Nu Te Hna Cu Na Ti Maw?

Laimi kan pupa phung hmanh ah Nu bia in bia tlu hlah, Nu bia varal a kai lo ti te hna in phungthluak kan rak ngei ve, nu le hngakchia kan ti theu tawn hna, kan nautat ziar deuh tawn hna , kanmah laimi lawng maw?  tiah si rih hlah Judah mi hna zong nih cu tho kanmah laimi nak hmanin an nautat deuh rih hna ti cu Thawngtha chim nak zongin tampi kan theih cio lai, kala/vai zong nih cu thiam, miphun dang zong an rak si cio ko hna, nain 20/21 century kan vun phak cun Hunman rights a rak chuak Nu cavo le pa covo aa khat ko,  pa le nu kan sining ai khat ko pa tuah khawh mi zong kan tuah khawh ve ko tiin vawlei cozah tampi nih an vun kalpi hnu ah cun, minung kan nunnak ah Nu hna an santlaih ve nak ,an rak that hnemnak tampi kan vun hmuh khawh cang, kan vun tem ve cang.
 

A taktak ti ko lo ahcun innchung khar ah zeitlukin dah Nu hi an biapit ti ah cun, coka in thok sihlaw Nupi le ni hnihkhat an um lo hmanh ah coka cu a buar tuk cang zoh a tlak ti lo khan khi asi, inn chung inn leng ,hnipuan tiang in an hnawmtam tuk hmanh ko, Nu hi zeitlukin dah an rak biapit chim ahcun tampi rih.

Vawlei pi dawhter tu an si, Nungak dawhdawh hi um hna hlah sehlaw vawlei hi a nuam in ai dawhnak a um bal lailo vawlei dawhtertu an si,tulio lar ngaimi online chan zong ah fb/viber/ hi te hna zong ah nungak um hna hlah she law a nuam naisai lailo theih cia si, cozah zongah Nu an I tel ve lo ah cun cozah uknak, hruainak zong hi a tlamtling ti lo, tu kan vawlei le bang ahcun, rampi cal pipi zong Nu nih an hruaimi hna Nu president a tlingmi an tampi cang.

LaiNu pawl laipa a kan sesiamtu le a kan hruai khotu tha nan si hih, pa nih kan in zoh thla ko hna tihi philh hlah uh, Nu nan power hi vawlei hmanh a buaiter khotu le a daihter khotu nan si.

Pasal le sunparnak le mi tihzah upatnak hmuh nak zong nupi le nan si.

Nu hna nih an rian an tavuan hi a rak mennem lo, va/pasal a ngeih tik ah a thanlianhnak chungkhar a chuah tak I, an kan duhdawtnak ruangah a sian lo bu in a nu le pa a unau le a kal tak hna, a um ballo nak hmun ah I phuhrung bu te le na nu le na pa mithmai zoh butein a nun cu a thok than a caan a hman than, retheih harsat zuam in nangmah he khuasak ti I chungkhar dirh dingin ai pe ngammi a si, mah hi philh hlah.

Na nuam lailo ti phan in na mit au an ven I an zoh pengmi a si, na min na phun lohtlau lo dingah tefa a si khawhchung in an hrin piak rih nau ngeih/nau nganfah cu a fak a ti hrinhran ve ko a celh lo bu tein a tuar i a fah celh lo ah khua ma caan ahcun nau inn tiangin I phih a duh ve tawn ko, cu tluk I a temtuar bu le  a nganfah bu te I a hrin hnu zong ah afa cu amah min le phun pu loin na min le na phun min a putter rih.

Hawikawm sinah zoh na remnak lai le zoh na dawh deuh nak lai , hniphun hruk eih ning tiangin an chimh ,amah nih an hruk an eih piak, chungkhar nuamh lailo phan ah amah a diknak zongah dai tein a um rih, chungkhar ah Nu bik ai lawmh lo a si ahcun chungkhar cu a mui colh ko cucaah, pa nih kan theih awk cu kan nupi le hi dawt ding an si, an herhmi theih piak hna usih, an I nuamhnak tuah piak tawn hna usih ti hi a donghnak ah chim ka duhmi a si.

+++