Na Bawipa Ton Awk Ah I Tim Tuah

Amos 4:12 “Cucaah Israel hihi na cung i ka tuah ding cu a si,cun hihi na cung i ka tuah ding cu a si caah maw Israel na Pathian ton awkah i tim tuah.”

prophet Amos

Mah Bible caang a cunglei kan rel a si ahcun Bawipa mi hna Israel mi hna an sual ruangah, Bawipa nih dan a tat nak hna a si.Bawipa sinin an sual ruangah Israel cu an cungah dan tatnak a phunphun in Bawipa nih dan a tat hna i cu a ruangcu an sual i ngeihchih hna sehlaw ka sinah rah kir than hna seh ti kha a duhmi a si,an ram ah paam a tlungter.an lo ah thlai a khoh ter lo,hremnak a phunphun in amah lei i mer dingah a auh hna nain,Israel cu Bawipa lei ah a mer duh hleilo ruangah, maw Israel na Bawipa nih an ton canglai cucaah na Bawipa ton awk ah i tim tuah tiah Amos sinin Bawipa nih a chimh hna.

Cu Amos sinin Bawipa nih a ton dingmi hna a chimh mi hna cu.biakam thar ah,Bawipa lamkaltu John nih vancungpennak cu a nai cang caah nan sualnak kha mer tak cang hna u.tiah a ti ve, (Matthai 3:1-2) John cu kan theih bantukin Bawi Jesuh lamkaltu a si. (Matthai 3:11-12)

Bawipa tonnak nii a ngahhlang mi hna Israel mi hna sinah Bawipa nih a chimmi hna cu mah hi a si.Bawipa nii a ngahhlangmi hna,keimah ton awk ah a ka hngak mi hna.keimah nan ka ton tikah sual ngaihchihnak tello le sual mer tak nak tello in nan ka ton ah cun mah bantuk minung bantuk hi nan si lai ti ah a ti i.(Amos 5:18-19) sualngaihchih nak a um lo ahcun cu nan ka ton nii cu sullam a ngai lai lo ee a ti.muihnak a si lai ceunak a si lai lo ee a ti.minung nih chiandeih a zamtak i vom he an i ton ni bantuk a si lai i.innchung ah ka tha a baa tuk ti in a vun lut lai i a van ih lai i vampang a kut in a vun dah i rul nih a rah cuk nii bantuk a si lai .a ti

sualnak a ngaihchih cangmi hna nih Bawipa a ton ah cun lunglawmnak ah a cang i.sualnak mertak lo le ngaihchihnak tello in Bawipa a ka tong mi cu mah bantuk minung cu an si lai ee a ti nak a si.sual mertak nak.kaltak nak tello Bawipa ton cu thihnak a si a ti.

cucaah Bawi Jesuh a chuak lai le riantuan a thok lai ah John nih kei cu alam kaltu ka si Bawipa lam sialtu ka si .vancungpennak cu a nai cang caah nan sualnak kha mertak hna u.a ti mi kha a si.(Luka 3:3-5)

reltu vialte Bawipa nih thluachuak in pe ko hna seh.

+++