Queen Victoria Le Tar Nu

Queen Victoria cu hngakchia te a si rih lio le ih hmu thaw tein ai ngilh ko lio ah, a pa a thihnak thawngpang cu an chimh I a theih ko,  a ngaihchia lai I a tap len lai dara ti ah an ti lio ah, a ihnak khun cung cun  tang ah a ttum I a khup a bil I thla tu cu a cam ko.

Bawipa kei hi hngakchia ka si nu ka si rih fawn zeitindah kapa ai cu ka awh khawh lai, ka bawm law ka umpi ko tiah Bawipa sinah cun a hal, cuticun Pathian nih a umpi I a rak tthang I Queen( Siangpahrang) a rak si hnu ah cun England ram ah, a sahlawh rualchan tlawn ah ai thawh I a mi hna he cun an kal,  pitar nu inn pakhat ah a va lut ta I cuka pitar he cun Pathian bia cu an I ruah an I chim I nuam ngai in caan an hmangti cuti caan an hman hnu cun a dang kal than ding a si ruangah achuak ding kha a si cang Queen Victoria nih cun pitar cu kha kan kaltak cang lai atu cu bawi siangpahrang hna ka si ve cang le na duh bikmi ka hal kan pek lai ti ah pitar cu a ti cutikah pitar nih cun chawva,thilri ,inn le lo hna hlah maw a hal lai tiah a zei memmam cu ai ruahlomipi a hal I Queen Victoria cu a lau ko.

Cu pitar nihcun zeidah a hal lai ti nan zumh? Ahalmi cu “vanram ah Jesuh kong hi kan I chim than lai kan I ruahthan lai,vanram ah kan I tawngthan lai ti bia ka kamh tiah ati ko” Queen Victoria cu khua a cuan I khua a ruat vuungmaang, zeicatiah ahcun a ruah loningpi a si i, a zumh lomi pi a hal tik ah nain a khuaruah dih cun a bia lehnak cu a tuah khawh I ‘ I promise you’ kan kamh ati I mithmai chia nawn khin cuticun an I then ti si.

Mah pitar nu bia halmi hi ruah awk ngaingai a si mi a um, hi vawlei kan len lio ah kan hawikawm tha, ka nungak kan tlangval, kan nupi kan pasal ,kan unau ,kan fale hei ti hna hi vanram ah khin kan vai tong kho than taktak te cio hna hnga maw? Ruahding cun pitar nu nih sui le ngun chawva , inn le lo hal khawh a si ko mi mah hna cu hal loin vanram I vai tawn than ding le I hmuh than ding in bia a kam termi hi pakhat ruah awk ngaingai a si, Bawi Jesuh chimmi  “ Hi vawlei le achung thilri vialte hi ngeih dih ko hmanhlaw na nunnak na sungh tungah cun zeidah san a tlai “ a timi kha a vun ka theihter than.

Minung kan thih caan a phak I thlamual kan liam ni hna ahcun hi vawlei chawva, sui ngun, rum lianngannak hna hi san an tlai taktak ti lo ti cu a fiang ngaingai, Le a herh bikmi cu a lang ko zungzal nunnak hmuh hi a si ko, cucaah mah hla tein a donghnak ka vun ser lai.

( Vancung inn tha dawtnak ram khi mithiang mi hna inn a si, cuka hmun cu kan phak khawh ve nak hnga vawlei thil le ri, pumsa duhnak cu hlaw cang tuah ).

+++