Minung Ruahning Le Hmuhning Le Pathian Ruahning Le Hmuhning A Va Dan Khawh Ning Hi

1samuel 16:7 "Sihmanhsehlaw Bawipa nih samuel sinah cun a muisam in siseh,apumrua in siseh zoh hlah zeicatiah amah cu ka hlawt cang, zeicatiah Bawipa nihcun mi i an zoh ningin a zoh lo,mi nihcun lenglei langhning kha an zoh, sihmanhsehlaw Bawipa nihcun thinlung kha a zoh"

Minung nihcun thluachuak hmuh kan ti mi le thluachuak co kan ti tawnmi hi, taksa lei in kan hmuh khawhmi,mit in hmuh khawh mi thilri ngeih le chiah, thil le ri.chaw le va hna tampi a ngeimi hna hi an nih cu thluachuak an co, khua awng an pem thuachuak an hmu kan ti tawn hna, nain Pathian mit hmuhning ah le ruahning ahcun minung lei in mit i hmuh khawh mi le tongh khawhmi thil le ri hna chaw le va hna tampi a ngeimi hna hi thluachuak co mi le a hmu mi an si a ti lem hna lo. 



Pathian mit hmuh i thluachuak co a ti mi le a hmu mi a ti mi hna cu chunglei nuntu ah a si i, cu chunglei nun in amah Bawipa a tleihmi hna le cu a tleihmi Bawipa thawnnak a pemhmi hna cu an si hna. cu an i tleihmi Bawipa thawnnak in an nunhlun a kaltak cangmi hna,duhdan ngeihnak thinlung le thleidannak thinlung hna a tei kho cangmi hna le cu a tleihmi Bawipa dawtnak thawnnak thawngin a nunnak i a minung si nak in thil tha le hlawtnak vialte, a minung lei in thawnnak thil ti khawhnak fim thiamnak a ngeihmi vialte zong kaltak in Bawipa caah tem tuarnak a thim i a ing ngammi hna hi Bawipa nih thluachuak a co mi hna an si ti ah a ti mi hna cu an si.

Funtomnak: Lenglei thil le ri hna le chaw le va hna mit in hmuh khawhmi hna nih hin chunglei nun an thlengkho lo,chunglei thawnnak tu nihcun minung lawmhnak,hna ngam deihnak a pek.dinfel nak mah le mah i tei khawhnak a pek,cucaah hawidawt zumtu nang le kei teh chunglei rumnak thawnnak maw? Na kawl mit hmuh khawhmi lenglei thil le ri dah na kawlmi asi,kan nunchungah hin minung nih kawlmi kan ngei cio hna i cu kan kawlmi cio cu kan pemh a hau zumtu hna nih teh zeidah nifa kan nun ah kan kawlmi hi a si? na kawlmi napemh lo ah ahcun na nun a rawk te lai.(Matthai 6:33) Pathian pennak le a dinfelnak,chunglei thawnnak kha kawl hmasa u,tiah Pathian bia nih a kan fial.

+++