Prophet Jonah Tuanbia Hi Rak Rel Ve Hna U Sih

Ninevi khua hi Ninrod i a rah sermi khua a si(Gen.10:6-12)Mesopotamia ramah khualipi lakah a lianngan mi khua pakhat a rak si ve, a min sullam hi siria holh in Nina or Ninua tiin lakmi a si. Heb, Nin!e-vi ti a si. a sullam cu(fish/nga)ti nak a si, nga khuapi ti nak deuh a si ti nak si cu, a hlathlai mi hna nih an chimning ah. BC 4500 hrawngah dirhmi si dawh in an ruah.

 

Siria khualipi Ninevi i an siangpahrang Sennacherib(705B.C-612B.C)chan lio hrawng ah cun khualipi minthanglei ah van a rah tawng ve mi a rak si, siangpahrang Sennacherib uk nak a dih in Ninevi khualipi zong cu tumchuk lei a panh ve ti a si, Ninevi khua hi tarkis tiva nichuak leikam ah a ummi a si, kha lio caan ah Ninevi khua i a ummi minung hna hi 174,000 hrawng nak tam in ruah a si, Baibal chim ningin ahcun hngakchia lawng hmanh 120,000 an si I .600,000 hrawng minung um dingin ruah a si.(Jonah 4:11).

Prophet Jonah hi Amittai fapa asi, kuryath-Adamos.Gathhepher khuapi Zebulun lei ah a chuak mi a si, kuryath-Adamos hi tiva kam Ascalon le Gaza pongah ummi a si. (2siangpahrang 14:25)ah prophet Jonah hi siangpahrang Jeroboam II(793 B.C-753 B.C) Caan lio i prophet lianngan.(great major prophet)a si nak a langhter I, Israel chung in prophet a si bantuk in, Israel miphun cu Pathian nih thlua a chuaknak hna lai kong le a ram a kauhter nak lai kong te hna, cun thlarau lei ah an tlakchiat/an rocar tenak dingkong kha a rah chimhchung cang.

Ram le miphun zawnruat tu prophet- prophet Jonah hi ram le miphun a daw ngaingai mi a si, an mah (Judah phun)hi a ngaisang in a tleihchan ngaingai mi a si, hi bantukin ram le miphun a tleichan i zawn a ruatmi prophet a dang an um tilo ti a si, mah hi a mah nih a chimmi bia in theih khawh a si."Hebru mi ka si"(Jonah 1:9)tiah a chim nak zawn te ahhin a lang, Baibal scholar hna nih cun Jonah nih Hebru mi a si a chim kherkher nak chan hi kha chan lio ah zeimaw thil a thup mi a um in an zumh, Jonah nihin a ciruang, a miphun le ram a zahpi lo I, a cawisang I, mi nih an thei suallai lo ti hi a duhmi a si tiah an ti.

Miphun dang a remlo mi prophet- prophet Jonah hi a mah aa phundang bantukin a catial mi le a biachim(massages)zong a dang ngai ve, Jonah bantukin direct in ramdang miphundang hna sinah fialmi hi prophet hna lakah ahohmanh an um lo ti a si, prophet Jonah biachim(massage)hi Hebru holh in cun"Biafang pa 5" (5 words)lawng a si I, a thatnak lei maw? Thatnak ruahchannak lei zong zeihmanh a tel fawn lo mi a si, Lungfah pah buin Nenevi khua ah bia a chim-Prophet Jonah nihin Isreal ram taksa le thlarau lei ah fak ngaiin tumchuklei an panh a ranning kha a mit in a hmuh a hna in a theih, Pathian sin in chimhnak/langhnak a hmuh lengmangmi pa a si caah, Israel miphun nih Pathian thin an hun ter caah hremnak an tonglai ti kha a rah theih cia cang, cubantuk in Pathian nih a pekmi hna ram aa semnak le a thannak hmun a si mi a miphun hawi a ram hrawkding kha a theihbu i thinlung fak ngai in a um lio ah cun, a thinlung fahter chin tu bia a sin ah a rah phan than a rak I chap than, prophet Jonah cu an mah Israel miphun a tleichan i a zawnruat i rawhlai a sian lotuk hleiah,  Pathian nih cu Israel tefa hna, an sual an i ngeihchih lo ruangah dantat hrimhrim a timh hna i. a hremtu ding hna ah hin Israel an ral hlun a si mi siria mi hna cu hman a duhhna Pathian hriammam an si khawhnak dingcaah Pathian hmai i a toidormi an si I an sual an I ngaihchih nak hnga kha Pathian nih a duh mi cu a si, cucaah prophet Jonah cu a thlah Pathian nih aa timhmi hi Jonah sinah phuanghmanh hlahsehlaw, Jonah nihin Pathian khuakhan mi aa timh mi cu a rah theih ve caah, Pathian biachalhnak tiangin a hmannak kha a rah si."hihi kanram I  kan umlio i kan rah in chimhmi kha a rah si lo maw?Hi ruangah hin tarsat khua ah ka zamnak cu a si cu tiah a ti(Jonah 4:2)ah,  Jonah nihin mizeipaoh an si ah Pathian sin ah sual ngeihchih in a toidor mi le zaangfah a halmi hna cu Pathian nih a zohsawh balhna lo ti hi aa fiangtuk i Jonah zumh ning bantuk in Ninevi khualipi(siria mi)hna cu Pathian nih a zuah taktak than ko hna.

