Khrih Caah Pasaltha

Laimi hi kan pupa chan in pasaltha si hi a rah uar ngaimi kan si, nain vawlei leiin pasaltha si nak lawng a tam u cu kan rah si deuh rua, van lei pasaltha hi cu kan tlawm ngaingai rih.

 

van lei pasaltha si dingah cun a rah fawi ve lo, vanlei pasaltha lampi cu a nuammi lampi a si lo caah asi, vanlei pasaltha lam zulh dingah cun mah le mah i ral i kaltak ahau, nunhlun vawlei nuamhnak kan tlaichan cuahmah mi kan duh cuahmahmi hna zong siang na lo bu tein then, byebye tuah a hau, nifa tein mah vailam i put asi.

Aherh ahcun mah innchungkhar unau sahlawh rualchan tiangin kaltak nun asi caah mi tampi nih van pasaltha kan si khawh lo nak a si, van pasaltha si dingah cun ka sungh zongah a poilo, Pathian nih a kan khamh lo zongah a poilo, Pathian nih a kan pek lo zongah, kannunnak a liam zongah a poilo ti ngam kha a herh, Denial le a hawi le hna zong kha siangpahrang pa nih milem nan biak lo ahcun meiphu ah kan peih hna lai a ti lio hna ah, kan peih ko milem cu kan bia kho lo, kan biakmi Pathian nih a kan khamh khawh si le kan khamh she, a kan khamh lo hmanh ah na pathiam milem cu kan bia hlei lailo ti ah an ti ngam.( Deniel 3:17-18 )ah mah bantuk hi van pasaltha timi cu asi, laimi zong nih kan i zohchunh ding an si.

paul zong nih kei cu khrih vailam ah ka thi cang, khrih vailam thawnghin ka caah vawlei hi a thi mi asi cang, vawlei zonghi ka caah a thi cang tiah ati.( Galati 6:14 ) van pasaltha hna lamtluan cu a nuammi lam a si lo, pangpar phahmi lam a si lo, hling le so he a khatmi lam a si, harsatnak lam a si, mah le mah I kaltaknak lam a si, cucaah mitampi nih kan zawh khawh lonak a si, culam cu harsa in hling le so he khatmi lam si hmanh she law, kanmah lawngin kan zawh kho lai lo, cucaah Bawipa nih a kan zawhpi lai, Bawipa he kan kalti lai Bawipa thawnnak thawngin chuak lakin kan zawh khawh ko lai ti zumhnak, ruahnak kha Bawipa nih a duhmi asi, cu hling le so pinlei, harsatnak pin lei ahcun, sunparnak ,lawmhnak, nuamhnak , sunluchin nih arak kan hngah ve ko, a donghnak ah, pasal tha phun ( 2 ) kan si kho.

Setan caah pasal tha maw? Na si lai.

Khrih caah pasal tha dah na si deuh lai?

Bawipa sunparnak caah si ko seh

+++