Pathian Sinah Lawmhnak Chim hi Kan Raithawinak Si Ko Seh

Zumtu Pathian fale hna nih nifate kannun ah Pathian sin lawmhnak biachim hi daithlang hna hlah sih, David siangpahrangpa nih ati bantuk in kan nih zong Bawipa sin ah lawmhnak chim hi kan raithawi nak si ve ko she.

 Sualnak ruangah zungzal tah ai hramnak thih nak chung in a kan khamh tu a si, minung nih kan nunchungah zeitik hmanh ah kan cham khawh lo dingmi dawtnak a si.

Pa Pathian a kan dawtnak aman pek hau loin niceu dawh akan pek, thlithiang a kan pek Tidin awk hman awk ti thiang a kanpek, khua caan tha akan pek zumtu hna cung lawngah si lo in amah a zumlo tu hna cung zongah pek a si Pa Pathian dawtnak asi.

 (Mtt.5;45).zumlo tu hna nih Pathian dawtnak an thei lo, zeitindah dawtu Pathian sin ah lawmhnak chim le thangthat cu an theih fam hnga mu, hawidawt nang le kei Pathian dawtnak a thei cangmi nih lunglawmhnak biachim hi Bawipa nih a duhmi a kan fialmizong asi.

 Zumtu hnanih kan tuah awk zong a si Hawidawt nang le kei Pathian sin lawmhnakchim hi kan daithlang sual maw? kanphilh sual tawn maw? Pathian sin lawmhnak bia chim hi kan thawhka te ah siseh Pathian a kut kan tleihnak a si awk asi zumtu hna nih minung le minung hmanh thil pakhat2 kan i pek tik le kan i tuahpiak tik ah lunglawmhnak bia kan i chimtawn a si lo maw? kan hawi pakhat2 nih thil tha an kan tuahpiak tik ah lawmhnak bia kan va chimh tawn cuti i kan va chim tikah kan hawipa zong cu a rah i lawm, thil tha a kan tuahpiak tu hna sin i lawmhnak bia chimnak caan theih hi mifim hna umdan a si an ti tawn, hawidawt zumtu nang le kei a kan dawttu Pathian hmai ah mihrut hna kan si ve sual lai maw? a kan daw I pumsa in kan herhmi a kan pek lawng si lo in afapa ngeichun te hman zuah lo in a kan pe siangtu sinah lawmhnak chim kan daithlang ve sual maw? cucaah David siangpahrangpa bantukin Pathian sin lawmhnak chim hi kan raithawi nak si ve ko seh.

+++