Na Nupi Maw?Pasal Maw? Na Nungak Maw? Tlangvaal Maw? Nih Duhmi Dang A Ngeih Le Ngeihlo Theih Khawhnak Lam.

Na nungak nih maw?/tlangvaal nih maw? Na nupi/pasal nih maw? a thli in duhmi dang ngeiin a chawnh tawn, a chat tawn cutikah a umning na zumlo, an I chawnh lio le an I chatnak na tlai kho fawn hna lo a thli in chawnhmi le chatmi a ngei ti cu na theih fawn cucu nu le va, nungak/tlangvaal aa duhmi hna karlak ah a buaitukmi asi tawn, cucaah mah bantukin duhmi dang a ngei ko ti cu zeitindah na theih khawh lai a tanglei ah rak rel.

A Thli In Chawnhmi Le Duhmi An Ngeih Ahcun Mah Bantuk Hin An Um Lai.

1.A phone tongh piak a siang naisai lailo, a phone na tongh piak kho lailo, nu le va, nungak tlangval a duhmi si hmanh.

2.Message a clear dih peng lai, a number a save hmanhah min phundang piin a save lai.

3.phone callmi a rak tikah na lak kanh lai kha a tih lai, a phone pongkam ah a um peng lai, a phone pong I na um sual I a nih lam hla deuh I a um hmanh ah a phone a rat le rat lo kha a rak  bih,zoh lengmang lai.

4.Atak pum le phone aa then theng lailo, a charge lio asi hmanhah a venpeng lai, a kaltak ding le a chuah tak ding asi ahcun, a phone kha patern in a lock ta lai I a pass an chim duh bak lailo, si loah cun a switch lai.

5.Zan it lai ah sau nawnpi a tongh ta lai I, zunpi, zunte a chuah zongah bathroom ah a kalpi lai.

6.A caan ah a mithmai chia lai I, a caan ah a hmaipanh ngai lai.

7. I tamhmoih a uar theng lomi a si hmanh ah, ruah lopi in I tamhmoih a uar lai I, I tamhmoih le I thuhboih a uar ngai lai.

8.Lengchuah zuam ballo a si hmanh ah, lengchuahnak ding a vun thei ngaingai lai, ka hawi le nih ati lelek cang lai, cuticun a kalnak ding taktak humzualnak ding caah lih le hrokhrawl an chimh lelek lai, khua ma caan ah a ka theih cang rua tiin amah le mah I phuhrung ngai khin, thinhunnak a kawl hmasa tawn lai I  thinhun lonak dingpi ah khin a thin aa hun ter hmasa tawn lai.

9.Nidang bantuk in a um dan aa dang ngai lai I, innchungkhar thil tuah ding tete hna le fa le zohkhenh nakin, a phone cu usa a pek lai, caan a pek deuh lai a zoh deuh lai, cun vahnak lennak ding a thei ngaingai fawn lai.

10.I hmuh ton khawhnak, awlzannak, lamnai hna I an um ahcun an I hmu tong lelek cang ti kha theih ding, zeitimaw in len chuahnak ding le khualtlawnnak ding rian herh hna na ngeih tikah, sianlo lei cu chim hlah, khual na tlawn ding le leng na chuah ding cu aa nuam deuh lai I, a hmaipanh deuh lai.

Note// nupi/pasal ngei cia nih mah bantuk in um ding ahhin Pathian nih fonhtonhmi cu kan si hrimhrim hna lo,cucaah  nupi le maw? Pasal le maw nih mah bantuk um cu kan hman lo bak dingmi a si, kan pasal le maw? Nupi le nakin tleichanmi uar deuhmi, kawmh deuhmi kan ngeih awk a si hrimhrim lo, nungak/tlangvaal kan si zongah pakhat le pakhat karah zumh tlak tein kan nun awk a si.

+++