Thil A Ti Kho Mi Zumhnak

Jesuh nih cun Va kal kun na zumhnak nih an damter cang,tiah a ti(Marka 10:52)

Zumhnak hi khrihfa hna caah cun kan hrampi asi, kan zumhnak ruangah thiam coter kan si,cu zumhnak tak cu Bawi Jesuh zong nih mitcaw bartimo sinah a chimmi cu na zumhnak nih an damter tiah ati, mah ka zawnah bartimo hi a zumhnak cu a umpi sawhsawh lo i a thutpi sawh loh.

A zumhnak cu a tuahnak ah a langhter,( Jeim chungah hmuh khawh a si) a nun ah a langhter Jesuh a ra ti a theih tikah a umnak hmun in a au, a thil hlun hna kal takmi a ngeih hna, zumtu nang le kei teh Bawipa kan zumh kan ti nak ahhin, cu kan zumhnaknihcun tuahsernak ah a langhter ve maw?. 

bartimo cu a tuahsernak ah a zumhnak a langhter caah damnak taktak a hmu, cu a hmuhmi damnak cu amah i a zumhnak lila kha a rah sinak Bawi Jesuh nih a chimh.

tuni zumtu mi tampi hna zong vawlei nih a chuahpi mi harsatnak, awlokchonnak, van sannak, dam lonak te hna kan duh na loin nifa a tongmi kan um cuahmah hna, cu bantuk harsatnak cun luat kan duh dih i kan luat khawhnak ding le kan dam khawhnak ding cu, kanmah nih Pathian kan zumhnak te hi asi ve.

Cu kan zumhnak te cu a cawlcangmi zumhnak, a nungmi zumhnak a si ve maw? mitcaw Bartimo cu a zumhnak nih a cawlcanghter bantukin kan zumhnak nih a kan cawlcanghter ve a hau, cucaah "Jeim 2:14"nak ahcun zumhnak cu tuahnak ah a langh tung lo ahcun sana tlai lo a timi hi asi.

+++