An Phai Theu Tawn Dawtnak Tak Timi Cu

No lio le tlanval lio hna, nungak lio hna cu an cuai lai I a ral te lai.
 

Kan nunnak zong dongh ni a ngei te lai.

Nain dawtnak belte cu zungzal in zungzal a um cang lai (1korin 13:13)

Chim phuan khawh loin kaphih le temtawn in dawtnak cu um hmanhsehlaw,ruahchan awk aum tilo hnu zongah va si ko hmanhseh, a ngai ding zong an um ti lo hnu zong va si ko seh, thinlung nih cun a chim a phun peng ko lai.

Duhlo in hnawl a si hnu zongah, hnawl le cawidomh a ton ti lo hnu zongah, zitmuai le thuammuai a ton ti lo hnu zong ah, theihthiam piak a ton ti lo hnu zongah, dawtnak cu a lung adongin, a tha zaang ader hlei lailo I,amah khel te a si ko lai.

Dawtnak cu hlen le deh zong tong ko hmanhseh, zohchuk le thlanglamh zong tong ko hmanseh, a bei adong ballo I a sung a khan ballo.

Kan vawleipi zong a rawk te lai, kan caan ngeihmi vialte zong dongh caan a phan te lai, tuah kan tamhmoih emem mi kan sam hna zong nih par ni a phan te lai I, tu I kan titvun nono hna le nalnal hna zong an sawng dih caan a phan te lai, tu I kan tungtai aa rem tukmi hna le zoh dawh tukmi hna zong hi an hmun peng fawn lailo, sihmanhsehlaw dawtnak taktak belte cu zungzal in a hmun lai.

‘Dawtnak tak’

+++