Vancung Ah Min An Uah Tik Ah Kei Zong Ka Um Ve Lai

Kum tampi a liam hnu ah James Milton Black cu Pathian rian hi ka nun chan a si ti fakpi in I fiannak a ngeih hnu ah an khuami mino hna nun nih cun a nun um kho lo in an tuah, a rian cu  tha te a tuan ko bu ah I lunghmuihnak ngaingai a ngei kho hrim lo, duhfak ngai in a tuanmi cungah a lung a dong deng ve tawn ko, culio ah a thinlung su tu bik cu Pensylvania khua pakhat Williamspost mino hna Bawipa ke hram ah hruai hi a si, a taksa zong a ba  ngaingai tawn ko voikhat cu biakin a thlacamnak in a rak tin I biakin pong mi thawngpang  a deih lio caan te I inn lei panh in a kal pah a riantuannak nehhnu  kirh in khua a ruah cuahmah lio ah , nu hngakchia tleirawl mino te thilpuan reprai zong a ngei lomi hnipuan chia hru ngai ai hrukmi cu a mah lei panhin a rak rat ngiahmah  cu a hmuh ko, cu nu hngakchia te cu a hmuh cangmi si hmahsehlaw biakin chung ah voikhat hmanh a hmuh ballo mi a si cu a ngalh colh, tha tein a zoh than I  a sam zong hriat lo asi ti a lang I a hmaivun te hna zong a daang ngaingai, a um kal cawlcangh, a khaw hoiher zong ah a mit au a phing i, mi hmai a khap lo khun dimdiam tein a um, an chungkhar dirhmun tiangin a hei purhdah khawh hmanh dih ko an chungkhar cu Pathian lei ah kar an hlang lo ti cu a hmuh hnu ah Pathian sin ah thlacam hrimhrim zong an ngei bal lailo ti mi cu a zumh deuhdeuh cang.

Cu nu hngakchia te nih cun duhsah te in a vun neih chin lengmang ko I an vun I ton hnu pialkaan an vun I timh ah khin James Black nih cun chawnh ta duhnak a lung ah a chuak thut ko, a lan tak kho hrimhrim lo, nute a ti pah in hngakchia nu te a liangah cun a kut cu a vun chiah colh I cu nute zong nih cun I phunghrung ngai  hmaikhap lo ngai khin a um I a tih ruang zong ah a si kho I nute hodah na min a si a vun ti, hngakchia nute nih cun a let lo,  vawlei lei tu a zoh ko I nute na min na ka chim kho hnga maw? A vun ti rih cu ti I a hal than tik ah cun hngakchia nute zong  cu a vun I her I a ka bawmchan tu ding asi ti ruahchannak te he cun ka min cu Bessie ka si a vun ti ve I aw a si maw? Min dawh tuk pei a si cu a vun ti hnu khan cun hngakchia nute zong cu tih phannak ngei ti loin a vun ngamh ngaingai cang cuticun James Black nih cun an chungkhar  sining te hna cu a vun hal colh I Bessie te chungkhar cu sifak rethei ngaingai mi chungkhar an si nak etc, rian thitha zong ngei lomi an si nak, pa bik zu ri peng I, hringtu a nu cu mi ngandam lo a si te hna, amah Bessie nih an ei awk caah mi thil hna a va fir tawnnak etc, a chim hnu ah Jesuh khrih kong a theih bal le theih balo nak kong cu a hal colh, Bessie nih cun Jesuh kong cu a rak theih bal ve ko I a hawi le hna biakin ah an I pumh I hla an sak thawng an inn in a rak theih ve I a rak ngai ve tawn nak hna cu a chimh ve.

