Nun Hna Beidong Mi Hna Caah

Pathian nih mi lianngan a kawl hna lo, nain A lianngan nak a hmukho tu dingmi kha a kawl deuh hna.

Hakkauhnak le phorhlawtnak, tangka duhtuk nak hi, sualnak hrampi cu a rah si.(pual)

Na thin cu hung ko she, nain sual bel sual hlah, na thin hunnak cu nitlak pi hlah,(Efisa 4:26)

Asi mi cu asi, asi lomi cu asi lo, ti hi tu lio kan chan(laimi phun cungzongah)a si mi cu a si lo, a si lo cu a si, ti hi a si deuh cang.poi kho tuk.

Thil tha na tuahmi kha midanglawmhternak caah asi na ti sual lai, a taktak ahcun nangmah na lawmh deuhnak ca tu ah a si.

Kan hlawhtlinnak phente ahkhin, lawmhpinak le hnahchuaknak a thup veve, cucu mifim nih cun a hlawhtlin tik ah fimkaan te in a tuah tawn.

Kan vanthatni ah hawi le nih an kan thei i, vanchiat ni ah hawi le kan hlam tawn hna.

Mi na soisel hna hlan ah, an dirhmun ah i dirter ta ve.

Ka tuahsual mi thil in ka zoh hlah, cu ka tuah sualmi nih a ka cawnpiak mi thil in kaa thlengnak tu  khan ka zoh deuh.

Rumnak hi caw le va in tah ding a si lo, innchungkhar an i nuam maw ti le, cantawk ah lungawi thiam mi hi an si maw ti le, rumnak taktak cu mah cantawk ah lungawi thiamnak ah hin a si.

Mah le mah fel le fim, tha tiah i hmu I midang thil ti sualnak, tlinlonak a hmu thiam ngaimi hna hi mifim tiin mi nih hmuh nak in, mihrut tiin an hmuh deuh hna.

Minung hi kan mak kan dik lo nak ah cun lawyer tha taktak kan si I, midang dik lo nak ah cun Judge tha taktak kan si fawn.

Na si lo ningpi in duhdawt mi si nak cha cun, na si ningte tuin huatmi si a tha deuh.

Kan nunnak a hrawk i, ngaihchiatnak ah a kan phakpi tawn tu hi, kannun ningah fimkaan te le lungfim tein kan nun kan hmanglo ruangah a rah si bik ko.

Aliam cangmi caan sersiam dingah a tlai cang, nain a hramthok nakding ahcun a tlai rih lo caan a um rih  na tha chia hlah seh.

Thazaang thawnnak nakin, fimnak a tha deuh, achim i chim nakin mi va ngaihthiam kha a tha deuh.

+++