Na thatnak
a theithiam lo I ai hmuh ter duh lomi, na duhnak na dawtnak ai theihthiam ter
lomi cungah khan lungfak in na mitthli tlak ter hrimhrim hlah, zeihmanh sullam
a ngei lo.
Fahnak an
pek ruangah tap hlah law, nih piak salam ko nangmahnak tha tonnak ding lam na
ka on piak caah kai lawm tiah lawmhnak bia tu hmaipanh te khan hei chim salam ko.
Thil cang
cuahmah mi ruangah na tah lenmi nih khan, zeihmanh thil a sersiam hlei ti lailo,
caan aliam cangmi ruang zongah tap naisai ti hlah, sullam a ngei hlei ti lailo,
mitthli nih man a ngeih ti kha thei, na mitthli kha santlai lomi ah tlakter
menmen ti hlah.
Cuti menmen
cun kai sum khawh ve maw, na ti si I na
sum khawh lo ah cun na duhtawk khan tap, a than khawh chung khan tap ko, na
lungfahnak le na ngaihchiatnak cu chuahter dih ko, au pi ko, a herh ahcun voi
hra tiang hmanh in tap rih ko, nain hihi philh hlah na tah hnawhchanmi a bawn
ah na tap ti ding a si lo, Na mitthli kha a pam men nangmah zei an rello tu le
,na thatnak na dawtnak zei ah an rel piak lotu cungah na tah ti ding a si lo,
nangmah ca thatnak hmanh ruat lo in na dawt ruangah a caah thil tha na tuah
piakmi le na duhnak hna cu zeiah rello in capo nak men ah a hmangmi sin ah na
tah ti ding hrimhrim a si lo, hnulei chit in kaltak ve ko.
Aruang cu
kan duhdawtmi hna hi fawi tein thlah le kaltak colh hnulei chit colh timi hi a
harsa tuk mi a si, ka theithiam ko, nain mah hi rak I cinken kan duhmi kan
dawtmi hna sinin nun kan cawng titu khi thei.
Cucaah a
thinlung an pe ve lomi, duhdawtnak lentecelhnak bantuk men ah a ruatmi nangmah
an care ve lomi cungah ngaihchia mitthli tlak in um hrimhrim ti hlah.
Note///Mi pakhat nih ka sinah a lungfahnak , zuun a tuarnak a chimmi ka vun tial piakmi a si.
+++
No comments:
Post a Comment