Mi Thla A Cam Piak Tawntu Kha Thlacam Piak Ka Herh Ve Tawn

Midang thazaang a pe tawntu nihhin, thazaang pek ka herh ve tawn ko.

 

Midang thla a cam piak tawntu nihhin, thlacam piak ka herh ve tawn ko.

Mi Van Tha Kan Si

Vawlei phung kal ningah cun, bawi le siangpahrang hna cu a bawi lo deuh le an kut tangmi hna nih an ven tawn hna.
 

Ralkap bawi hna cu a bawi lo deuh le an kut tangmi hna nih a bawi deuh cu ven le kilk a si.

Palek bawi zong a bawi lo deuh le akut tangmi hna nih ven a si.

Zeiruangah Dah Zumhnak Ah Kan Tha Zaang Der Tawn

1.Thlacam Huamlo, Thlacam Tlawm Ruangah.

 

2.Bible Rel Huamlo, Pathian Bia Rello/Ei Tlawm Ruangah.

3.Taksa/Pumsa Duhnak Kaltak Sianglo Ruang, Titsa Thil Than Sian Lo Ruangah.

4.Thathut, Huamlonak  Ruangah.

5.Mah Le Mah I Tei Lo, I Control Khawh Lo  Ruangah.

6.Pathian Mithmai Nakin, Minung Mithmai Kan Upat I Kan Tihzah Deuh Tawnmi Ruangah.

Khrihfabu Pakhat Ah ,Thlarau Mi Le Titsa Mi

Thlarau mi nih, Pathian bia le Thawngtha lawng a chim lioah, titsa mi nih mi kong lawng a rah ceih i a rak ruat ve.

 

Thlarau mi cu Bawipa ca ah a nung, titsa mi cu vawlei thil le ri caah a nung ve.

Thlarau mi cu Pathian bia,Thawngtha in a nung i, titsa mi cu a minung sinak ruahnak a duhning in a nung ve.

Thlarau mi nih a dikmi tette a chim lioah, titsa mi nih cun a dik lomi tete a chim ve tawn.

Thlarau mi nih mi vialte hi Bawipa mi si dih hna seh ti a duh lioah, titsa mi nih mi vialte hi amah mi si dih hna seh ti a duh ve.

Rom 12:2 Nak Zawnte Ka Rel I Ka Lung Ah Achuakmi

Rom 12:2 Hi vawlei kalning kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna she, cu tik ah a thami thil le Pathian nih a lawmhmi thil le a tlingmi thil kha nan ngalh khawh lai, cucu Pathian duhmi asi.

 

Hi ka caangte i a lang ngai mi pakhat cu thlen hi a si, Pathian nih adih um in nan lungthin kha in thleng hna seh timi hi a si.

Mitampi nih a Theology kalning in, khamhnak cu Pathian tuahmi asi, minung tuahsernak a tello fapa Jesuhkhrih kan zumh kan cohlannak thawngin Pathian nih a fa, serthar mi ah an kan chiah ti hi a dikmi le a hman mi a si ko.(2korin 5:17)kanmah minung lei in i thlennak um lo, kan sining bupi in a kan cohlan, khrih chungah mithar in a kan hmuh a thar te i sermi ah a kan pom, mah cu Pathian lei hmuhnak le pawmning a si, mah ka hin a chim duhmi cu nun thlen a si chunglei thlennak mah cucu pual zongnih hrinthan taktak asi ati, thlennak taktak  timi cu chunglei thlennak hi a langhter duh deuhmi  cu a si.

An Phai Theu Tawn Dawtnak Tak Timi Cu

No lio le tlanval lio hna, nungak lio hna cu an cuai lai I a ral te lai.
 

Kan nunnak zong dongh ni a ngei te lai.

Nain dawtnak belte cu zungzal in zungzal a um cang lai (1korin 13:13)

Chim phuan khawh loin kaphih le temtawn in dawtnak cu um hmanhsehlaw,ruahchan awk aum tilo hnu zongah va si ko hmanhseh, a ngai ding zong an um ti lo hnu zong va si ko seh, thinlung nih cun a chim a phun peng ko lai.

