Mi
titsa tha le muidawh, pumrua tha pungsan dawhmi na hmuh hna tikah, na mit thi in
na ngar thluahmah tawn ko hna lo maw? Anmah bantuk si le I dawh ve I hawi nih
zohmi le chimmi si cu na duh hringhran ve tawn ko lai, nain aw anmah bantukin
nai dawh lo ruang le duh na nun lo ruangah na ngaihchia hrimhrim hlah seh,
thachiatnak ah hman hrimhrim hlah, mah hna hi cu lenglang lawng asi, mitin hmuh
khawhmi lawng a si, abiapi mi cu chunglei dawhnak a si.
# Na
taksa dawhnak nihcun hawi bantukin midang mit la kho hmanh hlah sehlaw, na
chunglei dawhnak tu nih cun ahopaoh a hip khawh ko hna, Pathian zong nih
chunglei a zoh ti kha philh hlah.
# Na
mit hna cu hawi mit tlukin I dawh hmanh hlah sehlaw, Bible relnak le mi thatnak
hmuhnak caah hmang ko.
# Na
hmur zong hawi hmur tlukin I dawh hmanh hlah sehlaw, biadik, bia hman, bia nem,
Bawipa thangthatnak caah hmang ko.
# Na
kut hna zong hawi kut bantukin ngo in no hmanh hlah sehlaw, mirethei,harsami
hna bawmtu kut, upat tihzahnak a chuahpitu kut ah hmang ko.
# Hawi
nakin nauta deuh le santlaih lo deuh na si zong ah na zeipoi hlah, hawinak in
dawtnak a ngei deuhmi le dawtnak ah a rum deuhmi si va zuam ko.
Hnipuan/hruk
eih thianhlim le dawhnak in, chunglei thinlung dawh le thianhlimnak nih mi nun
a tei deuh. Hnipuan thurhnomh a tha ka ti nak a si lo, chunglei nun a biapi
deuh ka ti duhnak a si.
Kan
hmaithuh makeup thatha nakin, kan awka nem le kan hmurka nih mi nun a ei deuh.
Na
lenglei dawhnak nakin, na chunglei dawhnak tu nih mi nun a lak deuh.
Lengleiin
i dawh ngai ko tung i, chunglei thatlo cu theipi kung a hnah a hring ngai tung
nain, a theitlai ei awk a um tung lomi bantuk an si.
+++
No comments:
Post a Comment