Dawtnak Sullam Le A Sunglawi Ning Rak Rel Ve

Minung kan sunparnak pakhat vecu mi ngaihthiam awk a tlak lomi kan ngaihthiam khawhnak hna ahhin a si.

zeicatiah cun i ngaihthiam a hau mi minung lawng te kan si,a tlingmi minung kan um lo, ni khatkhat ah ngaihthiam kan herhnak caan a phan ve te lai.

Mi an sualnak nan ngaihthiam hna ahcun kei zong nih nan sualnak kan ngaihthiam ve hna lai,tiah Bible zong nih a chim.

Kan thachiat lio caan te hi, thazang pek kan herh lio caan te cu a si.

kan sualbik lio caan te hi, dawt kan hauh lio caan te cu a si.

Na nupi maw?na pasal maw?na nungak maw?na tlangval nih maw?na duhlo mi thil a tuah i na thin an hun ter lio caan te kha na ngaihthiamnak a herh bik lio caan te cu a si, ngaihthiamnak tello i dawtnak, cun dawtnak tello i iduhnak. te hna i a theipar cu lungkuai, mitthli tlak nak a si.

Dawtnak hi a sunglawi tukmi a si, cucaah dawtnak cu mi pakhatkhat na pek a si ahcun na pekmi dawtnak cu na pekmi pa/nu caah damnak petu dawtnak si awk asi, lungfahnak petu si loin, zeicatiah cun kan Pathian dawtnak le Jesuh khrih nih a kan dawtnak zong mitampi caah fahnak si loin damnak, nunnak a kan petu dawtnak a si.

Thinlung chungin a rak luangmi dawtnak he laksawng pekmi cu chim tlak lo te asi hmanhah, aman a sungtukmi a si dawtnak tello incun zei laksawng hmanh asi ah, a zeihmanh a thlum alnak a um lo.

Minung kan tluk tawnnak a hrampi cu phorhlawt, ruamkainak ahhin asi, cu phorhlawt, ruamkainak hna cu mah le mah i zohnak caan aa thei lomi hna le mah nun aa hmu kho ballo mi hna nih an i ngeih tawnmi a si.

Setan nihcun a um awltukmi kut le ke, cu hriamnam ah a hman tawn, zumtu pumh zuamlo,thlacam zuamlo,Bible rel zuamlo,a daithlangmi hna zong telh in.

+++