Mi Van Tha Kan Si

Vawlei phung kal ningah cun, bawi le siangpahrang hna cu a bawi lo deuh le an kut tangmi hna nih an ven tawn hna.
 

Ralkap bawi hna cu a bawi lo deuh le an kut tangmi hna nih a bawi deuh cu ven le kilk a si.

Palek bawi zong a bawi lo deuh le akut tangmi hna nih ven a si.

Nain kan nih zumtu Pathian mifa hna cu zeitlukin dah kan van a that, van le vawlei sertu Bawibik , Siangpahrang hna Siangpahrang nih kan nih a bawi lo deuh,a kut tangah a ummi cu a kan ven i him tein a kan chiah a thla in a kan huh ,zeitluk mi van tha dah kan si.

Atu zong zarh khat chung a ni donghnak kan phan than cang, van le vawlei uk tu kan Bawipa nih a kan vennak ruangah le a kan huhphenhnak ruangah a si, cutlukin a kan dawtu Bawipa cu thangthat tlak a si ti cu mah ca na rel ah cun na fiang theo lai cucaah kan nih a kan veng i a kan huhphenhtu Bawipa hi thangthat ding hrimhrim a si, na pongkam thil thawngpang hna rel a thi mi le hliam tuarmi an hei tamning, sizung ah kal mi zaw an tamning le thihnak nunak ramri ah a um cuahmahmi an hei tamning cu vialte lak in kan i veng kho maw naisai , kanmah thatnak ruangah si lo, hawi hlei in kan that ruang le kan fel ruang zongah a si lo,hawi hlei in thil kan ti khawh ruang zong ah si lo, kan thawn deuh ruang zongah si lo, vengtu le huhphenhtu Bawipa kan ngeih ca tuah a si, cu a kan daw i a kan venghimtu Bawipa cu amifa hna nih kan thangthat awk hrimhrim a si, cu a kan dawtnak cu Bawipa nih amah thangthat pek hi a mifa hna sinin hmuh a duhmi le theih a duhmi a kan halmi cu a si ve, Pathian mifa hna biakinn in Bawipa cu thangthat pe ko hna usih, Bawipa thatnak na hmuh thiam ahcun amah thangthat lo in na um kho bal lailo.

Biakinn amah thangthatnak hmun ah bau sual hna hlah usih

+++