Zeiruangah Dah Zu Hi Kan Din Lo Awk Le Kan Hrial Awk A Si?

Zu hi a thatnak lei chim zongah tampi chim ding a um ve rualrual in, a chiatnak lei zongin tampi chim ding a um ve, laimi ca ko ahhin zu hi a chiatnak leiin a riantuan ning hi hmual a ngei khun hlah maw? Ti awk in  a um I, kan nih laimi le mizo hna cung ko ahhin a riantuanning a fak khun ko rua, zu ruangah nu va ai thenmi zong ti cawk lo, chungkhar buaimi zong ti cawk lo, mi thil fir le, asuallo mi thisen chuahnak zongah a tam u cu zu hi puh a si,chim ahcun a tampi rih cun zudingmi hna hi dinnak aruang a um cio, micheu cu thabat damnak caah a dingmi um asi,a awlsamnak in si caah ti ko sih, micheu ve cu, sopawt duh ah, I loklei duh ah adingmi zong um a si, khi pawl khi X,mass caan le puai um caan ti pawlah an ding tawn, micheu ve cu nuamhnak duh ah a dingmi an um ve hawikawm tha taktak pawl he an ding ,mah cu ka chim khawh tawk sisehlaw ,chimding a dang zong tampi aum rih ko lai, voikhat cu mirang pa nih a ka chimh le laimi, kan nih tlangcungmi deuh pawl kan puai ah a kal ve tawn rua, kan zu din le kan umtu khuasak ning a kan hmuh le si lai tiah ka ruah, achimmi cu nan nih laimi zu nan din ninghi I sikvuak duh ah maw? Nan din, buai duh ruangah a dingmi nan lo a ti, kannih mirang cu I nuamh duh ah dakkaw zu hi kan din ati, I sikvuah duh le buai duh ah zu kan ding lo , I nuamhnak caah kan dinmi a si tiah a ka ti, achimmi cu a dik ko nain laimi zong nih zu kan dinnak a ruang le a chan bik cu vaa dang cio ko hmanh sehlaw, zu kan din I kan rit le cangka a buai zawng le, I sikvuak le, sopawt le loklei lei rumro in kan I lakmi cu ruah awk ngaingai a si ve, azeiti asi hmanh ah laimi cu zumtu kan si I zurit le buai cercur um cu Pathian bia zong nih a kan onh lomi a si, a si khawh chungin hrial khawh I zuam hna usih law a tha bikmi cu a si ko.

Le vawlei cung min lar pipi hna le mifim pipi hna nih zu kong I an rak chimmi hi vun rel ve hna usih.

 

1.Zuri cu zei sualnak poah tuahdingah asi ningnih a tlinh ( ORCARLES ) 

2.Ahmasa ah minung nih zu a din I,adonghnak ahcun zu nih minung a din ve( Japan phungthluk)

3.zuri cu saram he an I dannak a um lo ( WILLIAM PEN )

4.rili tilipi ah minung a tla mi nakin, zu ah a tla mi minung an tam deuh ( CYRUS )

5.zu nihhin result pa ( 3 ) a ngeih, ritnak, I nuamhsaihnak,le rawknak ( ANCHARCHIS )

6.zu hrai kip ahhin khawchia an I hrolh ( KORAN )

7.mifim nih cun ti thianghlim a din I ai zaa ko ( SOCRATES )

8.zu nihcun a donghnak ah rul sivai a pinmi bantukin mi a cuk I a henh ( SOLOMON )

9.zu ri cercur le au khuang cercur in um hlah uh, zu ari lengmangmi hna nih Pathian pennak an co lailo ( PAUL )

10.Zuri cu a nun lio hmanhah ,mithi ruak bantuk men a si ( JOHN CHYRSOSTOM )

11.Zu nih lung a puam ter, zureu nih hnahnawhnak buainak chuahter, ritnak zu hi I siknak a si, zurit cu hruh a si ( phungthlukbia 20:1 )

12.zu le nuamhsaihnak  a uar I a duhtukmi cu a sifak ko lai ( ptb 21:17 )

Adonghnak ah, zu a ri lengmang I a fim khawh ning le a thluak a that khawh ning cu ti ding an um ballo, zeiti si hmanh ah zu cu kan hrial khawh ahcun a tha bikmi a si.

+++