Bawipa
kan lei a tan ah cun tiah laimi zumtu tampi nih kan ti lengmang tawn, nain tuchan
laimi khrihfa kum 100 varal akai cangmi hna nih "Bawipa kan lei a tan ah
cun ti tilo in Bawipa lei ah a tanmi si cang usih" ti nak lei ah I mer
cang hna usih law kan sining ding cu a si deuh cang, a umning ah cun minung mah
te ai khamh kho ti lomi sual ruangah hell a tla cang dingmi cu Pathian nih a
fapa hmang in a kan khamh cang I cu khamhnak a cohlang I a pawmmi cu kan si.
khamhnak cu kan pawm I kan caohlan cang I khamhmi kan si cang, mah cu Bawipa
kan lei ah a tan caah a si, atu cu khamhmi kan si cang I aluatmi kan si cang,
khrih nih a kan luatter cang caah a kan luatter tu khrih lei ah a ttangmi kan
si ve a herhnak cu a si, Bawipa lei ah a ttangmi kan si ve cang awk a si, khamh
cangmi kan si ruangah.
Pathian
nih a kan Dawt tiah zumtu tampi nih cun kan chim lengmang, nain tuchan ah cun
Pathian a Daw mi na si ve cang maw? ti tu hi a si deuh cang awk a si, Pathian
nih cun a kan dawt i a fapa ngeihchun in nunnak a kan pek, cucaah kan dawtnak a
kan hal ve cang.
Nifa
kan nunnak ah hawidawt na pumsa duhnak maw na zulh deuh lai? thlarau duhnak dah
na zulh deuh lai, Bawipa Pathian Bia nih cun hi tin a kan cawnpiak(Galati
5:16)ka chim duhmi cu hihi a si.Thlarau nih nan nunning kha lam hruai seh
law.nan minung sinak duhning kha zul hlah u.tiah a ti mi zeipaoh nih kan tuh
bangin kan zuun cio te lai, thlarau lo ah maw na tuh lai, titsa lo ah dah,
Pathian thangthatnak hmun ah maw na kal deuh lai? nangmah na nuamhnak le na duh
mi dah na tuah deuh lai, kanmah duhthimnak te cu a theipar kan zuun te cio hna
lai.
Bawipa
lei a tangmi maw? Na si lai setan lei tangmi dah na si lai?
+++
No comments:
Post a Comment