Kan Zumhnak A Than Khawhnak Ding Caah

Innkhan a pittukmi le aungkua, thlalangawng a um lomi cu hlan a tong tawn lo I, hohmanh nih kan um duh lo, aruang cu thlalangawng a um lo I a pit, a muih caah a si ko.

Cubantukte cun minung zong ai kharkhumh tukmi le midang caah athinlung a awng lo tukmi hna nihcun hawi le midang an suaisawng kho hna lo I mi an hip kho ve hna lo.

Cucaah na thinlung kha kaupi awng ko, nain thiltha lo aluh hlan ah khar than lengmang.

Midang tlinlonak rumro na hmuh asi ahcun, nangmah le nangmah kha naa check than, naa zoh than a hau ti nak a si.

Pathian sunparnak a hmutu lawng si lo in, Pathian aw a theitu si hi a biapi deuh.

Harsatnak, retheihnak te hna hi Bawipa he kan pah ti a si ahcun, harsatnak si loin thluachuahnak tu asi.

Zuamcawhtu le ertu,dotu na ngeih lo asi ahcun, Pathian leiah kar na hlan deuh hau lai, dotu le zuamtu a um lo ahcun, zumtu nun a tthangkho tawn lo.

Mi nih hnawl cangmi le hlawt cangmi hna a hlaw ve lo I a hnawl ve lotu, Bawi Jesuh cu aa thleng ve ballo.

Vawlei na zoh paoh ah, lungretheihnak, awlokchawnnak, vuivainak na hmuh na ton peng ko lai, nain vanlei na zoh paoh ah Pathian sunparnak na hmuh lai.

Rumnak chawva ah na hngah I cu lawng na ruah a si ahcun, chawva cu na hmuh te ko lai, na ngeih te ko lai, nain cu chawva hna le rumnak hna nih cun an in chuah tak caan a phan ve te lai an in kaltak I anin then caan a phan te lai.

Atu ah dirhmun sang ah na um kho, cu dirhmun sang lawng cu na ruah I na hngah a si ahcun, dirhmun sang in na tlak caan a phan te lai, dirhmun sang nih an chuah tak caan a phan te lai.

Atu ah na minthannak le na larnak lawng na ruah I na hngah a si ahcun, cu nih cun an kaltak caan le an then caan a phan te lai.

Nain Pathian a ruat I Bawipa ah aa hngat mi cu zeitik hmanhah a tla lai lo I, zungzal in aa nuam zungzal lai.

+++