Duhlo in hnawl a si hnu zongah, hnawl le cawidomh a ton ti lo hnu zongah, zitmuai le thuammuai a ton ti lo hnu zong ah, theihthiam piak a ton ti lo hnu zongah, dawtnak cu a lung adongin, a tha zaang ader hlei lailo I,amah khel te a si ko lai.

Nungak & Tlangval Nih Kan I Buaipi Mi Cu

Nungak, tlanval lio hna ahhin kan duh maw duhlo maw kan tonmi thil a um tawn, mah cu chim zong hau loin kan theih dihmi a si cio ko lai, I duhnak I uarnak, I dawtnak kong hna ahhin a si, mah hi mi tampi nih lantak khawh zong si lo I kaltak khawh zong a si lo ,kan ton ning cu aa khat dihlo  a tlawm le a tam lawnglawng a si cio ko, a bik in nu ko hi a tong tammi nan si, duhnak ruangah nu tampi cu mithli he aa ciahmi zong um len a si, culak ah Nu cheukhat hmurka in ka theih khawhtawk ka van khawmhsuat.

 

‘Uar mi ngeih le uartu ngeih cu ka huam lo’ nu tampi nih an chim theu ,a ruang cu dawtnak tello I uarnak.

Zeiruangah Dah Zu Hi Kan Din Lo Awk Le Kan Hrial Awk A Si?

Zu hi a thatnak lei chim zongah tampi chim ding a um ve rualrual in, a chiatnak lei zongin tampi chim ding a um ve, laimi ca ko ahhin zu hi a chiatnak leiin a riantuan ning hi hmual a ngei khun hlah maw? Ti awk in  a um I, kan nih laimi le mizo hna cung ko ahhin a riantuanning a fak khun ko rua, zu ruangah nu va ai thenmi zong ti cawk lo, chungkhar buaimi zong ti cawk lo, mi thil fir le, asuallo mi thisen chuahnak zongah a tam u cu zu hi puh a si,chim ahcun a tampi rih cun zudingmi hna hi dinnak aruang a um cio, micheu cu thabat damnak caah a dingmi um asi,a awlsamnak in si caah ti ko sih, micheu ve cu, sopawt duh ah, I loklei duh ah adingmi zong um a si, khi pawl khi X,mass caan le puai um caan ti pawlah an ding tawn, micheu ve cu nuamhnak duh ah a dingmi an um ve hawikawm tha taktak pawl he an ding ,mah cu ka chim khawh tawk sisehlaw ,chimding a dang zong tampi aum rih ko lai, voikhat cu mirang pa nih a ka chimh le laimi, kan nih tlangcungmi deuh pawl kan puai ah a kal ve tawn rua, kan zu din le kan umtu khuasak ning a kan hmuh le si lai tiah ka ruah, achimmi cu nan nih laimi zu nan din ninghi I sikvuak duh ah maw? Nan din, buai duh ruangah a dingmi nan lo a ti, kannih mirang cu I nuamh duh ah dakkaw zu hi kan din ati, I sikvuah duh le buai duh ah zu kan ding lo , I nuamhnak caah kan dinmi a si tiah a ka ti, achimmi cu a dik ko nain laimi zong nih zu kan dinnak a ruang le a chan bik cu vaa dang cio ko hmanh sehlaw, zu kan din I kan rit le cangka a buai zawng le, I sikvuak le, sopawt le loklei lei rumro in kan I lakmi cu ruah awk ngaingai a si ve, azeiti asi hmanh ah laimi cu zumtu kan si I zurit le buai cercur um cu Pathian bia zong nih a kan onh lomi a si, a si khawh chungin hrial khawh I zuam hna usih law a tha bikmi cu a si ko.

Na Ka Ngai In Na Ka Hlam Ve Te Hnga Maw?

Pathian nih caan a kan khiah piakmi le ri a kan khiah piakmi a phak tikah cun, kan I thlahsian lo bu tein kan I byebye caan cu a phan ve cio te lai, khi tikah kan tuanbia thing le kan nunhlun vialte cu kan mitthlam ah an cuang than te hna lai.
 

Cutik caan ahcun ka ph No, ka sms kan sendmi vialte, caan nuam kan rak hmanmi vialte hna nih a kan liam tak cang lai I khi tikah na ka hlam in na ka ngai theu ve te ko lai ti, ka dawt na nuamh lio caan I na hlammi ka si khawh lo hmanh ah, na lungfah,ngaihchiat caan tal ah na hlammi si le theihmi si ka duh ve ko.