Pathian hmai ah kun duh lomi sualkal tak duh lomi Israelmi mi lungpuam/khawng mi hna hremnak ah a hman taktak ko hna i Israel ram cu B.C 722 ah khan siria kuttang ah an tla taktak mah hi rah theichung in, Jonah nih khan ninevi khua ah thawngtha va chim kha a duh lo nak a si, Ninevi khuami hna thiltha chimh le va theihter ve kha Israelmi hna caah chiatnak/hremnak a si lai ti a theih caah lungfak bule ngeichiat pah bu in thawngtha kha a va chim hna nak a si.

Prophet Jonah caan hmanung-prophet Jonah Ninevi khua i thawngtha a va chim hnu ah  a khuasak nak an khua lei ah a kir than i Ninevi khuachung ah thil lianngan a tlung Ruangah, prophet lianngan le min thang ah a van i chuah chinchin, Jonah nihin Israel ram ah siangpahrang lianngan a rat lai nak kong, Israel ram a rawklai nak kong a rah chimchung hna I cu a biaphuan mi hna cu a rah tling cawlhlo ruangah a mi Judah mi hna nih, an zawmteih, an hua I, zei ah an rello i an ral cu ruangah a nu a hruai i a kalpi i siria ramah khua an va sa, siria ramah sau nawn an um hnu ah Judah ram ah an rah kir than Judah ram an rah kir lei ahin a nu nih lampi ah a thih tak i Deborah thlankam ah an phum ta, Jonah cu Gath-hepher serida ah a um I babylon saltangmi hna an rah kir hnu kum 2 nak ah a thi ve.

Zumtu hna zong Pathian nih chim ding i pek mi bia cu a tawi ah maw?a sau ah maw?.a chim thiam ah maw? thiam lo ah maw?  kan chim kan phuan hi kan rian a si, Pathian nih a kan pek bantukin kanchim ah cun Pathian sunparnak an hmuh tawn, Jonah nih"biafang pa 5"te lawng a chim kha bia pa 5 te khan Ninevi khua an sual an i ngeihchih ko, Pathian nih a kan chimh bantukin raltha tein chim/phuang ko hna usih.

Prophet Jonah cu miphun zawn a ruat i adawt miphun caah thih zong angamh mi pa a si, Pathian zongnih ram dawtnak thinlung kha a hlawtpiak hlei lo, nain tuahdingmi hmasa a kan chimh mi kha a hmasa ah chiah i tuah hmasa kha a si ko, Bawi Jesuh nih tahchunhnak ah Jonah a hman mi hna hi Bible scholar hna nih cun a miphun le ram a dawtnak a zawnruahnak, a pawmpi nak a langhter mi asi tiah an ti.(Mtt 12.39-41,16:4,Lk 11:29-32)ah.

Bawipa pekmi lairam laitlang, kan ram hna le minung a ummi hna venhim le thekdarh/thio a kan timtu hna le hrawh a kan timtu hna cungin kilkamh venhim ding hi laimi kanmah rian a si ve, Pathian azumtu hna nih kan herhmi le Pathian bia zongnih a kan cawnpiak mi a si ve ko.

+++