Nungak Le Pasal Ngei Cangmi Nupi Le Nih Kan Theih AHerh Bakmi Chungkhar Zohkhenh Ning

An ka duh ve I ka ton ko a si ahcun va/pasal cu ka ngei ve hrimhrim ko lai tiah aa ti mi, nungak pawl nih khan kan theih a herh bakmi a si, cun  pasal ngei cia zong nih a hman bak in hman colh dingmi a si, nupi le nih innchungkhar zoh khenh ning le hruai ning deuh a si, nupi le hi innchungkhar mawngtu  (driver) nan si caah a herh khun mi a si.

1.Pasal ngei cangmi na si ahcun, na pasal cu na care bak ding a si, na ngaihsak bak ding a si.

2.Pasal le va le chungkhat/sahlawh na funtom khawh hna lo a si hmanh ah, athenthek tu si lo bak ding.

3.Na va/pasal cungah awka, puarhran lengmang lo ding, bocal lo ding.

4.Na pasal theihpi lo in, phaisa,tangka, thil misin ah leiba ngeih hrimhrim lo ding, athli thup in thil cawk/lak hman lo ding ti nak si cu.

5.Na pasal kha uk tim hlah, pasal le lucung ah kai I timh bak lo ding.

6.Na pasal cu midang sinah, hlorh tuk hlah, thangthat tuk hlah.

7.Midang sinah pasal le kong chim bak lo ding, nu hawi sinah pasal le chambaunak,tlinlonak chim I capo I seih midang ni hna seh tiah ,nihchuak ah mah pasal le kha seih hman lo bak ding.

8.Na fale an upat tikah na fale nih nangmah an in lawh khawh caah, na fale cu an upat tikah si hna seh ti na duhning te khan nangmah kha na fale hmai ah nung hmasa.

9.Fale sinah, hmaiah ,biachim, holhrel i ralrin ding, na pasal kha na fale hmai ah awka  bo in chawn hrimhrim hlah.

10.Na fale kha mah hi na cawnpiak hna lai, mileng chawnhbiak ning, zohkhenh ning, innchungkhar rian le a tuan ning, cun nupi pasal kawlning dan tiangin cawnpiak ding.

11.Chungkhar nih khuasaknak ah tangka thlakhat ah kan hmuh khawhmi,thlakhatah alutmi dirhmun in, nuncan, khawsak zia thiam ding, phaisa hman ning thiam ding.

12.Miharsa innlak ah mehhang zuar tete inn an rak luh tik ah rak dawn hna hlah.

13.Cheuhra cheukhat le peknak leiah I on ding.

14.pasal le pattana/buainak ah I sawhkalh ve lo ding.

15.Khrihfabu fund kawlnak tlawmtam ah, vuivai lo ding.

16.Pasal le sinah fale sualnak kha hunphenh piak bak lo ding.

17.Jezebel bantukin pasal le sualding in le sualnak tuahding in forhtu, tawsawhtu le thazaang petu si bak lo ding.

18.innchungkhar ah pasal le ciocio lahkhah aa khat ko, chungkhar phaisak luhning aa khah ciocio ko zongah, nupi fel le nupi fim nihcun chungkhar ah aherhmi min ngei a tuah acawk  hlei ah, phaisa zeimazah te a hleihvonh khawh peng,chim duhmi cu phaisa hmanh ning kenning a thiam ti duhnak.

19.Na fale cu thil man fak cawkpiak tuk hna hlah, aruang cu an duhmi paoh ngei kho le hmu kho ah an I ruah lai I cu nihcun phorhlawtnak thinlung a ngeihter khawh hna, cun innpa kiangkap fale hna thilpuan man fak aa hruk kho velo mi hna lungfahnak a chuahter hna lai, an chungkhar nu le pa tiangin lungretheih, thinlungba in a tuah sual hna lai.

20. Sin um nan ngeih asi zongah, sinum kut ah khan I hngat tuk hlah, sinum lawnglawng kha rinh hlah.

21.Phaisa hi a hman zia I sumren thiam lawng si lo in, a khon zong thiam I timh ding.

22.innchungkhar ah kutke thiammi ngeih hi a tha, cun phaisa zong a tlo deuh i, fale riantuanning chimh zong a si fawn,cucaah fale innchungkhar ah dum le lo tuahning, thlai cinning, zeimaw tete tuah thiamnak hna hi kan cawnpiak hna I kan thiamter hna ding a si, cunihcun innchungkhar phaisa a chuak dingmi tampi a save ter. Fale ca zong ah hmailei caah an caah a tha tukmi a si fawn.

+++