Guitar & Nu Thinlung

Mah hi ka ruah lengmangmi a si, Nu le guitar/tingtang hi an i lo tiah an ti tawn, ka ruah lengmang ah a dik ngai.

 

Guitar cu tum thiam dingah a keys theih hmasa a hau, cu hnu lawngah tum khawh le hla sak khawh a si, Nu zong hi an kan duh khawhnak ding caah, kan hnu an kan zulh khawhnak hnga ding caah, kan cungah an thinlung za te an chiah khawhnak dingah, kan tangah toidor tein an um i, kanmah ah an i lungsak khawhnak ding caah cun, an keys kan theih hna a hau ve, guitar bantuk in a tum kan thiam hna a hau ve.

Guitar cu zeitlukin a that le ai dawhmi kan ngeih ko zongah,a key kan theih lo i a tum kan thiam lo ahcun, hla sak khawh zong a si lo i, midang ngaih awk ah aw dawh le hla dawh zong sak khawh a si lo.

Lainu cu laipa kut ah an um,  sertu zong nih laipa caah lainu te a kan pek ve ko, nain ziah lainu tampi nih miphun dang pa an vak lengmang ne hna ti ah kan ti lengmang tawn, aruang a phunphun a um ve ko lai, culakah a ruang pakhat cu laipa nih an keys kan theih hna lo, a tum zong kan thiam hna lo tikah cun a tum thiammi Miphun dang ttang ah an i bei lengmang ko.

 Guitar cu a tum a thiam i a key a thei mi caah a si i, a thiammi nih an tum i pongkam mi caah ngaih nuam le aw dawh, le tha zang pe tu ah ai cang.

Bia donghnak: lainu zong hi laipa kut ah an um, laipa nih a tum dan kan thiam hna i, an keys kan theih hna ahcun, pongkam miphun dang hna le midang mit hmuh ah, zoh dawh le, zohcho mi ah, aw ngaih nuam mi le hla dawh ah an i chuah ko lai, lainu miphun dang ttang an pawmnak hnga lo ding le, an perpuak hnga lo dingah, lam dang an pial sualnak lo ding cu laipa kut ah a um I laipa kan ta vuan asi.

+++