Nungak Nih Kan Duh An Ti Asiah Cun A Lung Taktak A Chim

Theihtam tung I, hman tam khawh fawn lo nak cun tlawmte theih I tlawmte theihmi man ngei tein hman thiam a tha deuh.

 

Na bomhchanh duh lo a si zongah, harsatnak petu si a hau maw?

Na lawmhter duh lo a si zongah, a thinlung hliamtu si a hau maw?

Na zohsan khawh lo a si hmanh ah, zei i va rel lo kha a hau theng maw?

Na pek khawhlo a si zongah, va lakpiak kha a herh thengmi a si maw?

Na zumhkhawh lo a si hmanh ah, dodal tu si kha a dikmi/hman mi a si lem lo.

Na uarzawng a si lo hmanhah, huatnak mitin va met nak nih khan a lawmh ter hlei lai maw?

Mi nih an nun i ralring loin a nuam an timi paoh an tuah ruangah khan, va tuah ve ding asi hlei maw?

A deu nun(Idol nun, mimit hmuh lawngah tha) tiin a nungmi tampi milianngan hna na hmuhmi hna ruangah An mah bantuk in ka nun ve lai ti nak a si lai maw?

Tuankhawh lo dingmi tampi hakkauhnak he i lak hi, hlawhtlin lo nak a si.

A Kekkuai kholo kan timi hna hi a rah kuai kho ve ko, a kuai laklawh tikah cun a caan a rah luan cang lawng si loin faktukin a kuai.

Na sinak lengin langh i tim hlah, na nun hrawktu a si te sual lai.

Nungak ngong ko in a thut a si ah cun, an thinlung ah thil tampi ruahmi an ngei ti nak a si.

Nungak nih na ttangah alu a bei a si ah cun, zungzal ca in an thim cang ti nak a si.

Nungak nih kan duh kan dawttuk an ti a si ah cun, a thinlung taktak an chimh ti nak a si.

+++