Khrihfabu Pakhat Ah ,Thlarau Mi Le Titsa Mi

Thlarau mi nih, Pathian bia le Thawngtha lawng a chim lioah, titsa mi nih mi kong lawng a rah ceih i a rak ruat ve.

 

Thlarau mi cu Bawipa ca ah a nung, titsa mi cu vawlei thil le ri caah a nung ve.

Thlarau mi cu Pathian bia,Thawngtha in a nung i, titsa mi cu a minung sinak ruahnak a duhning in a nung ve.

Thlarau mi nih a dikmi tette a chim lioah, titsa mi nih cun a dik lomi tete a chim ve tawn.

Thlarau mi nih mi vialte hi Bawipa mi si dih hna seh ti a duh lioah, titsa mi nih mi vialte hi amah mi si dih hna seh ti a duh ve.

Thlarau mi nih midang a ruang um loin a dawt hna lioah, titsa mi nihcun a ka dawt khawh ve te lai ti ruahchannak he mi thleidan he a dawt ve hna.

Thlarau mi nih dingfel tein Pathian rian a tuan lioah, titsa mi nih thutdenh sang co duhah Pathian rian ah a rah i zuam ve.

Thlarau mi nih minung mithmuh le thangthat duhah si loin,Pathian mithmuh ah Pathian rian a tuan lioah, titsa mi nih Pathian mithmuh nakin minung thangthatnak co duh le mark that duhah khrihfabu rian ah a rah i pe ve a rak cawlcang ve.

Thlarau mi nih biatak le thlarau in Pathian a biak lioah, titsa mi nih biaknak, phunglam, a lem in a biak ve.

Thlarau mi nih thlarau in thla a cam lioah, titsa mi nih pungsan, a lem in thla a cam ve.

Thlarau mi nih a pastor cu thinlung takin a dawt lioah, titsa mi nih velhle in kan dawt tiah a ti ve tawn mithmai tha co duh ah lumuhzi in.

Thlarau mi cu midang sinah a tangdor i, Pathian zong a tih lioah, titsa mi cu midang kut tang um,tangdor cu chim lo,zeibantuk minung hmanh hmai zah upatnak pek le tihzah a timlo.

Thlarau mi nih lungtak in Pathian rian a tuan lioah, titsa mi nih Pathian rianah lungtakin a tuanmi hna kehleng phelh khawhnak ding rian a rah tuan ve.

Thlarau mi nih a note book ah thlarau tha zang thawnnak ding ca, bia lawng a tial lioah, titsa mi a note book ve ahcun mi sual phawtnak,sualkawlnak, tlamtlin lonak lawng a rah i note ve mah thilti khawhnak lawng a note ve.ti si

Note///Ahohmanh Ti Hnawhmi Le Tial Hnawhmi A Um Lo,Careltu  An Hnursuan Sual Tik Hna Ah Faktuk In Rak I Lak Kawi Lo Dingin Kan Nawl Hna.

+++