Zumtu Nun Ah Thlacam Daithlan Tlukin A Poimi A Um Ti Lo

Thlacam cu Pathian he kan ichawnh khawhnak lam a ummi hnihchun te a si, thlacam cu Pathian he mit hmuh lo in I kawmh a si, thlacam cu Pathian he bia I ruah biazaphai tti a si,thlacam cu Pathian sinin biathli kan theih khawhnak lam a ummi hnihchun a si, thlacam cu Pathian thinlung, ruahnak, duhmi ngalh khawhnak lam a ummi hnihchun te a si, thlacam cu zumtu hna nih Pathian sinin thlarau thazaang kan laknak hrampi a si.

1.Cu thlarau thazaang kanlaknak hrampi thlacam cu kan daithlan I kan huam ti lo I thildang ah kan kal I kan tuah thlacam nun kan chiah tak tlukin zumtu nun tlak niamnak le , tluknak afakmi a um tilo, zumtu nun a tthan khawhnak ding caah rawl tha bik le rawl thaw bik cu thlacam nun hi a si.

2.Thlacam kan daithlan I thlacam caan a tlawm thluahmah I thlacam caan kan ngeih thitha tilo a si ahcun, vawlei nih a kan dolh I vawlei thil ah fak deuhdeuh in kan lut thlauhmah cang ti nak a si.

3.Thla kan cam deuh paoh le kan thlacam a tam deuh paoh a si ahcun, Pathian he kan I naih I vawlei he kan I hlat , thlarau nun a tthawng I  Pathian bia le aw zong theih deuh a si tinak a si.

4.Thlacam kholo in kan um tawnmi le , thla kan cam khawh tawn lomi hna hi, duhthimnak kan I palh tawnmi ah asi tawn, vawlei thil kan mitthit dingmi hna le kan duhmi hna in setan nih thlacam nun kal tak dingin a kan tukforh tawn, cun mah ca thatnak hlawtnak kan ruahtuk tawnmi ah a si ve tawn.

5.Thlacam kan I timh tikah, thlarau caah thawnnak rawl ei dingin kan I timh khi a si, rawl punghman tein a ei mi cu thazaang an ngei I, tthawn deuh cingcing a si.

Zumtu nih thinlung dihlak le biatak tein thla a cam a si ahcun, thlacamnak nih ti khawh lomi a ngei lo, zumtu hna caah kan ral hriamnam tha bik cu thlacam nun hi a si.

+++