Nupi Hrut Le Nupi Fim

kha nupawl na sining an hnursawn sual a si ah cun a ruahzia rak thiam te.

#.Nupi hrut nih a vapa nakfim deuhah aa chia, ava biachimmi al awk a kawl peng.

Nupi fim nih ava a dirpi i a bawmh, acawi a dawmh.

#.Nupi hrut nih amah tlinlonak in ava tlinlonak tu a hmuh deuh caah a thin a hung tawn.

Nupi fim nih ava tlinlonak cu a theihthiam piak i ava he nuam tein a um ti tawn.

#.Nupi hrut nih a hmun le caan zoh loin avapa cu a bia a al lengmang lawng si loin, mi hmaiah ningzah, mit au ngam loin a tuah tawn.

Nupi fim nih ava cu mi hmaiah mithmai tha a pek i, a upat, biachimh ding a ngeih zongah, anmah pa hnih te a um lioah a chimh tawn i ruahnak a cheuh tawn.

#.Nupi hrut nih ava a nihsawh a zawmhteih, mizong nih amah cu an nihsawh an zawmhteih colh ve.

 Nupi fim nih ava a upat thiam, a hmaizah thiam caah amah zong mi hmaizah/upat a co ve.

#.Nupi hrut nih ava a liancia caan i a rak nundan tha lo cu,aruahthan lengmangi a chim lengmang siamthat khawh tilo mi a liamcangmi caan hna an nunhlun ruangah nuva kar ah buainak a chuahter.

Nupi fim nih a liamcia caan ruat ti loin a ralai mi caan le an nunkhua saknak ding kong tu a ruat i ava he nuam tein caan an hmang tawn.

#.Nupi hrut nih ava palhnak a tuah sualmi cu thei in ai cinken i ava sining vialte thei dih bantukah aa ruah i ava cu a kut tangah chiah a timh tawn.

Nupi fim nih ava a tuah palh sualmi cu a ngaihthiam i minung cu i ti palh sual a um tawn tiah a va cu thazang a pek tawn.

#.Nupi hrut nih ava cu a thinhun caan ah awka hrangin a au hnawh tawn, i ka pong zongah um hlah ti ah a raak tawn.

Nupi fim nih ava cu ka dawt ka lentak hlah, ka pongah um peng tiin awka nemin a ti tawn, awka nem nih ruh hmanh a khiah khawh an ti kha phungthlukbia ah.

#.Nupi hrut nih eidin thaw lawng a ruat tawn, taksa dawhnak ruat loin.

Nupi fim nih ei le din thaw mi a ruah pinah, ka taksa caah zeidah a tha i zeitindah a dawh khawh lai ti zong a ruah chih a taksa aa dawh a that caah ava pa cu a nupi cungah a lungawi peng.

#.Nupi hrut nih ava cu aduhmi tlinnak ding caah a nawr bak in a nawr i, hngakchia bangin a um ava lungrethei le awklokchongin a chiah tawn.

Nupi fim nih a duhnak tlingnak dingcaah ava cu thazang pek a thiam i, ka va duhnak a si hnga maw? ti a zoh thiam umdan athiam caah ava nih a duhnak a tlinter pinah an pa hnih in lunglawm tein khua an sa peng kho, i chungkhar ah nuamhnak a um.

#.Chungkhar nuam cu vawlei ah vanram rak tem chung bantuk a si.

vawlei cung cawnnak sianginn tha bik cu chungkhar hi a si,

saya le sayama tha bik cu nu le pa hna hi an si.

vawlei missionnary kankal hmasanak bik ding cu chungkhar ah asi.

+++