Laipa Tehna Cu (Na Ti Maw)

Aw lainu tha tein ruat, van nuncan khawh deuh le cangka “laipa te hna cu”tiah na ti,ramdang ramthangcho van phak le caangka, miphun dang pa dawhdawh van hmu le caangka “laipa te hna cu) na ti ko maw? Tha tein ruat?

 

1.Zawtnak ruangah ihkhun cungah na it  lio le na kuah lio ah khan aw, zei na rel lomi laipa te hna cu na ti mi hna nih khan biakinn in damnak na hmuh khawhnak hnga  caah heh tiah Pathian sinah thla za an rak in cam piak dakkaw.

2.Cu na zawtnak ruangah ruah lopi in mitchinh kamseh hei tong sual law, hodah an fimtawl lai. zeiah na rel lomi laipa te hna cu na timi hna nih khan, an in fimtawl lai an rian le khai kaltak in aw, tantakmi na chungkhar na nu le na pa, na unau hmun dangdang ummi an si zongah,an um nak hmun cio ah khan aw an rak thutpi hna lai an rak hnemh hna lai.

3.zeiah na rel lomi ,na nihsawhmi laipa tete hna nihcun zanvar a herh ah an ih hmu fe in zan an in varpi lai I zan an var lawng si rih lo na thlan kong le, na ruak kuang kongah het law ti in ih hmu vuai loin an buai rih lai, zeiah na rel lomi laipa tete hna nih an in fimtawl lai.

 4.An sifak tuk, na timi laipa tete nih na ruak an topi tu hna rawltam ti hal lai phan ah, het law tiin lakphak, ei din ding tuaktan in an buai lai, na tantakmi na chung le an lunglennak, an ngaihchiatnak dam she tiah ,zeiah na rel lomi laipa te cu nan inn chungah Pathian hla an aw zong ping dih hnik in an sa lai.

5.Zu an duhtuk na timi laipa hna nihcun,na ruak kuang cu mi mit zoh lai phan ah tha taktak in an in tuah piak lai I, na rimchia vialte mi nih an theihnak hnga lo rimhmui in an in thuh/kah lai, an sifak tuk e a si ee na ti mi laipa tete hna nih na ruak kuang te cu an zawnh  lai I, thlan lei panh in an in kalpi lai.

Lainu tha tein ruat, Hi bantuk hin na zohsan emem mi ramdang mi, na uar emem mi hna ramdang pa pawl nih khan an tuah ve hnga maw? Hi bantuk I a tuahmi hna hi zei I na rel lomi,laipa hna nih an tuahmi dakkaw asi,

Mah miphun pa zohchuk le zeirello hi tlaunak hrampi a si

+++