchih I Bawi Jesuh lawng zumh,Jesuhkhrih zumhtlak tein zulh,Thlarau in nunnak a hmu mi hna ca lawngah asi ti nak asi. Thlarau hruai ningin a nungmi si cio ve ko hna usih.

Na hrinthan ve cang maw?

+++