 

An chungkhar dirhmun nih a pek ve lo caah a nih cu a hawi le biakin an kal zong a hei hmuh ko hna nain a rak zoh sawhsawh ve men nak hna cu James Black nih cun a theih tik ah a lung a suk tuk I a hnarno tiang a ttam cutikah an biakin ah Sunday school rak kai peng ve ding in James Black ka in hngakchia nute nih a theih tik ah cun lawmhnak in a khat I Sunday a phak cun Bessie cu mi dang nakin a hnipuan chia te he cun biakin ah cun a rak ra ve, cu ni tawk cun min auhnak cazin chung ah Bessie cu a min a um ve cang I Sunday paoh ah a min auh a si ve cang.

Ai nuam ngaingai ve a hna thlam lawngin an hla sak aw a rak theih tawnmi kha a tu ah cun biakin chung hrimhrim ah amah hrimhrim nih a takin a vun sak ve tik ah ai lawmh ai nuamh khunnak cu a si,cu ni thok cun a caah zei paoh thil thar si hmanh sehlaw Sunday paoh ah cun hrelh lo tein ai pum peng ve cang, a hawi  le dang zong nih an kawmh thiam I chikhat te ah biakin ah cun a thla a tla i a hna ngam hawi kawm zong a ngei colh ve, zing khat cu koika ahdah Bessie a um ti ah James Black nih cun min cazin auhnak cun a min cu a vun hlam cang ko, a hawi le vialte a hal hna hnu ah pumh dih cun hmun dang ah pial ta ti lo in Bessie te inn lei ah a kal colh I an in phak lai teah Bessie pa cu lamkam ah sawn lengmang in zu a rit cu a hei hmuh pah, an inn a phak I a vun luh tik ahcun Bessie cu ih khun ah lungfim lo in a rak rilh ko cu a va hmuh ko a tak cu a vun tongh tik ah a rak sa tuk cang, Bessie nu cu mi ngamdam lo si tuang ah a rak thu sawh ko,  Bessie  a taksat ning cu thihnak tiang a phan kho mi a si ti cu a theih colh, Bessie cu a ban le a biang hrawng cu a kut in a vun muai piak pah khin Bessie biakin ah na min kan auh I ka um ko ti ah na ka leh tawnmi cu na ka let ti lo I tuzing cu a ti pah in na rak zawttuk tak hi ta a poi tuk ee aw a ti ah khin, Bessie nih cun a vun I hrim  I James Black lei cu a vun hawih  saya pa HI VAWLEI AH  KA MIN AN KA AUH I KA UM KHAWH VE LO TIK ZONG AH, KHI KA VANCUNG AH MIN AN AUH TIK AH CUN KA UM VE CANG LAI, tiin a chim hnu ah Bessie cu duhsah duhsah tein a thaw cu a dong hliahmah I vancung ah min an auh tik ah um ding cun vawlei cu a chuak tak ve colh, mithinlung khoh cho si ve mi James Black zong cu ai sum kho ve lo Bessie cung ah cun a mitthli cu kurkur in a tla ve, hi vawlei ah Bessie min cu an au ti lai lo I nain khi ka vanram tuah a min auh a si ve cang lai,  James Black cu a piano duhtuk mi hmai ah cun a thu I Bessie ngaih bu te cun vanram ngaihnak hla cu sak a vun tim ai tim len ko nain a ti kho hrimhrim ve lo a lung hrimhrim ah hla pakhat hmanh a chuak kho ti lo, a thinlung chung ah chimtu um bantuk in Nangmah nih phuah ko ti thawng cu al awk tha lo in, Bessie a thih lai te a thaw a chah lai te I a chim ta mi, VANCUNG AH MIN AN AUH TIK AH KEI ZONG KA UM VE LAI, timi hla Pathian hla tha tukmi cu a rak chuahkehnak  cu a si.

Kanmah nih hna hi teh kan u le kan nua nu le pa chungkhar sahlawh rualchan, khrihfabu members hna hi the min an uah tik ah ka um ve te hna hnga maw? Kan bua sual te hnga dah?

 https://www.youtube.com/watch?v=_LjZfjuOASs

+++