Jesuh
khrih le Muhammad Islam le Muhammad konglam.
Abraham
nih Hagar sinin fapa a hrin i.(Gen:16)amin ah Ismael an sak, ticun Abraham nih
a nupi sarah sinin fapa a hrin than i, amin ah Isak tiah an sak ve caan a kal
lengmang i Ismael le Isak unau 2 nihcun lam dang veve an zawh, Islam an Bible
ah a um ningah cun Abraham cu Pathian nih Hagar va auh than dingah a fial caah
a si tiah an zumh, a hnuah Abraham cu Mecca khua ah, Pathian nih a fial bangin
kaaba(Mecca khua i lungdum nganpi,Muslim hna hmun thianghlim bik) va sak dingah
akir than i, Abraham nih Hagar le Ismael an sin i um ve lo ding i a thawl lio
hna ah khan, Hagar nih bia a halmi cu a leh i, Abraham nihcun Pathian nih an
umpi hna lai ti i a rah chimhmi hna cu, Hagar nihcun"Pathian nih a kan
umpi ko lai ti a zumhnak cu a chimh"tiin hmuh asi.
Ticun
Hagar le Ismael cu ramcar i an um lioah Ismael cu a bu a hri, a dangcar a ti a
haal cu ti i an um lio pi ,Ismael awlokchawng i a um lio te ahcun lei car
chungin vanmi nih ti a putter i ,cu ti put cu a tu tiangin a um ko rih ti asi, amin
ah (zamzam)tiah auh asi, mah tikhur cu Muslim hna i an hmun thianghlim bik
kaaba timi in meter 20 hrawng hlatnak ah a ummi asi,ti asi
Khrihfa
kan Bible ah Judahmi hna an tuanbia cauk
ahcun Abraham nihkhan a fapa Isak kha raithawinak caah a hal tiin a um i, Islam
hna nih an lakpi ning ve ahcun Ismael tu hi a si tiah an ti ve, Secholar tampi
nihcun Judahmi hna hrinsor ning zoh a dawhnak ding caah Ismael ai ah Isak tu
hin an thlen tiin tuanbia a dot hlat mi hna nih an ti ve, profet Muhammad hi
Ismael hrinsor in an dot hlat i, Ismael cu Abraham(Ibrahim in Arabic)fa asi kan
theih cio ko lai dah ka ti.
Jesuh
khrih konglam
Jesuh
khrih konglam hi cu Biakam thar thawngin, zumtu hna nih a konglam hi kan
theihpah dih cio cang ko hna i tampi tial zong hau lem ti lo in ka ruah, Seth
in Noah in Shem in Abraham ticun Isak, Judah hrin David, Jesuh khrih cu David
hrinsor a si cu kan i fiang dih cio ko,(Matt 1).
Abraham
fa Isak le Ismael hna nihkhan, fapa minkawh si duhnak kha an nuu le thawngin an
i cuh deuh in a lang, an hrinmi an tefa hna chanin an biaknak, a zummi a zulmi
hna tiangin i el rialnak, i dohnak hna a chuahternak le a um pengnak cu mah hi
asi, fim ngai le, harsatnak tampi tongin a rah thanglianmi nihin ram le
rosunglawi, a fim deuh, athiam deuh,a sang deuh co duh ah le si duhah vawlei a
hmunh chung cu i doh dawh an si cang.
za ah
za i a dikmi cu an biakmi Pathian cu an i khat, Abraham Pathian an biak veve
Isak le Ismael hrinsor hna nih hin, kannih khrihfa hna nihcun Isak hrin Jesuh
khrih cu profet lawnghmanh si loin Abraham i a Pathian i a Fapa ah kan cohlan, Islam
le Judah hna nihcun profet, le cawnpiak tu sawhsawh ah an ruah, cu bantukin
Ismael hrin Muhammad zongcu Islam hna nihcun profet sawhsawhah an ruah ve.
vun
ruah setset ahcun Judah biaknak a bia mi hna le Islam biaknak a bia mi hna an i
el rialnak, karlak ahhin khrihfa mi hi kan um in a lang, setan bu ti lo ah
biaknak dangdang hna i an cawnpiaknak hna hi vun zoh tikah, an cawnpiaknak a
tam bik hi cu, nun can ziaza thatnak, zeitindah daihnak a um khawh lai ti le, minung
caah a tha hnem tukmi hna le duhnung ngaingai mi cawnpiaknak hna an si ve hna, ruah
tikah cun an i pehtlaih pah dih ti awk si, cubantuk cawnpiaknak a tha mi
biaknak hna cu zei ruangah dah biaknak ruangah, kan i thah i minung kan nunnak
hi kan i lak piak lengmang ne hna hi asi hnga ti hi asi.
Unau i
rem lonak, i huatnak nihhin thil tha a chuakter ballo ti hi cu kan theih dih
cio mi a si ko , kannih Chin atimi Chin miphun hna zonghi, peng khat le
pengkhat, nang falam e kei hakha ee tidim e matupi ee ti um ti lo in ram leng
ummi si u sih, ramchung ummi si u sih, unau kan si ti thei in tiva bang hmun
khat ah luangti in lengti cang hna usih, kan lung i rual hna u sih lungrual cu
teinak a si an ti kha,(Salm 133:1)Unau rual i rem tein khuasak ti hi zeitluk in
dah a that I a nuamh!Aaron lutlung in a khabe ah a khabe in a angki hngawng ah
a vung luangmi aliv chiti bantuk asi…. Chin miphun kan damnak caah cang ko she.
+++
No comments:
Post a Comment