Ka Dawt Te Kha ( duhmi,dawtmi a co kho ti lomi hna caah )

Ka dawte kha rak ka dawt piak ko mu, a tah I a mitthli a tlak tikah a mitthli rak hnawh piak law, awka nem tein rak hnem te mu.

 

A thin a hun I a aipuan I aphunphun in an ti tik zongah, rak tuar hramhram ko mu, sau a thinhung ballo.

Lungfak in rak tuah  hrimhrim hlah mu, a ruang cu a ka nuamhter bik lai tiin keimah cu kaltak in nangmah an panhmi na si khah.

Ngaihchiatnak a ton caan ah, rak hramh law rak hnem law a caah a tha bik ding kha rak tawlrel piak tawn mu ka ta si ti hmanh hlah sehlaw, a caah a nuamhnak a duh piaktu ka si peng ko rih.

A li a len I a umhar caan, a mithli a tlak caan paoh ah a pong teah rak umpi peng in rak daw ko, zaangfahnak a ngeimi na si ko ahcun ,keimah ruang tal ah zaangfahnak dawtnak te khan rak tuamhlawm ko mu.

 

A philh ti lo ding nuamhnak a ngeih khawhnak hnga, a caah a tha bikin thil a nuamhnak rak tuah piak tawn law, a herh ahcun cung zingnu sin hmanh ah thla za cam in na rak hal piak lai mu a caah.

Keimah bantukin a caah thla cu na cam piak lo a si kho men, nain a nun a lung cu rak kuai ter hin hlah mu.

Hmaichia le hmurbo buin a thut caan zong a um te lai, cutikah na thinhun ter ve lo in, aw ka nem tein chawn law, a caah bia tha, bia thlum chim in tha zaang rak pe tawn mu.

A caah na um pengnak, zeizong ah  na pek khawh pengnak kha , chim lengmang mu ai lawmh caan a si ah, a ngaihchiat caan a si ah, a caah zungzal in pasal tha si khawh I zuam peng ko mu.

Ka sian lo tuk bu tein ka dawt nih nangmah na vat cang caah, kan ngar tuk mi na si timi hi rak philh hrim hlah, tiin duhmi a co kho ti lomi hna caah zuuntuar zia thiamnak tu ah cang hram ko seh.

+++