Happy Birthday A Khat Lomi Pa ( 2 )

1.Taksa in kan chuah ni, kan nu le hna nih an kan hrin ni ( Birthday )vawlei rim kan hnimh ni hna hi cu, adongnak ah taksa in thlankhur kan luhte lai nak ca lawng asi, ahohmanh taksa in zungzal a nung ding kan um lo, taksa in hrin kan si ni cu, thih ding in hrin kan si mi he a khat.

 

Zumtu mitampi zong nih cu taksa in hrin kan si ni cu kan sunhsak ngai ,u-sa kan pek ngai, kan lawmh kan cawi , kan hawikawm dawtmi hna le sahlawh rualchan cingla neihniam hna sawmin lawmhnak kan tuah piak tawn, a tha lo ka ti nak cu a si bak lo, nain khua a ka ruah termi cu leidip in sermi leidip ah a kir than ding kan taksa hna ursaira ngai ah kan chiah i kan lawmhmi a si.

2.Nain Thlarau in hrin kan si ni le.Thlarau in ( Birthday )ni ve cu zungzal nunnak kan ngeih ni asi ve, chuah ni ciocio ah a khat lo taktak mi asi.

Nain minung zumtu kan si zongah, thlarau in kan chuah ni theng hi cu lawmh a tong lemlo, cawimawi a tong lemlo, a ngaingai ti ahcun zungzal nunnak kan ngeih ni, kan hrinthan ni tuhi a sunglawi deuhmi cu a rah si I kan lawmh I kan cawimawi deuh ding cu a si ko lo hme maw?  Ka ti tawn.

Biakam hlun ah faro ( birthday )chuahni lawmhnak kan hmuh, Faro birthday cu thihsen tluannak ah aa cang, biakam thar ah siangpahrang Heros ( birthday )chuahni lawmnak kan hmuh ve, cu zong cu zumhtu Pathian mi hman Johan thisen tluannak ah aa cang ve, kan Bible chung a umningah taksa in chuahni, birthday  tuah hi do a rak tla tuk lemlo, naiah Macau ummi Chinnu kan far le hna birthday lawmhnak an hmannak kan theih kan hmuh, zeidah a cang ti cu chim hau tilo in nan theih dih ko, chim duhmi cu taksa zong Pathian sermi si ko hmanh sehlaw, leidip in sermi a si leidip ah a kir than lai taksa nih zungzal nunnak a co kho lailo ti cu Pathian bia nih a kan chim ko na roro in, Thlarau in hrinthan ni, pianthar ni cu biapi ah chia deuh loin le lawmh deuh cawimawi deuh loin. Taksa lei lawng , kan ruah tawn caah thlarau ngaih kan chiatter ngaingai tawn ,cucaah zumtu hna nih hi birthdays phun 2 ai khat lomi hi tha tein ruat buin hmailei kar hlan I zuam cio hna u sih.

+++