Rom 12:2 Nak Zawnte Ka Rel I Ka Lung Ah Achuakmi

Rom 12:2 Hi vawlei kalning kal ve lengmang ti hlah u, sihmanhsehlaw chunglei in Pathian nih nan lungthin kha a dihumnak in in thleng hna she, cu tik ah a thami thil le Pathian nih a lawmhmi thil le a tlingmi thil kha nan ngalh khawh lai, cucu Pathian duhmi asi.

 

Hi ka caangte i a lang ngai mi pakhat cu thlen hi a si, Pathian nih adih um in nan lungthin kha in thleng hna seh timi hi a si.

Mitampi nih a Theology kalning in, khamhnak cu Pathian tuahmi asi, minung tuahsernak a tello fapa Jesuhkhrih kan zumh kan cohlannak thawngin Pathian nih a fa, serthar mi ah an kan chiah ti hi a dikmi le a hman mi a si ko.(2korin 5:17)kanmah minung lei in i thlennak um lo, kan sining bupi in a kan cohlan, khrih chungah mithar in a kan hmuh a thar te i sermi ah a kan pom, mah cu Pathian lei hmuhnak le pawmning a si, mah ka hin a chim duhmi cu nun thlen a si chunglei thlennak mah cucu pual zongnih hrinthan taktak asi ati, thlennak taktak  timi cu chunglei thlennak hi a langhter duh deuhmi  cu a si.

hi vawlei cung University hna hi cawnpiaknak sawhsawh an si, taught lawng an si nun pemhnak nun thlennak taktak a pe kho lo,  nain Bawi Jesuh nihcun nun pemhnak nun thlennakin a cawnpiak hna, kanram laimi zumtu hna lakah a cawnnak le a theory in kan pemhtuk, Theology in kan theih kan ngalhtuk a chim zong ah kan thiam kho tuk, nain  nunthlentu kha asi Bawipa Pathian nih a kan fialmi le si hna seh ti a kan duhmi cu, cucaah hrinthan, pianthar taktak cu nunning thlen kha a si.

Bawipa nih sunparnak coko seh.

+++