Sunday (Pathian Ni) Kan Ti Mi Hi (Nimrod)Philh Lo Nak Ni A Rah Si

'Sunday'ti i kan auh mi hi a sullam cu"Ni ni"ti nak a si.(ni) timi nihhin a caan kan relmi suimilam 24 hi a chim duhmi a si,(Sun) hi cu cunglei in a chuakmi/ra mi a si,zarhkhat ni(7)chung i a rah chuak hmasa bik mi hi Ni a bia mi nih cun dinh ni.Ni biak ni ah an hmanmi a si cu ruangah Ni 7 ni hmasa bik Ni cu sunday tiin an auh nak cu a hung si,

Ni an biakmi hi zeitindah a thok ning zoh ta hna sih.

Bc 1800 hlanah khan siangpahrang thawng le a chak tuk mi a rah um, a min cu Nimrod a si amin langhnak hmasa bik cu Sinar ram Babel khua timi le,Erek khua te hna, kalne khua te hna hin asi, hi hnuah hin khua dang pa 4 hrawn a ser chap rih cu khua a sermi lak ahcun tu ah mitam pi nih kan thei mi Jonah i thawngtha a va chimnak Ninevi khua cu a thei lo mi kan um lai lo.

Siangpahrang si athok nak cu Babel khua hna ah le.Erek khua,Akkad khua te hna.kalne khua te hna hin a si, cu ka ram cun a chuak than i syria ramah a lut, Ninevi khua hna ah.Rehoboth-Ir khua hna ah,kalah khua hna ah.Ninevi khua le kalah khua karlak ahhin Resen khua hna a ser rih i.cu(Resen khua cu khua lianngan ngai mi a si)Genesis 10:10-12

Nimrod ti min hi a sullam cu, doh hmang.(Rebellious)tiin maw.Pathian cu do dingin mi a ser tu hna ti nak a si.(Jews Encyclopedia)amin bantukin a ummi pa a si, Pathian a dohdalnak zong a siangpahrang si hmasa bik nak khua sinar ram i babel innsang khan a rak I thok I, cucu innsang van a tawng kho ding in kan sak lai tiin a timhtuahnak kha a si Hi thil atimhtuahmi hi Bawipa nih a duhlo caah rian tha tein an tuan khawhnak hnga lo caah hi ka hmun le khua hin Bawipa nih an holh a danternak hna kha a si.Hi ka hin si holh phun2 a rah chuak nak cu asi.Genesis 11:4,Genesis 11:7-8 kha rel.

Hilio caan hi mithawng michak miraltha timi hna nih pennak an lak I an uk hna lio a si.Nimrod le ami hna hi uktu le hmunhma a la tu an vun si hna.

Genesis 10:8-9.Nimrod cu a thawntuk caah le alianngan chin lengmang caah mivialte nih cun pathian bantuk ah anchia i an biak I an vun zulh cang, a thih zongah khan a taksa cu a pennak ram dihlak ah khan an phawt I hihi micheu khat nih cun. vawlei bawi hna an thih i an vap hmunkip ah an i kalpi. india mi hna le bang cu an pa le ruh a dap/vap cu durchung ah an i chiah peng. tiva ah an va kal I an va thleh tawn mi hna khi athoknak cu mah Nimrod hin asi tiah an ti,  a thih hnu zong ahhin a nupi Semiramis cu a mipi hna nih cun an zulh peng.Nimrod nihcun a thih lai ah."Ni ah khin ka thlarau a um lai"tiah a mipi hna sinah cun bia  riah ta mi a ngei hna, mah hihi "Ni"pathian bantukin biak a thok nak cu a si. Cun hi hnu ahhin a nupi Semiramis nih cun nau a vun pawi I Cu siangpahrang bawinu pakhat si ve mi nih lakfa avun pawi cu minchiattuk ding asi, cu a mualphonak khuhnak caah aning a zahnak hnga lo ding caah nan bawipa Nimrod nihin "Nika"khin nau a van ka pawiter tiah a mipi cu a hlen hna, mah i hlennak hna cu a hlawhtling I, a fapa a ngeihmi zongcu.(Nimrod chuakthannak,Re birth) tiin an ti i.cu ti cun a fapa cu a min ah Tamuz tiah amin an vun sak asi, Tamuz hi December ni 25 ah a chuakmi a si I Hi Ni hi (sun)bia mi hna nih Jesuhkhrih chuak Ni maw tiah sunglawi taktak in an vun lawmh ve nak asi ti a si.

Tamuz cu pathian thianghliam bantuk ah an ruah caah.December Ni 25 cu pathian thianghlim chuak ni ah ruah in sunglawi ngai in le, phundang ngai in an ulh nak cu a hung si, Tamuz-chuak ni hi babilon chan lio zongah khan sunsaih ngai in an rah hman cuahmah mi a si tihi babilon konglam tial nak ah kan hmuh khawh mi cu a si, cuticun Ni a bia mi hna nihhin zarhkhat chungah Ni hmasa bik Ni hi an Ni pathian biak nak caah an hman tawn mi Ni a si. cucu 'SUNDAY"tiah an auh nak zong cu a hung si, Izipt ram zongah mah nihhin hmunhma a lakmi akau ngai I Izipt History cheukhat le bangah cun pharoa hmasa bik kha."menkaura"tiin auh a si i.cucu Ni Bawipa fapa ti in an ruahmi a si, cun Nimrod i khua a dirh mi babel khua kha. atuah babilon khuapi an dirhnak hmun hi a si tiah ti a si.

Cuti ka titik ah atu Sunday kan hman ning hi a diklo a hmaan lo ka tinak a si lo in, Sunday ti I a min an phuahnak le a sullam tu si, ahrimhrim ah kan Bawipa thawhthan Ni zong kha hi Ni thengteah a si I, Judahmi hna Ni, thla relnak ah zarh khat chung Ni hmasa bik a si ve caah, kan nih zumtu hna nihcun Nimrod fapa Tamuz biaknak si loin, a kan khamhtu Bawipa Jesuh thawhthan ni a si catu ah Bawipa thangthatnak caah kan hmanmi a si ti hi careltu zong nih kan I fian dingah ka duh chihmi a si.

+++