Na nupi
maw?pasal cungah na tangdor I an ti bantuk tein na leh ve lomi ca dimdiam tein
a nawl na ngaih a bia na ngaih piak I a tang teah na dor ruangah khan asung na
khan, ti nak a si hrimhrim lo an tei ti nak zong a si hrimlo, na sing bakin an
ti le holh awk na thei lo naka an phih ti nak zong a si lo, naa tangdor ruangah
na sung cang ti nak zong asi hrimhrim lo, tangdor cu Pathian bia zong nih a kan
fialmi a si, Pathian bia na ngaih le na zulh a si, zeicahtiah cun a kan khamhtu
Jesuh khrih nun na hrawmpi ti nak tu a si, na tangdor ruangah zawmhteih na
tuarmi vialte kha Bawipa nih a theih a theipar na zuun caan a phan te lai.
A ka
dawt ko tiah na ruahmi na hawi le midang zong nih bia faktak le, bia nek, bia
eng in an in ti caan le mi hmai ah zohchia ngai in na mual an in phoh caan an
in soi caan a um theo lai, mah lio caan I anin ti bantuk tein leh na duh ko hna
nain na leh lomi hna le na ti ve lomi hna dai tein na intuar mi hna ruangah, na
hawi le sin na sung, na hawi nu maw?pa nih an in tei ti nak a si hrimhrim lo, a
sung na khan ti nak zong asi hrimhrim lo, Bawipa nih zeitlukin dah a tuar khawh
tinak tu a si cuti na tuar khawh hnu pin leiah tangdor a tthawnnak na hmuh te
lai I, mah na tangdor lio I anin ti lio I na lungfahnak leh in lunglawmhnak na
co te lai, I tangdor cuahmah ko,( Mother Teresa )nih zeitindah a ti tiah cun
zeitlukin na tangdor zong ah a theithiam lomi nih cun an theithiam hlei lailo,
soisel le bia fakfak, bia eng, le sirleih in an in ti cuahmah rih ko lai ee,
ati nain na beidong hlah I tangdor cuahmah ko tiah a ti.
Nunnemmi
le tangdormi hna hi miralchia ah a ruatmi le a puhmi an um tawn, cun an ti
bantuk hna in ti khawh ve lo an bia leh awk theih lo ruangah aa ingtuar sawhsawh
holh awk theihlo hnaah mi an ruat theo, tangdor ruangah ralchiat si lo, ti ngamlo
asi lo, nunnem ruangah leh ngamlo asi lo, tangdor nun a ngeih ca tuah a si I, a
nun a nem caah a si ko, kha ruangah va thlanglamh hlei ding a si lo, va nihsawh
hlei ding a si lo a taktak le a ngaingai ahcun Pathian hmuh ningah cun
tangdormi le a nunnemmi hna kha Pathian hmai ah cun teitu an si, minung hmai
ahcun fak taktak le zohchia ngai in bia eng le, bia nek in na ti ko lain na tei
ngai men ko lai, na nihsawh na thlanglamh ko lai nain, Pathian mit ahcun aa
tangdor mi nih khan a leh tamtuk in a rak in tei tinak a si.
Cun micheu
cu thiamcoh duh ah, midang nih ka ngaisang hna seh ti duh ah, cun mi nih a va
thiam ve ka ti hna seh ti duhah kan hawi le lakah santlai lo cem le a derthawm
cem, kanmah bantukin a kan ti kho ve lo dingmi, kan teimi hna kha mihmai ah capo
seihnak le, bawlnak ah kan hman tawn hna, midang lawmhter nak ding caah mah
bantuk kha kan hman ding a si hrimhrim lo, kan ram a dam khawhnak ding le kan
miphun a dam khawhnak ding ahcun mah bantuk ziaza hna hi kan kal tak hmasa a
hau mi a si, kanmah nakin nauta deuh an si ah, santlai lo deuh an si zongah
domhcawi lehlam ding an thatnak tu hmuhpiak thiam tu I zuam ding a si, zeikhawm
a si ah, tangdor hi tha Pathian bia nih a kan cawnpiakmi zong a si, ( mah le
mah a san termi cu thumh,thlak an si lai I tang ah a dor mi tu cungah cawi an
si lai)tiah a ti.
+++
No comments:
Post a Comment