Pathian Sinah Lawmhnak Chim hi Kan Raithawinak Si Ko Seh

Zumtu Pathian fale hna nih nifate kannun ah Pathian sin lawmhnak biachim hi daithlang hna hlah sih, David siangpahrangpa nih ati bantuk in kan nih zong Bawipa sin ah lawmhnak chim hi kan raithawi nak si ve ko she.

 Sualnak ruangah zungzal tah ai hramnak thih nak chung in a kan khamh tu a si, minung nih kan nunchungah zeitik hmanh ah kan cham khawh lo dingmi dawtnak a si.

Pa Pathian a kan dawtnak aman pek hau loin niceu dawh akan pek, thlithiang a kan pek Tidin awk hman awk ti thiang a kanpek, khua caan tha akan pek zumtu hna cung lawngah si lo in amah a zumlo tu hna cung zongah pek a si Pa Pathian dawtnak asi.

Tuchan Biakinn Le Sunday Kan Hman Ning Hi

1.Biakinn hi micheu khat caah kan rumning, phaisa kan ngeihning show nak hmun asi, hnipuan dawhdawh kan ngeihmi show nak hmun asi.

2.cheu khat caah kan thiamnak, kan fimnak show nak hmun asi i achim le rel kan thiamning show nak hmun asi.

3.Biakinn hi cheukhat caah cun min thatnak kan kawlnak hmun asi, mark tam kan kawlnak hmun a si, cheukhat caah cun hawikawm/dl kawlnak hmun asi ve.

4.Cheukhat caah cun nuncawnnak le i sersiamnak hmun a si ve i Pathian kawlnak hmun a si ve.

Capo Na Chim Hlan Ah I Ralring

1.Mi Thinlung tenau nih capo a ingtuar kholo.

2.Mi Thinlung thalo nih caponak bia akawi leiin a ngaih tawn.

3.Mifim nih capo bia cu i thawchuahnak/ a thinlung bami i dinhnak ah a hman ve tawn.

4.Mi Thinlung kau nih caponak ah a thinlung cu kaupi in a on ve tawn.

5.Mi Thinlung bi nih caponak cu thinhunnak le a mithmai bi tertu ah a ruah ve tawn.

Khah Rak Rel Lengmang Ko Rih Uh

Cawnnak ti mi hi kan hruh zia a kan chimtu asi hleiah cawng vima ding kan si nak a langter tu a si.

Kan va hruh ngai a si zong ah midang caah thluachuaknak si tluk i Pathian nih a duhmi a um lo.

Tial sual a um caah(correction,pen)an sernak a si cuve bantukin kan nun ah ti sual a um caah nun sersiam nak a um ve, ti a si

Na rum cawva tampi na ngeih a si zong ah, bawi ballo bawi timi bantuk cu va si hlah, na sifah lio kha va philh hlah.

Thil zeipoah ahin a zatawk te a um dih minung kan nunnak caah a si mi rawlkhim tuk ei zong hi a tha lo.

Tlau vialte lakah a poicemmi tlau cu miphun tlau hi a si.cucaah mah miphun holh le ca tleichan i a sunlawi zia thei tlukin fim le miphun dirkamh timi hi a um hnga hme maw?ti a si

Pathian Cu A Bia Ah A Um

Zumtu mi tampi cu, thla kan cam i kan thlacammi le kan halmi kan hmuh lo tikah, Pathian nih a kan let lo, kan halmi le thla kan cammi a hlawhcham kan ti tawn.

Nain mah ka zawnah kan ruahawkah ka duhmi cu, Pathian nih a dawttukmi a fapa ngeihchun te asi mi, a fapa Jesuhkhrih hmanh kha an tlaih lai zan i a thlacamnak, ahalmi kha a leh ve lo kha.

Pathian fapa hmanh siko hmanh sehlaw. thihnak, hremnak, teminnnak cu a tihtuk ve hrinhran ko kha,mah teminnnak le thihnak in luatkhawhnak ding ah aPa sin ah thlacamnak in a rah hal ve ko kha mu.(Luka 22:42)

Rak Rel Law I Cinken

Zohchunh awk tlak i nun hi biachim vialte lak ah hmual a ngei mi bia a si.

Zumh awk a tlak lomi nih cun mizeipaoh hi amah bantuk in zumh awk tlak lo ah a ruah dih tawn hna.

A hlawhtling takmi si i tim hlah, mi sunglawi/mi santlai si i tim deuh, ti a si

Mit thatko, mit au khawh ko na i hmuh khawh tung lo nak chacun, mitcaw khuahmuh khawh lo i a kan khamh tu Bawipa hmuh a tha deuh.