Ka nih thawng na theih tawnmi le,ka tah thawng na theih tawnmi zong, theih ding a um ti lailo I,khi tikah rak ka philh hrimhrim hlah mu.

Hi Hnu Ahcun

Zeitik ni ah maw cun kan I tong than te lai I, na dam tawn maw? Tite zong I chim I hal ngam ti loin kan I sulpel in kan I hrial cang lai I ai thei ballo ai kawm ballo mi bantuk tein kan I lantak cang ko lai!!!

 

Dam tein mangtha ko ne mu!!! Tite hmanh I ti ngam ti lo in kan hnu leiin kan liam hlan lo kan I cuan cang lai.

Thinlung ah cam peng in, mithlam ah cuang peng hmanh sehlaw, I chawnh le I bia a rem ti lailo, hi hnu ah cun.

Kan online caan zongah, na last seen te lawng hmuh khawh a si cang lai I na online ve ko zong ah text a rem ti lai lo , hlan lio I  ‘ hi ‘ kan ngai tuk , a rak I ti tawn mi kha tu hnu ah cun , a ngal ballo misingpi friends sawhsawh zoh in I zoh a si cang lai hi hnu ah cun.

Mi Kan Zoh Ning hna Hi

Aa dawh hrimhrim ko ti men hlah, amui phenah a ummi a ziaza tu kha zoh deuh.

Soisel awk aum bak lo tiin, biakhiahnak tuah colh hlah, akutke atlamtling nain, athinlung lei atlamtling lomi a si kho.

A sifak tuk tiin nihsawh thlanglamh hlah, thinlung,chunglei in arum taktakmi a rak si kho.

Ahmai a panh ruang menmen ah, anun anem lai tiah ruah hlah, aruahnak athat lo I a zia a chiat ahcun pakpalawng hmaipanh a si ko lai.

Kan Theih Awk Le Cinken Awk

1.Phorhlawtnak nih sual dang a hrin tawn.

 

2.Minung nih kan ngeihmi lakah asungbik cu, mah le mah I tei khawhnak I control khawhnak hi a si.

3.Teirul chamnak lak ah a tha bikmi teirul chamnak cu, ngaihthiam hi a si, ngaihthiam timi cu philh or theih tilo or I cinken tilo a si.

4.Minung hi kan thihning nakin, kan nunning hi a biapi deuh ti si, asullam cu kan thih tik zongah a um peng ding cu kan nun lio I kan rak nungning kha a si ti si.

Na Mit In Nupi Kawl Hlah

Na mit in nupi kawlhlah, na hna le thinlung in kawl deuh, zeicatiah cun mit nihcun lenglang lawng a hmuh khawh, chung nun a hmu kho ti lo, nain minung kan chunglei nun cu kan bia chim holhrel le, kan cawlcangh ah a lang ti si.

 

Minung kan nunnak hi acaan ah cun motor bantuk a si, a mongh athiammi ta paoh a si ko.

Duh/dawtnak mitcaw an ti bang/thinhun nak zong a caan ah amit caw ve tawn ko.

Nuamnak lawng a kawl mi le dawi mi cu harnak/ngaihchiatnak zong a kawl i dawi chih tawn.

Happy Birthday A Khat Lomi Pa ( 2 )

1.Taksa in kan chuah ni, kan nu le hna nih an kan hrin ni ( Birthday )vawlei rim kan hnimh ni hna hi cu, adongnak ah taksa in thlankhur kan luhte lai nak ca lawng asi, ahohmanh taksa in zungzal a nung ding kan um lo, taksa in hrin kan si ni cu, thih ding in hrin kan si mi he a khat.

 

Zumtu mitampi zong nih cu taksa in hrin kan si ni cu kan sunhsak ngai ,u-sa kan pek ngai, kan lawmh kan cawi , kan hawikawm dawtmi hna le sahlawh rualchan cingla neihniam hna sawmin lawmhnak kan tuah piak tawn, a tha lo ka ti nak cu a si bak lo, nain khua a ka ruah termi cu leidip in sermi leidip ah a kir than ding kan taksa hna ursaira ngai ah kan chiah i kan lawmhmi a si.