Kan Nun Ah Theih A Hau Mi Tete

Thahrum le kutke zo  nak hmun ah, fimnak a um ballo.

Awka hrang le bia nek, a umnak ah dawtnak nih hmunhma a ngei tawn ve lo.

Mi derthawm nih, mi an ngaithiam kho bal hna lo.

Cungah cawimi si na duh ahcun, mi tangah I dor hmasa.

Nangmah naa hmuh ning kha na sinak taktak a si rih lo.

Midang nih anin hmuhning zong kha na sinak taktak a si rih lo.

Na sinak taktak cu Pathian nih an hmuhning te kha a si, cucu Bible ah a lang cucaah na sinak taktak theih na duh ahcun Bible kha rel ko.

Mi nih zoh san ngaimi sinak in, mi nih zohchunhmi si a tha deuh suaomau.

Na pianthar ruangah khan, kaa thleng dih colh lai tiah ruah hlah, khrih chungah khumh na si ca tuah  Pathian mit hmuh ah mithar na si.

Pathian rianah naa pumpeknak le na hlawhtlin ruangah I lawmtuk duh hlah, na tuanmi ah Pathian nih mithmai an pek ruang tuah I lawm deuh.

Kan I timhning le kan ruahning in thil a kal lo tik ah, minung kan sinak taktak cu a lang theo tawn.

Pathian nih chunglei tu a zoh deuh ti ah I hnem lengmang ko hmanh usihlaw, mah hihi kan theih awk tu cu a si chunglei nun a dik lawnglawng ah lenglei nun zong a dik tawn.

Pathian bia hi sualnak kaltaknak lawnglawng asi lo I, sual kan ke tangah cawl kho lo in chiahnak le teinak caah thawnnak tu a si.

Pathian zummi le piangtharmi na si ruangah mi lianngan si I tim hlah, a liannganmi Pathian a ngeimi tu na si kha philh hlah.

+++