Vawleiah Zaangfah Awk Tlak Taktak Asi Mi Hna

1.Pathian bia nih an nun a thlen khawh ti lomi hna.

2.A zeipoah mah nih hui dih a duhmi.

3.Sifak le retheih zaangfahnak a ngei kho bak lomi.

4.Duhfah,hakkau nak in a khat mi.

5.Hmurka a thlum ngai tung i,chunglei a kha taktak mi hna.

Na Bawipa Ton Awk Ah I Tim Tuah

Amos 4:12 “Cucaah Israel hihi na cung i ka tuah ding cu a si,cun hihi na cung i ka tuah ding cu a si caah maw Israel na Pathian ton awkah i tim tuah.”

prophet Amos

Mah Bible caang a cunglei kan rel a si ahcun Bawipa mi hna Israel mi hna an sual ruangah, Bawipa nih dan a tat nak hna a si.Bawipa sinin an sual ruangah Israel cu an cungah dan tatnak a phunphun in Bawipa nih dan a tat hna i cu a ruangcu an sual i ngeihchih hna sehlaw ka sinah rah kir than hna seh ti kha a duhmi a si,an ram ah paam a tlungter.an lo ah thlai a khoh ter lo,hremnak a phunphun in amah lei i mer dingah a auh hna nain,Israel cu Bawipa lei ah a mer duh hleilo ruangah, maw Israel na Bawipa nih an ton canglai cucaah na Bawipa ton awk ah i tim tuah tiah Amos sinin Bawipa nih a chimh hna.

Cu Amos sinin Bawipa nih a ton dingmi hna a chimh mi hna cu.biakam thar ah,Bawipa lamkaltu John nih vancungpennak cu a nai cang caah nan sualnak kha mer tak cang hna u.tiah a ti ve, (Matthai 3:1-2) John cu kan theih bantukin Bawi Jesuh lamkaltu a si. (Matthai 3:11-12)

Ka Nupi Nih Zeih Rian Manh A Tuan Loh Na Ti Maw?

(Pa Lian Le, Psychologies Pa An I Chawnhnak)

:(Psy)Zeirian Dah Na Tuan ?

:(Pa Lian)Bank Ah Accountant A Tuanmi Ka Si.

:(Psy)Si Le Na Nupi Teh?

:(Pa Lian)Ka Nupi Cu Zei Pipa A Tuanmi A Um Lo,Chungkhar Nubik A Si Le.

:(Psy)Sile Zingka Ah Hodah Breakfast An Tuahpiak Tawn?

:(Pa Lian)Kan Nu Nih A Ka Tuahpiak Tawn, Aruang Cu Zei Tuanmi A Ngei Ve Lo I.

:(Psy)Sicun Zingka Ah Suimilam Pazeizah Ahdah Breakfast Tuah Dingin A Thawh Tawn?

Sifah Retheih Lakah Fak Bikmi Cu Thinlung Sifah Retheih hi a si

Cauk a that le that lo cu a phaw cuangmi ah va zoh hlah.Minung an that nak le that lo nak zong a lenglang lawng in va zoh ve hna hlah ti asi ve.

Tlangval hna.nu nih a thinlungtak an in pek cang a si ah cun.na care lo tik hnaah na cungah thinhun dinglawng an kawl tawn ti si,hngakchia bantuk in.ti kha va thei.

I lawmh taktak na duh a si ah cun,a hmasa ah Bawipa lawmh ter hmasa.cun hawidang zong lawmhter hmasa hna ti si.hawidang kan cungah an I lawmh tikah cu hawi an I lawmhnak nihcun kanmah zong a kan lawmhter ve ti si.

Minung Ruahning Le Hmuhning Le Pathian Ruahning Le Hmuhning A Va Dan Khawh Ning Hi

1samuel 16:7 "Sihmanhsehlaw Bawipa nih samuel sinah cun a muisam in siseh,apumrua in siseh zoh hlah zeicatiah amah cu ka hlawt cang, zeicatiah Bawipa nihcun mi i an zoh ningin a zoh lo,mi nihcun lenglei langhning kha an zoh, sihmanhsehlaw Bawipa nihcun thinlung kha a zoh"

Minung nihcun thluachuak hmuh kan ti mi le thluachuak co kan ti tawnmi hi, taksa lei in kan hmuh khawhmi,mit in hmuh khawh mi thilri ngeih le chiah, thil le ri.chaw le va hna tampi a ngeimi hna hi an nih cu thluachuak an co, khua awng an pem thuachuak an hmu kan ti tawn hna, nain Pathian mit hmuhning ah le ruahning ahcun minung lei in mit i hmuh khawh mi le tongh khawhmi thil le ri hna chaw le va hna tampi a ngeimi hna hi thluachuak co mi le a hmu mi an si a ti lem hna lo. 

Rak Ngal Hna Sehlaw Vailam Ah An Rak Khenh Chih Hnga Lo.

Rak Ngal Hna Sehlaw Vailam Ah An Rak Khenh Chih Hnga Lo.

Cubantuk te cun rak ngal ve hna sehlaw Eden dum ah khan thing thei kha an rak ei ve hnga lo mu.

Ka ngalh tuk,ka theih tuk ti nak nih,Pathian sunparnak hi lang kho lo in a phenh tawn.

Ka ngalh,ka theih,ka ti khawh,ti i minung lei ti khawnnak cu Pathian nih a pom lo caah,mifim mi hna fimnak cu ka hlawt lai.mifim hna le thiam sangmi hna thim lo in ,mihrut ka si,zei thei lo ka ti zeihmanh ai ti kho mi ka si lo timi hna cungah a sunparnak a langh ter tawn.

May 14 Cu Zei Ni? Hringtu Nule Ni

Hringtu Nu le ni zong kan naih cuahmah cang,thaizing kip khi a si cang,Pathian nih nundamnak a kan pek rih veel a ngeih rih ca tuah a si a hmasa bik ah Pathian a min thangthat in um ko seh,

Ahmaisa bik ah hi bantuk Ni le caan hna ah um kho le hmang kho dingin Pathian nih kan Nu le hna a hman hna,a kan hringtu kan Nu le um hna hlah sehlaw,hi bantuk Ni le caan hna hi kan hmu kho lai lo i kan hmang kho hrimhrim lailo.kan Nu le nih harsa taktak le rethei taktakin thlapa thla kua an kan pawi hnu ceo ah,thihnak ramri kar ah um in an kan hrin i hi vawlei niceu kan hmu khawh ve nak a si.a kan hringtu Nu le vialte hi capar in upat nak kan pek hna.

aw!!!!! Mino le hngakchia hna zeitlukin biaknak ah i pe ko,i hmang ko,zumhnak tthawng zong hei ngei ko hmanh law,an hringtu na Nu bia na ngeih lo ahcun,pakpalawng a si ti kha thei ko.Nu le nih fale thil thalo an cawnpiak bal hna lo,an sik an velh mi kha an huat ruangah le an rem lo ruangah a si lo,na ca thatnak catu ah a si.