I Ngilh Caan A Si Ti Lo, I Hlau Caan A Si Cang

Rom 13:12-14

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih, Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih, Bawi Jesuh ziaza tu kha i lak u law pumsa duhnak tuah kha ngol u.

Hlawhtlin dingin hmainawr ko law, hlawhcham ding zongin I timtuah cia cun ralthatnak zong ngei.

Na mitthli kha hnawt hlah, na mitthli an tlak ter tu kha  na hnawh dingmi cu asi.

Mipakhat nih Pathian sinah nun nuam tein ka hmang khawhnak hnga, zeizong te ka pe ti ah a hal i.

Pathian nih cun zeipaoh nuam tein na hmangkhawh nak caah nunnak/damnak kan pek ti ah a ti.

Kan vawleipi hi nangmah caah aa thlenglai lo, nangmah tu kha hi vawleipi caah na nunning na thlen ahau.

Tu i na nunning te khan, hei thi sual law zeidah na comi si lai thih hnu pinlei ah zei bantukin dah ka um hnga ti naa ruat, cucaah hawidawt thih hna ngamnak na ngei cang maw?. Tha tein na nuncan kha I ruat hmah, tu kan khuacaan hi caan chia tukmi chungah kan um hna hih, kan pumsa duhnak le vawlei thil hna ah faktuk in kan kal sual hna maw? Chawva lawng hna kan ruat sual maw?tu kan caan hi caan chia a si caah Pathian bia nih ralring tein hmang dingin a kan fial, mihrut bantuk si hlah uh a ti, mifim bantuk si uh tiah a kan ti, mihrut nihcun pongkam thil si ning le khuacaan zoh a thei lo a ngallo, amah nuamhnak lawng le amah duhnak lawngin a nung, kanmah duhnak le nuamhnak lawng kan zul tuk sual maw? Mifim bantukin um hna uh sih, khuacaan thil si ning zoh thiam hna uh sih, caan parpahlek ah kan um cang, tluk caan zong si ti lo, um rih ko she ti caan zong si ti lo, daithlan caan zong si ti lo, Pathian bia ah a peih in I peih caan a si cang, a kawl in kawl caan a si cang, a fuh in fuh caan a si cang, cucaah cun pumh le khawmh daithlang hna hlah usih, biakinn kal ah kan khulfum hlah she, a caan a um lio te ah Bawipa sinah kir hna usih, I pe hna usih, thaizing nih zei a chuahpi lai kan ngal lo, zeibantukin kan um lai kan ngal lo hih, dai pa thlang in um caan a si ti lo, Bawipa mi hna  Bawipa cu a biakinn ah thangthat ko hna usih.

+++