Na Ka Ngai In Na Ka Hlam Ve Te Hnga Maw?

Pathian nih caan a kan khiah piakmi le ri a kan khiah piakmi a phak tikah cun, kan I thlahsian lo bu tein kan I byebye caan cu a phan ve cio te lai, khi tikah kan tuanbia thing le kan nunhlun vialte cu kan mitthlam ah an cuang than te hna lai.
 

Cutik caan ahcun ka ph No, ka sms kan sendmi vialte, caan nuam kan rak hmanmi vialte hna nih a kan liam tak cang lai I khi tikah na ka hlam in na ka ngai theu ve te ko lai ti, ka dawt na nuamh lio caan I na hlammi ka si khawh lo hmanh ah, na lungfah,ngaihchiat caan tal ah na hlammi si le theihmi si ka duh ve ko.

Ka nih thawng na theih tawnmi le,ka tah thawng na theih tawnmi zong, theih ding a um ti lailo I,khi tikah rak ka philh hrimhrim hlah mu.

 Hna a rak in hnawh tawn I, an buaiter tawntu an call tawn I an text tawntu kha call tu le texttu hnahnawhtu ka um ti lailo I, an nih ter I an nuamhter tawntu zong kha ka um ti lailo, kan nun cu tuanbia bantukah a cang cang lai a caan a phak cun.

Pathian nih caan ri khiahmi a phak ni ahcun, minung ahohmanh nih kan hrial kholo, mah cu ahopaoh nih kan hmaichon cio dingmi asi, mi cheukhat nih caan a liam cangmi cu nizan bantuk ah an ruah lai I, umhar in lilennak ah a hmangmi an um ve lai,cuve bantukin nang le kei zong nih philh khawh ti lomi caan nuam kan rah hmanmi kha kan thinlung ah a rak thar than lengmang ve te lai  khi caan ah cun, nunhlun ngai in na tap in na hram ve te men ko lai nain kei nih cun ka thei kho ve ti lailo, zeicatiah cun kan umnak a hlat tuk cang lai caah a si.

Khi tik caan ahcun philh khawh ti lomi theih pengnak lawng kan lung ah a chammi a si cang lai I, nang he kan rak len ti nak vialte kha philh khawh ti loin a cam ding cu a si cang lai, cucaan hna cu khirh than in ko than hmanh usih law caan nih a liampi cang caah, kan mitthlam lawng ah ai zel cang lai, a tak ram cu kan phan kho than ti lai lo nang le kei tlonlen ti nak caan vialte hna cu, khi tik caan ah nangmah nih na hlam bikmi le na mithlam ah na cuan ter zungzal mi si hi kei ka saduhtha cu a si, na mitthlam ah a acuangmi le na hlam in na ngaih mi ah kei hi ka tel kho ve te hnga maw?

Khi tik caanah na mitthli a tla in na tap thluahmah kho men ko, nain nangmah hnemtu ding le an hramh tawntu kei cu na pongah kan um kho fawn ti lai lo, Pathian ri khiahmi caan a phak tik ahcun.

+++