I Hlau Caan A Si Cang

 Rom 13:12-14

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih, Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih, Bawi Jesuh ziaza tu kha i lak u law pumsa duhnak tuah kha ngol u.

Kan chan tiluan hi a rangtuk vanlawng zuan in a zuang ti khawh a si, thiamphei fungkhawh bantuk a si, kan nun khuasak ning, thil le ri kan hmang mi in chan ai thlen ning a rang tuk cang,cu rualrual in sualnak zong a ttang tuk vawlei cu mobile phone pakhat chung ah ai khumh titiangin  mithiam hna nih an ti cang.

 cutluk I a tthan a rangmi chung ah ummi kan si caah zumtu caah zumhnak pial hi a fawi tuk.cu vawlei thil a tthan tukmi kan hmuh mi hna le kalning kan hmuh mi hna nihcun zumtu zong kan thinlung a kan lak I, si ve duhnak um ve duhnak in  duhsah duhsah in vawlei thil chungah cun a kan luhpi cutikah zumtu tampi cu an zumhnak tha zaang a der I vawlei thil chung ah cun duhsah duhsah in a luhpi hna I a hnu ahcun zumhnak ah um ti lo in vawlei nih a kalpi ning poah in an kal, zumhtu nih vawlei thil kan tlaihchan tuk paoh le kan thlarau tha zaang a der ti hi kan theih awk a si.cucaah zumhnak kha fek tein I tlaih uh, tluak tak hlah uh ti ah,( Heb 4:12, 3:4) ah a kan cawnpiak.

1 John 2:15-17  zei a ti  Vawlei hi tlaihchan hlah u, vawlei le a chung I a ummi vialte hi an lo cuahmah cang, vawlei nan tlaihchan ahcun nan chung ah Pathian dawtnak kha a um lo tiah a ti, Pathian duhnak tu kha tuah I zuam ko uh tiah a kan fial.

Cucaah cun zumtu nang le kei  zanmui a dih deng cang khua a dei deng cang. Zanmui I an tuah tawnmi sualnak cu kal tak ko hna usih. Chunmi bantuk in um ko hna usih.kan Bawipa Ni hi a nai cang ti cu kan vawlei thil kal ning nih a langhter ngai ko, (Matt 24) chung kan zoh si cun Noah kong kan hmuh Noah nih lawng a sak lio ah khan ati a ding an ei ko hna i zeihmanh an thei lo a ti khah, cucaah zumtu hna cu khua caan zoh dan hi thiam uh, i ralring te in um uh tiah kan Pathian bia nih a kan chimh.

Cucaah a ngu mi I hlau cang hna usih, a it mi I tthanh caan a si cang, tha zaang mi tha zaang laknak caan a si cang, ban tha der mi thawnter caan a si cang, a tlu mi hna nih thawh caan a si cang.

Bawipa nih careltu thinlung chung ah riantuan ter ko she.

+++