A Hnekhnawh Te Hna Kan I Tlukpi Ne Ah, Zeitindah A Si Khawh Lai

1.Hawi nih an kan thangthatnak le conglomhnak kan i phorhlawtpi i kan i uahfaihpi i  kan I tlukpi ne ah, zeitindah a si khawh lai.

2.Ramdang kan van phan dedek, dollar hna kan van tongh ve dedek, hawi hmuh le hawi phaknak kan van phan ve dedek, phundang chim ahcun thanchonak rim kan van hnim ve dedek le cu hna cu kan i phorhlawtpi i kan i uahpi i kan I tlukpi ne ah, zeitindah a si khawh lai.

3.Nungak nih fb le viber hna ah chawnkhentu le call tu kan vun ngeih deuh mi hna,kan uahpi i kan I tlukpi ne ah zeitindah a si khawh lai.

4.kan mui dawhnak hna kan i uahfaihpi i kan I tlukpi ne ah zeitindah a si khawh lai.

5.kan degree le thiamnak, fimnak hna kan i phorhlawtpi i kan I tlukpi ne ah, zeitindah a si khawh lai.

6.kan rumnak le chawva tlawmte kan ngeihmi hna kan i phorhlawtpi i kan uahpi i kan I tlukpi ne ah, zeitindah a si khawh lai.

7.Hlanah kan rak tongh ballo mi le kan rak ngeih ballo mi hna kan van ngeih ve mi hna kan i uahpi i kan I tlukpi ne ah, zeitindah a si khawh lai.

8.Na muidawh ruangah Fb ah commenttu le like petu hna na ngeih tammi hna na uahpi i na ruam na kaipi i na tlukpi ne ah, zeitindah a si khawh lai.

9.Biachim na thiam ruang le na thawngtha chim a ngaimi an tam I, an in chim thiamnak hna na uahpi i na tlukpi ne ah, zeitindah a si khawh lai.

10.Hruaitu upa si ballo mi hna hruaitu upa lutlai hna I an vun in thim ve nak hna na phorhlawtpi i na uahpi na tlukpi ne ah, zeitindah a si khawh lai.

11.Na aw thatnak le hlasak na thiammi hna na uahfaihpi i na tlukpi ne ah, zeitindah a si khawh lai.

Kan si lo ningin mi nih an kan hlorhnak le thangthatnak hna, an kan chim thiamnak le , hawinak in kan vun nuncan khawh deuhnak, kan min hna an vun theih ve, milar min ngeihmi sin hna I kan min a vun langh ve mi pawl hna kan I tlukpi ne ah, zeitindah laimi hmailei ah kan kal khawh lai. Pathian nih a kan zaangfah I thluachuahnak a kan pekmi a si, thancho hram kan I thok ka te a si, kan thancho cu nizan, tihni te kha a si, lakphakti thlum din hram kan vun I thokka te lawng a si rih, cu thil tlawmpal te lawng a si rihmi hna laimi nih kan I tlukpi lengmang ne ah zeitindah hmailei kan kal khawh lai. Hawi ,miphun dang kan canh khawhnak hnga ding caah saupi kal kan I duh rih, lam can a sau rih, harsatnak, retheihnak tampi temtuar ding a um rih, a hnekhnawk tete le thilfa tete hna cu I tlukpi rih hna hlah sih, hmailei kar hlan ding a tamtuk rih. 

+++