Minung Kan Ral Ngan Bik Phun ( 2 )

Minung kan ral ngan bik cu kanmah hi kan si ti cu ahopaoh nih theih dih cio asi, Pathian bia zongah mah le mah I teinak a herhnak kong zong a kan cawnpiak, thlarau theitlai ah aa telmi pakhat zongah achiah.

1.Minung kan ral nganbik cu kanmah kan si.

2.Minung kan ral nganbik cu kan hawikawm tha bik hna an si.

Vawlei cung ral vialte lakah tei a har bik mi ral cu mah le mah I tei hi a si, minung kan I nuam ee, kan I lawm ee kan ti tawnmi zong hi kanmah tuahsernak ah a um tawn, kanmah kan tuahsernak a dik ahcun, kan I lawm I kan tuahsernak a dik lo ahcun, kan ngaih a chia tawn, nuamhnak le nuamhlo nak zong hi a tam u cu, kanmah kut ah a ummi a si, kan nunning adik ah cun lunglawmhnak nih a zulh I, kan nunning a dik lo ahcun ngaihchiatnak nih a zulh ve, nunning dik in kan nun khawhnak ding caah cun Pathian bia nih a kan tining tein zulh le tuah a hau, Pathian bia nih ati mi cu minung sualnak, thurnak cu a chunglei ah a si, lenglei ah a si lo ati, cu kan chunglei nun ruahnak thalo, a thurhnawmmi ruahnak hna cu tei a herhnak cu asi, kan I lawmh khawhnak ding caah chunglei in sualtuah duhnak a kan ngeihtertu hna cu kan tei a hau I cu teinak ding caah thiang thlarau bawmtu a kan peknak zong cu a si. Cu kan chunglei nun kan tei hnu ceo ah thlarau lawmhnak taktak cu co a si tawn, cu chunglei nun tei cu mah le mah tei a timi cu a si.

Kan ral nganbik pa 2 nak cu kan hawikawm hna hi an si, kan hawikawm tha hna cu kan zeizong a kan theitu an si, kan chiatnak le kan thatnak tiang a theitu an si I kan derthawmnak le kan tthawnnak zong a theitu an si, kan chambaunak le kan thatnak a thei dihtu zong an si, kan duhmi le duhlomi zong a thei dihtu an si zeicahtiah kan hawikawm an si caah a si, cu kan hawikawmtha kan ti mi hna nihcun kan sining an kan theih tuk caah, thlak an kan duh le an kan thlak khawh I, kan dernak an theih caah, hlorh an kan duh zong ah an kan hlorh khawh, thangchiat an kan duh zongah an kan thangchiat khawh tuk, kan sining an theih dih caah asi, mualphoh an kan duh zongah kan mualphohnak ding an theih tuk, kan thinhunter an duh zongah kan duhlo mi an theih tuk  I kan thin zong an kan hunter khawh tuk, cucaah kan ral nganbik pa hnihnak cu kan hawikawm hna hi an si.

Zeitindah kan I ralrin lai: Bible nih mah le mah tei abiapi I a herh a tinak cu mah hi a si, cu kan hawi le hna kan kiangkapmi hna nih soisel awk um lole , thangchiat awk um lo, mualphoh awk um lo tein nun khawh le um khawh kha a herhmi a si I, mah ti kan um khawhnak dingah cun, sualnak a kan tuahter tawntu, thangchiatnak, mualphonak a chuahtertu ahrampi kan chunglei nun tei cu a herh tukmi a si, cu chunglei nun tei cu mah le mah I tei timi cu a si, mi tampi nih kan theih tuk cio ko nain a hartukmi a si ve caah kan I tei kho cio hna lo catialtu keimah hmanh hi kaa tei kholo, cucaah mah le mah kan I tei khawhnak ding caah kan theih ding le mi nun kan teiter khawhnak hnga ding caah cun, nangmah le nangmah I tei a harning le I thlen a har ning kha ruah hmasa law, cu hnu lawngah midang nun va thlen a har ning na theih ko lai, cucaah midang nun kan thleng lai kan ti tik hna ahhin mah nun kha I thlen hmasa a hau tinak a si, mah le mah I tei hmasa a hau ti nak a si, mah le mah I tei a hartuk caah minung nih kan I tei khawh ti lo caah  a tei  khotu thiangthlarau bawmtu cu Pathian nih a kan peknak a ruang asi, Thiangthlarau thawng lawnglawng in naa tei kho lai. Cu hnu ceo ah vawlei cungah ral nganbik a teitu na si hlei ah midang nun thlengtu zong na si kho cang lai.

Nangmah le nangmah na tei a si ahcun, voikhat tei ah pa 2 na tei tinak a si  cu. mah le mah i tei nak thawngin hawikawm kiangkap kan kong a chiatnak kan thangchiatnak chim awk um loin ,tuah khawh an hmur phih khawhnak cu mah le mah i teinak hi a si.

+++